Suialag Mo Jon Ginofena 6:5 - Godna mo Awai mona go

⁵ Afa Sisas nof fiagena afa nangwagena kaksag el ehem nangugim ambena asa Filipim sahna og, “Hanai sa bigel fane flinim hwag kaksag elim faigoiba sama ahgai?”

Suialag Mo Jon Ginofena 6:5 ပူးပေါင်းရင်းမြစ်များ

Matyu 15:33

Patalfuiag el ehem sihini og, “Hwaba bite fane fwainig. Hana sa big fane amba flinim asa big hwa kaksag elbi faigofe.”

Suialag Mo Mak Ginofena 6:32

Enag bot finim minggam el hwanigam ahuna. Sisas enag ehefena nihiyinaim mungo wankana.

Suialag Mo Luk Ginofena 9:10

Afa patalfuiag el pese ambe Sisas nai yi apukenam asa sihinagini gafuga sa afu feagini enam. Afa Sisas mingnag elim mo fwatinam heafna patalfuiag mo sulfu Betsaida kembig wan ikana.

Suialag Mo Jon Ginofena 1:43

Afa ming osuna Sisas oningina og ka Galili gam ikafe. Afa ehe Filipim yisigi nangunam asa esona og, “Sa blo kam patal blu.”

Suialag Mo Jon Ginofena 1:44

Afa Betsaida eba Filip, Andru afa Pita ehengelni kembig feg.

Suialag Mo Jon Ginofena 1:45

Afa Filip Natanielim yisigi nangunam sihina og, “Autunam Moses heafna nihe mo mungu suialag elim ginofena afa Godna mo fli sihiaule el ehengel gafa gwenag elim ginofena. Afa kagel enag elim ati nangug eba Sisas Josepna leg ehe Nasaretnai el.”

Suialag Mo Jon Ginofena 1:46

Afa Nataniel esona og, “Ka oningig enag kembig Nasaret mas mangwal suialag pugui.” Afa Filip esona, “Sa blo nangu.”

Suialag Mo Jon Ginofena 1:48

Afa Nataniel ehem sahna og, “Haig anwena ne kam fenag?” Sisas esona og, “Afa Filip mas nem puguna asa ne fik li mog la gafena asa ka nem nanguna.”

Suialag Mo Jon Ginofena 4:35

Afa nengelni mo enaig esog, ‘Sambaga sambaga was maia asonai lagnufeba.’ Afa ka nem sihinag Godna aso sa nangu afa enag asonai ati lagnufeg asa lambogefe.”