Suialag Mo Jon Ginofena 1:4 - Godna mo Awai mona go

⁴ Afa nufunam nofkenagag enag Mo la go afa enag nofkenagag elim ombusug faig.

Suialag Mo Jon Ginofena 1:4 ပူးပေါင်းရင်းမြစ်များ

Matyu 4:16

Enag elbi sikuleg la auguia, ati kwania ombusug pugunig asa nangug. Afa amban el sikuleg pigieg la afohiafiba asa ombusenife. Ais 9:1,2

Suialag Mo Luk Ginofena 2:32

Afa enaba afwambagam elim ombusug faig sa ma anwenafi neana sawiegim asa ma Israelna elim unehlag fingifini.

Suialag Mo Jon Ginofena 11:25

Afa Sisas ehem esona og, “Kike enaig esefe, lahag elim ilafotiginam afa wahkig nofkenagag faife. Afa amban el kam olug oniginag asa lahag eba nofkenagag flafe.

Suialag Mo Jon Ginofena 12:35

Afa Sisas sihina og, “Ombusug nengel nai yi mas wahkig gofi maia enag ombusug gofiba sa ne ati ika masa nem sikulufenafe. Asa el sinaini fakafe ehe mas anwenafe ehe asim ako.

Suialag Mo Jon Ginofena 12:46

Afa ka hwa bite la blog afa ka elim ombusug faig asa mungwali el kam olug oniginife ehengel mas sikulufeg la afohiefi.

Suialag Mo Jon Ginofena 14:6

Afa Sisas wahigi sihina og, “Afa el membeg nufunam mo anwenafigim afa nofkenagag fligim eba kike ena minaba feg. Afa Alag nangum afuiagba mas ming minaba goh mo, eba awai, kike mungu feg.

Suialag Mo Jon Ginofena 3:19

Afa enag mina God elim kwefihiageg afa ombusug ati blog asa mungwali elim ambala ogfunig ehengelni auguiagim. Afa el ehe ombusugim mas membinag mo afa heafgelni nihe amtakwalig patalfug asa ehengel og ka sa sikulufeg la afohiefim.

Suialag Mo Jon Ginofena 5:21

Afa Alag enaig fasefe ehe lahag elim fukulag lasug afa wahkig nofkenagag faig. Afa Leg gafa gwenaig eseg asa heafna membeg ehe ambanim membenag asa nofkenagag faig.

Suialag Mo Jon Ginofena 5:26

Afa God elim nofkenagag faig asa ehe nofkenagag mog feg. Afa ehe Legim kigmog faig asa Leg gafa nofkenagag mog feg.

Suialag Mo Jon Ginofena 8:12

Afa Sisas mungwali elim pese sihina og, “Ka kike enag ombusug hwa bite la feg. Amban el kam patal oblofiba enag ombusug nanguiba asa enag ehem nofkenagag faife afa ehe mas sikulufeg la wagigofi.”

Suialag Mo Jon Ginofena 9:5

Afa maia ka hwa bite la gofiba kike bite nai elim ombusug fenig.”

Aposel 26:23

Enaig esogona Krais God Gisfu Fwahag el sa kinig flafe asa gose lahana buihiafe sa pugunam enag ombusugugim sihiba asa Ju el mi afa afwambanai el mi kwegan fe.”

1 Korin 15:45

Afa Godna mo enaig esog, God lasflam el Adamim gafugafenam afa bitenai eligim nofkenagag faina. Afa sumi nai Adam eba alganam feg asa bigelni sungwabugim nofkenagag faig asa bigel heven la afu gofufe.

Efesus 5:14

Afa mangwal sa ambala afohie enag gafa ati ombusug yi afohie. Asa mingnag mo enaig esog og; El sa ne nongi sa buihia afa nimbeafna biteg kife nai sa ne buihiaiba sa ma Kraisna ombusug ne nai yi fenai.

Kolosi 3:4

Afa Krais ehe neana nufunam nofkenagagba ehe mog feg. Afa maia ehe ambala puguiba afa sa mungwali el ehem nangufie eba ehe kwania misog el feiba asa big ehe nai yi afohiefufe.

1 Jon 1:1

Kagel nengelim ginofegonig enag el ehe nofkenagag mo. Enag Mo autunam nemug ati gofena. Enag ati kagel higig afa kiafna nofna nangug, afa kiafna ningana kehligim faig eflig.

1 Jon 1:2

Autunam enag wahkig nofkenagag el eba Alag i awag afa ilawaba ati bigim ambala fenig. Afa maia enag nofkenagag el pugugba kagel nangug asa kagel nengelim sihigonug.

1 Jon 5:11

Afa enag mo bigim blonig God ati bigim wahkig nofkenagag faig afa heafna Leg ati mina pigi fwahag asa God sama enaig esei.

Sumi Yi Puguiag Mo 22:1

Afa of lanai el kam afalig buum ogfunag. Eba nofkikena faig bu fegim afa glas lofug falaugufego. Godnai i afa Sipsip Luwalig nai i pegag sime nai pe blogim.

Sumi Yi Puguiag Mo 22:16

Kaba Sisas ka kikeafna of lanai elim ningihiagba ehe ati sios elim ena moba faig. Kaba Devitna biteana luwal fegim afa ka ambagna bufiyi ombusugni feg.”