Sumi Yi Puguiag Mo 4:1 - Godna mo Awai mona go

¹ Afa ka mingim itila lofug nangunaba mengig heven la pigi gofena. Afa ka higinaba elni mengig la fuf lofug fwina moasinam afa esona og, “Au sis gam fuko blo ka nem mungwali mangwal sa sumi yi puguiagegim enam ka nem ogfuna.”

Sumi Yi Puguiag Mo 4:1 ပူးပေါင်းရင်းမြစ်များ

Matyu 3:16

Afa Sisas bula penam afa puguna ikana gofnaba ikagna of bafuna afa nangunaba Godna Sungwabug gamp lofug peblona Sisas nai yi gahlana.

Suialag Mo Mak Ginofena 1:10

Afa Sisas buwanai fusufu pugunamba yikagna gwenagehe nangonamba of pitigiafonam Godna sungwag gamp lofug pembona Sisas nangum.

Suialag Mo Luk Ginofena 3:21

Afa Jon maisim kalabus seg fwainig fiafnaba afa mungwali el bula apaiyena afa Sisas gafa gwenaig esena bula pena. Afa bula penam pugu betene gofenaba afa sa of bafona.

Suialag Mo Jon Ginofena 16:13

Afa Sungwabug ehe Godna nufunam mo kehlag afa maia ehe bloiba ehe nengelim mungwali nufunam mo ogfunugefe. Afa ehe mas heafna onigig la nengelim sihini amo, afa mangwal ehe higig eba enam sihife. Afa mangwal sumi yi sa pugufe ehe enam nengelim sihinife.

Aposel 10:11

Afa ehe nangunamba of piginam kwania lofug sambaga sambaga afwagna enaig pe bluna.

Aposel 7:56

Afa Stiven sihini og, “Sa hig, ka nangugba heven bafog gohba afa sa Nufunam El Godna nihiginai ninga gam buihia goh.”

Sumi Yi Puguiag Mo 1:10

Afa enanam Ainiyagna osuna Godna Sungwabug kam sulufla wanikina afa ka higinaba elni mengig la fuf lofug kana masigim fwina moasina.

Sumi Yi Puguiag Mo 1:12

Afa koka anwenafe amban maia esogo asa ka wahigife nangunaba afa sa elegeg la gohug lam afohiafna. Afa ena lamba eba gol.

Sumi Yi Puguiag Mo 1:19

“Afa sa ati ne enaigim nangug haig haig sa ilawo go afa haig haig sumi yi pugufe, sa ne enam ginofe.

Sumi Yi Puguiag Mo 11:12

Afa heven lanai une pugunaba afa sa eheningi ahiginaba og, “Sa fuko ahblo.” Maia enaig esonibi asa heven lanai leango pe blonam lambti fukuiafenaba afa sa mungwali angoluwag el nangwag sigafena.

Sumi Yi Puguiag Mo 11:19

Afa Godna kwania lala heven la asa enanam pigi gofufe asa nanguibi enanai yi bokis kontrak gofufe. Afa sa afwei ifiyi fegim afa hug pialele feg afa asag ilafog afa ais bu fun lofug pe minefeg.

Sumi Yi Puguiag Mo 16:17

Afa elegeg of lanai el heafna disni maia efefim sugoflaitinagba asa pegag sime la Godna kwania lala nai fwina moasiyigim og, “Hwaba eba gwenaho feg!”

Sumi Yi Puguiag Mo 19:11

Afa ka nanagogba heven la mengig pigi goba afa busug hos mungu eyi go. Afa el sona hos la ga eba seflig Sawieg El fegim afa Nufunam El feg. Afa heafna kwefihiagegba eba ihlafeg afa fag hagimba eba ihlafeageg.

Sumi Yi Puguiag Mo 22:6

Afa of lanai el kam sihinag og, “Hwa moba eba nufunam nemog feg. Afa God Ainiyag ehe Godna mo fli sihiaule elim anwenag faini. Afa sa heafna of lanai elim ningihiagba asa blog gafugag elim ogfunigbi afa sa mangwal ikagna pugufe.”