Mo Pol Rom la nai Elim Ginofe Faini 8:35 - Godna mo Awai mona go

³⁵ Asa Kraisna onigig bigel nai yi lugwa enam mas mangwal kagfui. Afa big kinig fli me, susug kahli me, afa el bigim haig hiag sehiagi me, afa bini me, kig awai me, mangwal amtakwalig bigim fehiagi me, afa hagfenam asa pigiafena bigim puguni me, afa enaig eba mas Kraisna membugim kagfui.

Mo Pol Rom la nai Elim Ginofe Faini 8:35 ပူးပေါင်းရင်းမြစ်များ

Suialag Mo Jon Ginofena 10:28

Afa ka ehengelim wahkig nofkenagag faibi afa mas ambanim awaiye. Afa mas amban el kana ninganai blo ukwefe kike mungu ati feg.

Suialag Mo Jon Ginofena 13:1

Afa enanam Pasova buyis meyini ofefenaba. Afa Sisas anwenafena ehe bite fwahiagim ati muhla ofe asa Alag nangum pese ikafe. Afa ehe heafna elim wahkig membenig fafefe asa hwa bite la feg asa ehena membug gwesim mungwal faifeni.

Suialag Mo Jon Ginofena 16:33

Afa ka nem enag sihinig asa ka nai yi afofum eba sa ne olug enesiegna afofufe. Afa hwa bitelaba kinig nengelim pugunife asa nofeka embefi eba kati bitenai nihe filafatig.”

Aposel 14:22

Afa ahkafnamba kigmog mo patalfuiag elim ahfaifinim og, “Nofeka olug onigim fwahi yi. Ambangel Godna bog meg gam saiyegogimba ofifibi asa ma kaksag kinig flinim asa saiye.”

Mo Pol Rom la nai Elim Ginofe Faini 2:9

Afa mungwali el amtakwalig esig eba kinig i afa susug i ehengelim pugunifi. Afa Ju elim lasflam afa afwambanai elim gafa pugunifi.

Mo Pol Rom la nai Elim Ginofe Faini 8:17

Afa big Godna luwalig figbi eba heafna suialag gawig sa luwalim fwahanig asa big enag lambifi. Afa mangwal God Kraisim sa faig eba big gafa gwenaig flifi. Afa Krais susug flag asa bigel gafa susug flig asa God Kraisim fingi fukug asa bigim gafa fingi fukufe.

Mo Pol Rom la nai Elim Ginofe Faini 8:37

Afa el sa bigim fwina membenig ehe bigim kwaganig asa big enag haig haig kinigim ati filafig.

Mo Pol Rom la nai Elim Ginofe Faini 8:39

afa mangwal sisi yi gohug afa mangwal bite la skau gohug afa mungwali mangwal God eseagegba asa big Ainiyag Sisas Krais i ahogo, asa enag mungwali gawig Godna membugim bigim mas kagfuni. Afa Kraisna gafugag bigim enag membug ogfunig.

1 Korin 4:11

Afa autunam blo glau gafa feg asa kam bini pigig afa bu hef feskofeg afa kagelim lofug amtakwalenig, afa el kam pupufetififug afa kagel gug auguiag awaienig.

1 Korin 4:12

Afa ka gafugafigim kiafgelni ningana henge pusig. Afa maia el kam molamp fegonugbi asa ka Godim sahinig ehengelim suialafenigim. Afa maia el kam kinig faigogba asa ka enag kinig kahlig.

2 Korin 12:10

Afa ka Kraisna gafugag esegim wasneig fwainigba afa el kam amtakwalig mo sihinig afa kinig kam faig afa susug kam faig afa haig haig kinig kam pugunag asa ka aflahlanam go. Afa maia ka wasneig fwainig fegba asa enanam God kam wasneinag.

2 Korin 4:17

Afa enag kinig kagel kahlig eba wetiti afa mas fwina gofi. Afa enag kinig kagelim numwehenugegim afa God i wahkig suialag hawag ahfegim. Afa enag suialag gag mungwali bitenai kinigim gofsenig.

2 Korin 4:8

Afa haig haig kinig bigelim pugunim afa enag kinig mas bigelim filaiti. Afa maia big enaig esogog, “Haig big esefi?” Asa bigel mas enam yiskosi fwahi.

2 Korin 4:9

Afa el bigelim amtakwalig esegonigbi asa God bigelim mas nangwagi fwatig mo. Afa bigelim kwagaitifigbi asa mas bigel pigig mo.

Efesus 3:19

Afa ka membeg sa ne Godna membugum anwenafi afa mas big enam mungwali numwehe anwenafig mo. Asa ma God nem heafna nihem memtog la pugunugei.

2 Tesalonaika 2:16

Afa God bigelni Api bigim membenigim asa ehe bigim esug kwaganigba asa enag afigige gohug gwese gofi afa sa big anwenafi mangwal suialag sa big sumi yi flifie enam big nenge afo. Afa kog God i afa Ainiyag Sisas Krais i sa ma nem enaig sahfeni.

2 Timoti 1:12

Afa ka enaig esegba asa ka enag kinig yi kalabusig. Afa ka mas enam afwanfeg mo. Eba kati Sisasim olug oniginag asa ka anwenafeg gafugag ehe sa kana ninga la fwahag eba Sisas enam numwehefkufufe ikan asa ehe pese blofe.

Sumi Yi Puguiag Mo 1:5

Afa Sisas Krais eba nufunam ambala sihiaule afa ehe goseg lahagim afa buihiag, afa ehe mungwali bite nai misog elim Ainiyag fenig. Ehe bigim fwina membenigim, afa lahagim asa heafna tafna amtakwalig nihe mo la nai bigim tigfe lambigim,