Suialag Mo Mak Ginofena 9:32 - Godna mo Awai mona go

³² Ehefena nihiyinai enag mas ena mom enag olninginimo, enag embefini Sisasim sahinigim.

Suialag Mo Mak Ginofena 9:32 ပူးပေါင်းရင်းမြစ်များ

Suialag Mo Mak Ginofena 16:14

Afa enengem ehefena nihiyinai el oguafenamba ahagafafenamba, enag Sisas pugunam wambnam, eso ehefena nihiyinaim enag wagini. Ehel enag mas olninginimo, enagenagim ehelni olug enag mweteti hun lofug. El esel sihigoni Sisasmba ati piskegam bwihiag, ena mom enag olningi hwanig. Enaig fenamba enag Sisas wagini.

Suialag Mo Mak Ginofena 7:18

Enag Sisas sihini, “Negel gimba olningig hwanig ho? Mas na olningigmo. Mungwal wohof eseli ambagam go, ena yikagim sahwagmba mas elmbi amtakwalefai. Emba nihiyi yika sahonam, afa elim enag mas amtakwalefai.

Suialag Mo Mak Ginofena 8:33

Sisas wahigifenam ehefena nihiyinaim enag nangwagihiagenam, Pitam nunumuafana, “Satan, kana masigim yika. Godna olningugugumba mas na olningugigmo. Awai! Nemba elni olningugugum mungo olningig!”

Suialag Mo Mak Ginofena 9:10

Ehefena nihiyiani enag ehena mom enam pahalug ahua fenamba, enaig esini ehefum mungo olugyi wa sahugehufena, “Amangwo wahagim bwihiagmba?”

Suialag Mo Luk Ginofena 18:34

Afa God ena mom meagam kumohla gufna asa patalfuiag el enanam mas numwehi enag mog mom anwenafini mo.

Suialag Mo Luk Ginofena 2:50

Afa eheningi mas ena mogim anwena ahfena mo.

Suialag Mo Luk Ginofena 24:45

Afa sa ehe ogfufenugenaba asa ehengel Godna mom numwehe anwenafini.

Suialag Mo Luk Ginofena 9:45

Afa God ena mom meagam kumohla gufna asa patalfuiag el enanam mas numwehi enag mog mom anwenafini mo afa ehengel Sisasim sahnigim embefini.

Suialag Mo Jon Ginofena 12:16

Afa enanam heafna patalfuiag el enag mo mas onigini mo. Afa autunai la Sisas lahanam afa buihianam alag nangum pese kukafe asa enanam ehengel enag mo anwenafifi eba Sisasim sunig afa ehem kwefunim enaig esini.

Suialag Mo Jon Ginofena 16:19

Afa Sisas anwenafeg ehengel enam mo onigiafufnaba ona ehem sahni asa ehe sihini og, “Ka esog ‘Mwakwalig afa ne kam mas nangui asa manigeg fwainig ne kam pese nangufi.’ Atiasi enam ne nimbefum sihiageafu?

Suialag Mo Jon Ginofena 4:27

Afa sihiage fegofenaba heafna patalfuiag el ambenam eheningim nangwagini. Afa ehengel oningig Ju elni tisa mas angwafig i mo sihiag ahfei asa ehengel sineminafini. Afa ehengel mas angwafigim sahani mo, “Mango ne membeg?” Afa Sisasim mas sahani mo, “Haisegba ne angwafigim mo sihinag?”