Suialag Mo Jon Ginofena 16:3 - Godna mo Awai mona go

³ Afa ehengel Alag mi ka mi mas anwenafegonig mo asa ehengel enaig esifi.

Suialag Mo Jon Ginofena 16:3 ပူးပေါင်းရင်းမြစ်များ

Suialag Mo Luk Ginofena 10:22

Afa Sisas enaig esona og, “Kikeafna Alag mungwali gawig kana ninga la fwahag afa mas amban kana Alagba anwenafenag mo eba kike mungu fegim afa amban sa ka kikeafna Alagim ogfunig ena mungu he ehem anwenafinig.”

Suialag Mo Jon Ginofena 15:21

Afa ne kana el fegba asa ehengel nem enaig esegonife. Afa Alag kam ninihiagba na ka blog afa ehengel ehem mas anwenafig mo.

Suialag Mo Jon Ginofena 15:23

Afa amban el kam olug kakaginibi asa ehe gafa kana Alagim gwenaig esinig.

Suialag Mo Jon Ginofena 17:25

Api ne suialag nemug feg, afa bitenai el mas nem anwenafenig mo. Afa ka nem ati anwenafeg afa el ne kam faina ehengel ati anwenafig ne kam ningihiag na ka blog.

Suialag Mo Jon Ginofena 17:3

Afa nufunam nofkenagag eba enaig eseg asa ehengel nem ati anwenafig ne nufunam God mungu feg afa ka Sisas Krais ne kam ningihiag.

Suialag Mo Jon Ginofena 8:19

Afa ehengel Sisasim sahini og, “Neana alag hanai yi maia?” Afa Sisas wahigi sihina og, “Ne kam mas anwenafinig mo, eba kana alagim gafa ne mas anwenafig mo. Afa ne kam ati anwenafinibi eba kana alagim gafa ne anwenafinig.”

Suialag Mo Jon Ginofena 8:55

Afa nengel mas ehem anwenafinig mo afa ka ehem anwenafenag. Afa ka enaig sihifegba eba ka mas ehem anwenafenag mo afa enag mo ka mwakwaleg asa ka nengel lofeg mwakwalule. Afa ka ehem ati anwenafenag afa ka ehena mo patalfakufe.

Aposel 3:17

“Nilite nufunam ati ka anwenafeg nengel i afa nimbeafigelni misog el i mas ne numwehe anwenafini mo nasa ne Sisasim enaig nihe fenagini.

1 Korin 2:8

Afa mungwali bitenai misog el mas enag mo anwenafini mo afa ehengel Godna suialag anwena mom anwenafite eba Ainiyag ombusug kwaniana mas li katigeg la fli kahlite.

2 Tesalonaika 1:8

Afa el oksigim sa mas Godna fig mo afa mas Ainiyag Sisasna suialag mom higig mo afa sa God ehengelim amtakwalig mungwag faifie.

1 Timoti 1:13

Afa autunam kaba amtakwalig el fena. Ka Sisasim amtakwalig mo sihina afa heafna elim kinig faigim afa kwagaitifeg. Afa ka ehem mas anwenafena mo afa kana olug onigig ehem mas ka fena mo. Asa God kam aflafenag.

1 Jon 2:23

Amban Legim masig fatig eba Alagim gwenaig esenag. Afa amban Legim ahnai skaufenafe eba Alagim gwenaig esenag.

1 Jon 3:1

Sa hig, God Api bigim kwania membug fenig asa ehe bigim esonug nengel kana luwal. Hwa mo eba nufunam feg. Hwa bitenai el Godna onigigim mas anwenafig mo asa ehengel bigelni onigig mi afa nihe mi mas anwenafig mo.

1 Jon 4:8

Afa God ehe membenig mog feg asa amban el enaig eseg fwainigba eba ehe mas Godim anwenafenag mo.

1 Jon 5:20

Afa bigel anwenafig Godna Leg ati blog asa bigim anwenafeg faig. Asa big anwenafig Godba nufunam. Afa Sisas Krais bigelni olug yi ga asa God gafa bigelni olug yi ga. Afa Sisas eba nufunam God feg afa ehe wahkig nofkenagag mog feg.