Suialag Mo Jon Ginofena 13:1 - Godna mo Awai mona go

¹ Afa enanam Pasova buyis meyini ofefenaba. Afa Sisas anwenafena ehe bite fwahiagim ati muhla ofe asa Alag nangum pese ikafe. Afa ehe heafna elim wahkig membenig fafefe asa hwa bite la feg asa ehena membug gwesim mungwal faifeni.

Suialag Mo Jon Ginofena 13:1 ပူးပေါင်းရင်းမြစ်များ

Suialag Mo Jon Ginofena 12:23

Afa Sisas esona og, “Glauwaba asa God elim ogfunife Nufunam el eba kwania feg.

1 Jon 4:19

God ilawanam bigelim fwina membeni asa bigel gafa gwenaig esi.

Suialag Mo Jon Ginofena 13:34

Afa ka nengelim glaunai nihe mo faig. Eba enaig esog sa ne nimbeafgeli nai fwina membiagi. Asa ka nem fwina membenig sa nengel gafa gwenaig esi nimbeafgel naim sa ne membiagi.

Suialag Mo Jon Ginofena 16:28

Eba nufunam feg ka kiafna Alagim fwahagim naka hwa bite la blog afa glawo ka hwa bite fwahanam asa ka pese Alag nangum ikafe.”

Suialag Mo Jon Ginofena 13:3

Afa Sisas anwenafeg Alag ehem mungwali wasneig ati faig asa mungwali ehem ahnai skaufenig. Afa ehe anwenafeg ehe Godim fwahia blog afa pese ikafe.

Suialag Mo Jon Ginofena 18:4

Afa Sisas ati anwenafena mungwali enag ehem pugunafe. Asa ehe hilife ika gonam ehengel nai yi asa ehengelim sahtigina og, “Nengel ambanim ne yisigi ambeg?”

1 Korin 1:8

Afa God nem kweafugba asa ne wasneig gohunam ikan mungwali awaiye osuna asa maia bigelni Ainiyag Sisas Kraisna osuna puguiba el nem mas sehi.

Suialag Mo Jon Ginofena 17:16

Afa ka mango bitenai el feg mo asa ehengel gafa gwenaig.

Suialag Mo Jon Ginofena 17:1

Afa Sisas ena mo sihi fwahanim afa ofim nangunam sa enaig esona og, “Api, kam lahag was ati pugug sa ne nimbeafna Legim fingi fe asa ma nimbeafna Leg nem fingi fei.

Sumi Yi Puguiag Mo 1:5

Afa Sisas Krais eba nufunam ambala sihiaule afa ehe goseg lahagim afa buihiag, afa ehe mungwali bite nai misog elim Ainiyag fenig. Ehe bigim fwina membenigim, afa lahagim asa heafna tafna amtakwalig nihe mo la nai bigim tigfe lambigim,

Hibru 3:14

Afa atiaba bigelni olug onigig gwese wasneig gohugba eba sa ma gwese gohun bigim lahai asa big Kraisna hihe nemug fefe.

Suialag Mo Jon Ginofena 17:5

O Api, afa bite mahim fiahfenaba afa big ahwagfenaba enanam kana unehlag eba kwania fena. Afa glawo ka membeg nimbeafna nof la enag kwania unehlag ne kam pese fai.

Matyu 26:45

Afa ehe pese blonam patalfuiag elim sihini og, “Mahiaho ne askaba afa hekulafla? Is sa hig, ati opugu mwauule el Nufunam Elim amtakwalig elni ninga la fwahagim.

1 Pita 1:13

Masa nengelni onigig haig haig la ikaminefenfie sa ne Sisasna mo numweheg kehlagufiba asa ne nof feagegofim. Afa sa ne gunag onigig la afohiefiba asa ne nenge afofum eba maia Sisas Krais ombusug yi puguiba asa God nem esmunagim kwaganife.

