Sumi Yi Puguiag Mo 17:4 - Godna mo Awai mona go

⁴ Afa enag angwafigbi tafnaiig lofug suialagna afa engig golna afa haig haig wag enaig suialag aitiageg. Afa kaf gol ningina flaugu. Ena kaf laba heafna aga taitu nihe i afa haig haig amtakwalig mo i enanai yi memtola pugugo.

Sumi Yi Puguiag Mo 17:4 ပူးပေါင်းရင်းမြစ်များ

Sumi Yi Puguiag Mo 14:8

Afa ming of lanai el ehem sum patalkuiahba ehe enaig esonig og, “Kwania kembig Babilon eba ati amtakwale fatig. Enag kembig lanai elbi ehe mungwali minginag kembig lanai elim wanambe minefegim haig haig nihe amtakwalig fiagig. Sonaigba ofenaiba angwafig saglagim uflogna bug wasneig faigim asa ahsahfeg.”

Sumi Yi Puguiag Mo 18:12

Afa heafgelni gawig eba gol i, silva i, suialag fun i, kopu i, haig haig suialag lofug i, fini i, nemtaiwe i, afa mungwali haig haig wag ginofena ungwekig i, fun i, afa bras i afa kapa i enaig eseagini.

Sumi Yi Puguiag Mo 18:16

Afa ehengel enaig esog og; Hoi yo, Babilon kwania kembig niasabam, autunam ehe haig haig suialag lofug fatina afa gol i, suialag fun i, afa kopu i laitiagena.

Sumi Yi Puguiag Mo 19:2

Ehena kwefihiageg eba nufunam fenam ihla fefe. Afa sa mina nai angwafigim kwefihianagefe. Sona angwafig haig haig amtakwalig eseagegim afa elim og sa ma enaig esiagi. Afa Godna gafugag elim kwagi laitig asa God ehem susug mungwag faig.

Sumi Yi Puguiag Mo 21:21

Afa 12 pela mengig eba 12 pela sale afofena afa ena saleba eba kaksag kigna feg. Afa ena saleba eba mungu mungog mengig la afohiakag. Afa kembig minaba eba gol suialag nemog feg ofenaiba glas lofug afsug feg.

Sumi Yi Puguiag Mo 9:21

Afa el mas heafgelni nihem fwahig mo gwenaig maisim el tigifatig i, afa agisu i, afa aga taitu i, afa ukwef i gwenaig go.