Suialag Mo Jon Ginofena 7:18 - Godna mo Awai mona go

¹⁸ Afa amban el heafna onigig la sihiageg ogna hefum fingifeg. Afa el ming elni unehlagim fingifegba asa ehem ningihiag afa heafna moba eba nufunam afa enag el mas mwakwale.

Suialag Mo Jon Ginofena 7:18 ပူးပေါင်းရင်းမြစ်များ

Suialag Mo Jon Ginofena 5:41

“Afa maia el kam fingi figbi asa ka mas enam fwina oninginai.

1 Tesalonaika 2:6

Afa kagel mas enaig onigifig mo gafugag esinim asa nengel i afa mingnag el i kagelni unehlagim fingi fi.

Suialag Mo Jon Ginofena 12:28

Afa ka enaig esofe, ‘O Api, sa ne nimbiafna unehlagim fingi fe!’” Afa God of la lagofena og, “Ka ati kiafna unehlagim fingi feg afa ka gwenaig pese esefe.”

1 Pita 4:11

Afa amban Godna mo sihiag el feg sa ne mo sihig ena mo God heafna mo lofeg. Afa amban kwefwag el safeg asa Godna wasneig yi enaig ese. Asa el nengelni mungwali gafugagim nangwaginim afa Sisas Kraisna unehlag la Godim fingi fifi. Afa kwania unehlag i afa kwania wasneig i eba heafna feg afa enaba wahkig gofufe. Enaba nufunam.

Matyu 6:9

Asa ne enaig sahi; Kagelni Api ne heven la ga sama el neana unehlagim fingi fini.

Suialag Mo Jon Ginofena 11:4

Afa maia Sisas enag mo higinam afa ehe enaig sihifeni og, “Hwa gih asa ehem flag eba mas lahai. Enaig pugugba sama el Godna unehlagim fingifini afa Godna legim gwenaig esinifi.”

Suialag Mo Jon Ginofena 8:54

Afa Sisas sihini og, “Ka kiafna unehlagim fingi fegba afa enag gafugag mas fug lugui. Afa enag el nengel enaig esogog ehe kagelni God eheba kana alag asa kana unehlagim fingi fena.

Suialag Mo Jon Ginofena 12:43

Afa ehengel fwina membig el sama ehengelim suialag goni afa Godim mas enaig onigifini mo.

1 Jon 2:29

Nengel ati anwenafig Sisasba Godna nof la suialag el afa amban el suialag nihem patalkug eba Sisas lofug feg enag elbi Godna luwalig apukeg.