Sumi Yi Puguiag Mo 11:2 - Godna mo Awai mona go

² Afa nofeka Godna kwania lala afwambag la yuhuwage enanai yiba mangofi afa enaba angoluwag elim faifie. Afa sonag el Jerusalem suialag kembim 42 wasiyi sa haig ga esifie.

Sumi Yi Puguiag Mo 11:2 ပူးပေါင်းရင်းမြစ်များ

Matyu 27:53

Maia Sisas pese buihianaba asa ehengel bitefeg fwahinim afa afu Jerusalem la apukenaba asa kaksag el nangwagini.

Matyu 4:5

Maia Sisas enaig sihifenaba Satan Sisasim sulflanam Jerusalem gam wanikina. Wanikina Godna kwania lala wofugug sisia nemug la lasuwona.

Matyu 5:13

“Nengelbi bite na sol. Afa solba mileakaba awaieba sa ne haig esibi, sa ma pese mileaklafei? Enaig solba sa mas gafugafei eba el kokofe fatigim afa mongni pigageg.

Suialag Mo Luk Ginofena 21:24

Afa mingnag elimbi angoluwag el kwaskofife afa mingnagim mungwali kembig kalabus lala lambi aitiafufe. Afa afwambinai el Jerusalemim numwehefufufe. Afa gwenaig esifi ikan heafgelni enag osuna awaiefe.”

Hibru 10:29

Afa sonaig elbi haig sa esenifie afa el Godna Legim masig fatinagba mangwal ehem fenafe? Afa sa enag taf Godna mo sihi fwahagim numweheaflag asa enam ehe flafoiba afa sa ehem mangwal fenafe? Afa sa Godna Sungwabug bigim esug kwagan fig asa ehe enam molampbi nafe eba sa ehem mangwal fenafe? Afa sa enag susug sa ehe flafe enaba gwesim hilifekag.

Sumi Yi Puguiag Mo 11:11

Afa maia sambaga mungu osuna afa hap osuna awaienaba afa sa God efef fug eheningim faigbi asa ahbuihiag ahgoba. Asa el nangwagigim afa fwina embefeagig.

Sumi Yi Puguiag Mo 11:3

Afa ka kikeafena sambaganingi elim wasneigna ningitigiba sama amtakwalig lofug aitiag ahfenam enaba ogfug eheningi Godna mo fla ahsihiaule el ahfeg sama kana mo ahsihiag el ahfei. Eheningi enaig namba la sa ahfefe 1,260 enaig osuna sa ahfefe.” (Ena 42 wasbi eba 1,260 osuna feg.)

Sumi Yi Puguiag Mo 12:6

Afa God ati ehem el fwainig la numwehiageg fwahag asa enag angwafig esim ikagna ikafe. Afa sa enanai yi 1,260 osuna numwehefugufufe afa sa fane faifofe.

Sumi Yi Puguiag Mo 21:10

Afa Godna Sungwabug kam wasneinagim afa sa kam kwania mug gam wani fokukagim asa afsug kembig mulug Jerusalemim kam ogfunag. God heven lanai ningihiagba asa pe blog.

Sumi Yi Puguiag Mo 21:2

Afa Godna afsug kembig eba mulug Jerusalem ka nangug. Eba God heven la nai ningihiaba asa pe blog. Enaba suialag wagna ofenaiba angwafig alagag la ako.

Sumi Yi Puguiag Mo 22:19

Afa amban sa ne sumi nai buk la go afa ne enam flafatiba eba God neana nofkikena faig li fugim flafatinibi asa mas heafna kembig la afu saiye hwa buk la enaig esog.