Sumi Yi Puguiag Mo 3:3 - Godna mo Awai mona go

³ Sa ne pese onigim mangwal sa ne higigim afa flag sa gwenam patalkunam sa ne olug waikefe. Afa ne enaig esefe ofe el nongi eba ka ukwef el lofug blofe afa mas ne kam anwenafenai sa ka ahnana neanangum blofe.

Sumi Yi Puguiag Mo 3:3 ပူးပေါင်းရင်းမြစ်များ

Matyu 25:13

Afa Sisas esona, “Ne mas anwenafig mo ansi osuna sa nengelni Ainiyag blofe asa numwehifibi.”

Suialag Mo Mak Ginofena 13:33

Negel numwehinim nunofifum, mas na olningigmo amansihe enag enawa pugu osuiname, sinainime.

Suialag Mo Mak Ginofena 13:36

Enaig bogmba yawo yikagnam ehe wa puguf, enag wa nem nangoimba, na non gifuf.

1 Tesalonaika 5:2

Afa ne nimbe ati anwenafig Ainiyagna blog osu eba enaig fefe asa ukwef el sinaini fablofe asa enaig esefe.

1 Timoti 6:20

O Timoti, gafugag sa God nem faig sa ne enam suiala fiahfla. Afa mingnag mwakwalule el enaig esog kagelni anwena onigig eba suialag afa enam mo behigim sa flafihiagigim afa amtakwalig mo sihig. Sa ne enaig elni mom membifeni.

2 Timoti 1:13

Afa sa ne numwehe hwa mo kehlanam asa ka nem faig sa ne mingnagim gwenaig ogfuni. Afa olug onigig nihe i afa membug nihe i sa ne enam patalku asa Sisasna el enaig fasahfifi.

Hibru 2:1

Afa enaba nufunam Sisas oflanai elim gosenig asa big kristen el enag mom higinim enam na numwehe fli, masa big fwahini membififie.

2 Pita 1:13

Afa ka onigig eba suialafeg ka gwese gofiba ka sa nem enaig mom sihinifibi asa ne pese onigim.

2 Pita 3:1

Kana suialag nilite, hwa moba angieg mo ka nem ginofe ningihianig. Afa ka enag sambaganingi mo ka nem ginofenag asa nengel enam onigi afa nengelni onigig sa ma pese suialafe.

2 Pita 3:10

Afa Ainiyagna osuna blogba ofenai ukwef el asa ikagna blog. Afa enanam watig kwania moasife asa of awaiye fe. Afa oflanai gawig gafa suwi la lasgofefe. Afa bite afa mungwali bitenai gawig gafa suwi lage kumwahlafe.

Sumi Yi Puguiag Mo 16:15

(Afa Ainiyag enaig esog og, “Sa hig, ka oblofiba eba ofenaiba el ukwefnagim oblo. Amban sa nonigig fwainig heafna lofugim numwehefugufufe afa mas ehe emefwai ikaiba eba ehem afwanefefe. Ena elbi sa ma sifakalei.”)

Sumi Yi Puguiag Mo 2:25

Afa sa na kam oniginig gwese wasnei kehli ufufiba sama ikan kike blog la pugui.

Sumi Yi Puguiag Mo 2:5

Sa ne enam numwehe onigig autunam sa ne afohieafna enanamba ne ihlafini asa ne olug waikefi ilawana sa ne esig. Afa ne enaig esig fwainigba eba ka blonam neana lam flakun fie eba mas ne afofi.

Sumi Yi Puguiag Mo 22:7

Afa Sisas enaig esog og, “Sa hig, eba ka ikagna blofe! Hwa buk laba mangwal sa sumi yi pugufe, afa ambangel sa ena mom patalfuiagba eba sama sifakali.”

Sumi Yi Puguiag Mo 3:11

Afa eba ka ikagna blofe. Sa ne kam olug onigig wasneig kehli ufu afa masa ukwef el nem haig esegonibi afa maia ne Godna kembig la apukegba eba God mas nem mangwal suialag fai.

Sumi Yi Puguiag Mo 3:19

Afa ambanim sa ka membenag eba ka ehem ninimuiaflaiba asa ma suialag el fe. Asa ne wasneinam olug waikefe.

Sumi Yi Puguiag Mo 3:2

Is, nofeka nongi, sa buihia! Afa nimbeafna suialag nihe amtakwaligim ati meiofe sa ne enam wasnei afla. Afa neana gafugag kana Godna nof la eba mas ihlafeg mo.