Suialag Mo Jon Ginofena 3:3 - Godna mo Awai mona go

³ Afa Sisas sihina og, “Ka nem nufunam sihinag afa el sa pese ikanam ninganai luwal fe fwainigba asa enag el mas Godna bog megam nangui.”

Suialag Mo Jon Ginofena 3:3 ပူးပေါင်းရင်းမြစ်များ

Matyu 16:17

Sisas pese sihini, “Saimon Jonna leg ena mo sane sihigba, mango el nem sihina mo, eba heafa kana alag heven lanai nem upugunag. Asa ne enam sifakalena.

Matyu 19:24

Ka nem pese osihin, kamelba tata kwania. Atiaho sa enaba gwelig nil megamba seaifoi? Enaba gwelig nil megam hugufeiba eba fwina wasneig. Asa enaig el membeg Godna bog megam seaifoiba eba gwesim numweheg.”

Matyu 21:31

“Amban alagna olugba patalkuna?” Ehengel esogona, “Eteg”. Asa Sisas sihini og, “Ka nem osihini nengel sumineg lofug. Nengel mas Jonna oningig patalkuna. Afa kig lambiule el i afa mina la afwamine angwafig i asa asaiyenam Godna bog megam gose afufe.

Matyu 5:18

Ka nem nufunam sihinig, maia of i bite i awaieba, mas ena nihe moba weti nemug awaie, awai eba nihe moba gwese gofnaba afa sa mungwali pugug.

Suialag Mo Mak Ginofena 10:14

Sisas ehefena nihiyinaim enag nangwagenam, enag nunumuhiagena. Sisas osoni, “Negel nogofeika kwegonum! Hwahiyi! Luwal ma ka nangum ambogoi, Godmba luwal ohunaik lofugumba sa wanagafi.

Suialag Mo Mak Ginofena 9:47

Enaig neana nofug enag esenam, kam olningenagim pahalukuagimba, mayi amtakwalmba fefeimba, eso nofug enag mingaganai nofugwo fusufati. Enaig esei mungwa nofnamba, emba sa na Godna muhwa hegeg agag enag enaig esenam fanam gofi. Masa na wa nofug sambagana fenam afa na wa amtakwaligam wa kaf suwi mas fuhului esim wa.

Suialag Mo Jon Ginofena 1:13

Afa enaig luwal afag mas wanigai afa mango bigelni alag afagna membug la mo eba God ehe feg asa apukeg.

Suialag Mo Jon Ginofena 1:5

Afa enag el eba ombusug sikulufegim higafeg afa sikulufeg mas ombusugim filafe.

Suialag Mo Jon Ginofena 1:51

Afa ehe ming mo sihina og, “Ka nem nufunam sihinig sa ne nangufi heven la nai mengig pigife asa ka Nufunam Elbi gofiba enaig ging lofug afa Godna oflanai el enag mina apaiye gofenam afa pese kwaliafena.”

Suialag Mo Jon Ginofena 12:40

God ehengelni nofugim kagfonig asa ehe mas nofihiagini mo afa onigigim kikisenig asa mas numwehe anwenafi. Afa God enaig esog afa ka enaig ese fwainigba eba ehengel kam pese oniginife asa ka ehengelim ugwetifefe. Ais 6:10

Suialag Mo Jon Ginofena 3:4

Afa Nikodemus sahna og, “Haisegba asa watiaug el pese ikanam ninganai luwal fefe. Afa ehe mas afagna wula la sefunam asa pese wanigai. Afa el bigel mas enaig esi.”

2 Korin 4:4

Afa el mas Godim olug oniginag mo asa Satan, hwa bite nai god, ehena onigigim sikulufenag asa ehe mas Godna suialag mona ombusug nangui. Afa enag ombusug suialag mo nai blog eba Kraisna ombusug afa eheba God i mungwalofug ahfeg.

