Suialag Mo Jon Ginofena 10:4 - Godna mo Awai mona go

⁴ Afwambagam wanpugugum afa kana sipsip unem ati anwenafig afa maia ka goseg ikaba asa sipsip kam sum patalfuiag fug.

Suialag Mo Jon Ginofena 10:4 ပူးပေါင်းရင်းမြစ်များ

Matyu 16:24

Afa Sisas enaig sihifeni, “Afa amban membeg kana patalfuiag el ogofiba asa ehe mas hefum onigig mo afa ehe sama li katige la lahagim numwehenam afa sa kam patal blui.

Suialag Mo Jon Ginofena 10:16

Afa mingnag sipsip eba kana afa ehengel mas hwa bog megam afohie mo. Afa ehengel gafa sama kana mo higinim afa kam patalubigoiba afa ka lambinam mungu bog megam lasanife. Afa mungu anwasag el asa mungwali sipsipim nangwahiage lambfie gofife.

Suialag Mo Jon Ginofena 10:27

Afa ka ati kiafna sipsipim anwenafenig afa ehengel kana mengigim higinim asa kam patalfug.

Suialag Mo Jon Ginofena 10:3

Afa el asa mengig la anwasa fego afa kam mengig piginag asa ka sipsipni unehlagim suwigigba afa kana sipsip kana mengigim ati higig asa afwambagam wankag.

Suialag Mo Jon Ginofena 10:5

Afa enag sipsip ming elni unem higigim afa mas ehem patalfui. Eba ehena mengigim mas anwenafinig mo asa ehem lasu afuiaminafeg.”

Suialag Mo Jon Ginofena 10:8

Afa mungwali el asa lasflam ambegog enag el eba ukwef el asa sipsip ehena mo mas higini.

Suialag Mo Jon Ginofena 12:26

Afa amban ne kana gafugag esenag ehe sama kana onigigim patalblui. Asa ka hanai yi feg eba kana gafugag el gafa gwenanai yi fifife. Afa amban el kana gafugag eseg asa kana alag ehem suialag onafe.”

Suialag Mo Jon Ginofena 13:15

Afa kati nem minaba ogfunig asa ka nem esenig sa ne mingnag elim enaig esegoni.

Suialag Mo Jon Ginofena 18:37

Afa Pailat ehem sahna, “Ei, neba misog el ehe?” Afa Sisas sihina og, “Ei, neana mo eba nufunam kaba misog el feg. Ka hwa bitegam ka blogum asa ka enag gafugafegim eba nufunam mo sihiagim asa mia kam wanigag. Afa amban el asa nufunam mo mungu patalkug enag el kana mo higig.”

Suialag Mo Jon Ginofena 3:29

Afa Jon enaig lasug mo pese sihina og, “Afa el angwafig flagim ofeba asa heafna hihe buyis numwehiagena. Afa enag hihe mas angwafig flai asa ehe gafugafenagim enag angwafig flag elim ningenago. Afa maia ehe angwafig flag elni mengigim higinam asa sifakalefe. Afa ka ati Sisasna mengigim higinam asa ka gafa gwenaig sifakaleg.

1 Korin 11:1

Afa ka Kraisna nihem esegba sa ne gwenaig kana nihem esi.

Efesus 5:1

Afa ati ne Godna luwalig figba afa ehe nem fwina membenig asa ne gwenaig ehe lofug esi.

Hibru 12:2

Afa bigelni olug onigigba eba Sisas mog feg afa ehe bigelim esenigbi asa enag onigig kwania fiahgeg. Afa nawo ehem mungu sa big nangwafofum. Afa ehe mas li katigegim fwahana mo amo ehe enaig onigig fena mangwal sa sumi yi pugufe asa enam sifakalena. Afa mas afwanefumba onigina mo maia li katigeg la esofini finibi afa glauwaba eba Godna muhla pega.

Hibru 6:20

Afa enanai yi Sisas ati gof ikagim bigelni minam tohla fwahag. Afa ehe wahkig prisni misog el fefe ofenaiba Melkisedek.

1 Pita 2:21

Afa Krais nengelim kwaganigim kinig flag asa God nem kanog fwatigba asa ne gafa gwenaig esi. Afa Krais ehe mina ogfug asa ne gwenaig nihe fi.

1 Pita 4:1

Afa Krais heafna eligni susug flag asa ne gafa numwehiaginim gwenaig esi. Afa el heafna eligni susug flagba asa ehe mas haig amtakwalig nihem onigig mo.

1 Pita 5:3

Afa nofeka misog el lofinim afa Godna elim mo piga lambpaigo. Nofeka enaig esi. God ehengelim nengelni ninga la fwatiba asa ne suialag mina ogfugonibi sa ma enag sipsip ena mina patalfui.