Hibru 6:11

Afa ka membig sa ne gwenaig gafugag gwesim fiafu maia ikan mungwali awaiegba. Asa suialagim ne nenge afofiba sa pugufe.

Hibru 3:6

Afa Krais eba suialag gafugafeg afa ehe Godna Leg asa Godna lala misog el feg. Afa bigel Godna lala figbi eba sa big wasneinim afa ena onigig kehli ufufum ehe bigim suialafihiagefe.

Mo Pol Rom la nai Elim Ginofe Faini 8:37

Afa el sa bigim fwina membenig ehe bigim kwaganig asa big enag haig haig kinigim ati filafig.

Suialag Mo Jon Ginofena 17:26

Ka ehengelim neana unehlag ogfunig afa nem ati ambala anwenafenig afa ka gwenaig siakafiba afa membug sa ne kam fenag sa ma ehengel nai yi gofi. Afa kike gafa ehengel nai yi gofife.”

Suialag Mo Jon Ginofena 14:28

Afa ne kana mo ati higini ka enaig esona kog ka nem lasan ikanam afa ka nem pese blo pugunife. Afa Alag kam gosenag. Afa ne kam membeniba sa ne sifakali ka Alag nangum kako.

Suialag Mo Jon Ginofena 11:55

Afa Pasova buyis meyini ofefenaba asa kaksag el kembig fwahinim Jerusalem gam afunam afa Mosesna nihem esinim asa buyisim numwehiagini.

Suialag Mo Jon Ginofena 7:30

Afa Sisas enaig esonaba asa el ona ehem ningana kehli afa ehem tigig was meyi fiahfenaba asa mas amban enaig esena mo.

Suialag Mo Jon Ginofena 7:6

Afa Sisas ehengelim sihina og, “Kana was meyi fe afa nengel nimbiafgelni membug la sa afuiago.

Suialag Mo Jon Ginofena 6:4

Afa enanam Ju elni Pasova buyis muhla ofefenaba.

Suialag Mo Luk Ginofena 22:53

Afa mungu mungu osuna Ka Godna Kwania lala ikafenam gafenaba afa enanam ne mas kam flini mo. Afa nag ilawaba eba enanam ne kam esofini. Afa enanam si kifiagim filafe fatife.”

Suialag Mo Luk Ginofena 9:51

Afa God Sisasim heven gam wanikiagim ati meyiofefnaba afa sa Sisas wasneig onigig kehlanam ogna sa Jerusalem gam mo ika.

Matyu 28:20

Afa sa ne ogfu fegonigi sa ma ena mo mungwali patalfui sa ka nem faig. Nofeka eteti eba ka nem wahkig wangafufe ikan ikan enag osuna awaiyefe.”

Suialag Mo Jon Ginofena 8:20

Afa Sisas enaig esona Godna kwania lala meg la afa enag lala meg asa kig lambigim Godim fakig fwaihig. Afa el mas ehem kehlinim tigini mo asa enag osuna ehem enaig esigim mahim fiahfena.

Suialag Mo Jon Ginofena 2:13

Afa Ju elni Pasova buyis muhla ofefenaba asa Sisas Jerusalem gam ikana.

Suialag Mo Jon Ginofena 13:29

Afa Judas ehe kigim kehlag asa mingnag patalfuiag el enaig onigifini og Sisas ehem ningihiag ma ka buyisna fane lambi. Afa mingnag enaig onigifini og Sisas ehem ningihiag sama gawig fwainig elim kwagani.

Suialag Mo Jon Ginofena 14:31

Afa bitenai el sa ma anwenafi ka Alagim membenag. Ehe kam esonagba na ka ehena gafugag mungwali esenag. Au ambe nawo afu.”

Suialag Mo Jon Ginofena 19:28

Afa Sisas anwenafeg heafna mungwali gafugag ati augig. Afa ehe membeg Godna mo asagi sa ma enag nufunam pugui asa ehe enaig esog “Ka bu hefeg.”