2 Korin 5:17

Asa amban el Krais nai yi gofife eba enag el ati glaunai el feg. Afa autunai nihe ehe nai yi eba ati ikag afa glauwaba ehe nai yi glau nai nihe pugug.

Galesia 6:15

Afa elig kokwahiageg nihe mas nem kweafui. Afa el eseg afa el mas eseg mo enag sambaganigi nihe mas haigseg mo. Afa God bigim esenig asa big glaunai apuke enaho eba nufunam nemug.

Efesus 2:1

Afa autunam nengel ne haig haig nihe amtakwalig la afohieafnaba enaig nihe la nengelni sungwabug Godna nof la pigiafna.

Taitus 3:5

asa enaig eseg, ehe bigim pese lambig. Afa God mas bigelni suialag nihem onigini mo asa bigim lambig, amo eba awai. Afa bigel mas suialag nihem enaig esini mo asa ehe aflafegim asa bigim Satanna ninganai lambig. Afa Godna Sungwabug bigelni nufwehim buna suflag asa big enaig feg ofenaiba luwal weti afag ilawo wanigag asa big glaunai nofkenagag flifi.

Jems 3:17

Aman lahlag olungugugna enag God faini, emba enaig esfafef lahlag olug enag eseagegim ahnaig ahnaig amtakwalig olungugug sahkenig, afa ming gwenaig feg mungo olugna lahlag fehiagig (afwahalana lahlag fehiagig) afa ming gamba enaig feg mingnag elim enag enana olningnim afwahlana fahegiahiageg, afa ming gwenaig feg afwahalana lahlag olug mingnag elni mom higinigim afwahalana ena mom enag pahalukwiag afa ming gwenaig feg mingnag elim nangwagegim afa wahanig nemog fenageg kwaganyeg feg afa ming gwenaig feg mungo kafolug moakulug mungo enaig feg mungwal elim enag afa ming gwenaig feg mas mwakwalenagegba fei, emba inim mo fegim. Godna mo lahlag nemo feg.

1 Pita 1:3

Asa big God eba Ainiyag Sisas Kraisna alagim suialag oni. Afa ehe bigim kwania aflafenigim asa Sisas Kraisim ningihiagim afa ehe pese biteg kife nai ilafo fatig. Afa enaba God bigim mulug nofkenagag faig. Afa big ati anwenafig Godna mo sihi fwahag eba ehe nufunam esefe.

1 Jon 2:29

Nengel ati anwenafig Sisasba Godna nof la suialag el afa amban el suialag nihem patalkug eba Sisas lofug feg enag elbi Godna luwalig apukeg.

1 Jon 3:9

Afa amban el eba Godna luwalig ehe mas enag amtakwalig mina fakafe mo asa ehe Godna mungu usumuna feg afa Godna nihe ehenai yi go. Afa God eba ehena Alag asa enag el mas haig haig mina gomine fefi.

1 Jon 5:1

Afa amban el heafna olug oningig og Sisas eba Godna Gisfu Fwahag El afa enaig el eba Godna Leg. Afa amban el alagim membenag asa heafna legim gwenaig esenag.

1 Jon 5:18

Afa bigel anwenafig Godna luwalig mas amtakwalig mina fafufiah mo. Afa Godna Leg enaig elim nangwaghiagego asa Satan mas ehem haig eseni.

1 Jon 5:4

Afa Godna luwalig eba wasneigna fig asa hwa bite la nai amtakwalig nihem filafig. Afa bigel Sisasim olug oningigim asa ehe bigim wasneig faig asa big amtakwalig nihem filafig.

Sumi Yi Puguiag Mo 3:14

Ena moba maisim sihiagofna Sisas enaig esona sa ne ginofenam Laodisia lanai siosna of lanai elim fai. Afa el sihi og, eba esefe hwaba ehena mo. Eba Godna mungwali sawiegim patalkuiaule afa Godna mo nufunam sihiaule. Afa God sa mungwali gafugag fiageg eba ehe mog feg. Ehe enaig esog.