Mo Pol Rom la nai Elim Ginofe Faini 6:16 - Godna mo Awai mona go

¹⁶ Ka onigig ati ne enam anwenafig, afa maia ne enaig esog kaba neana esug gafugag el fefe asa ne enag elni mom patalkug. Afa sa ne amban el ne higinam patalkuiba eba ati ne ehena esug gafugag el feg. Atiaba ne amtakwalig nihena esug gafugag el feg eba ne amtakwalig mina ikafe nem lahag pugunafe. Afa atiaba ne Godim higinam patalkug eba ne afsug nofkenagag flafe.

Mo Pol Rom la nai Elim Ginofe Faini 6:16 ပူးပေါင်းရင်းမြစ်များ

Matyu 20:4

Afa ehe sihini, ‘Neangafa afu aso gafugafi asa ka nem kig suialag faife.’

Matyu 6:24

Sisas enaig esona og, “Mas amban sambaga misog elni mom higinam patalkui. Eba ming mo membeba afa ming mo oksife afa asa ehe ming i mo hinaiba afa ming i mo mas fatinafe. Nofe ne Godna gafugag mi afa kig gafugag mi lambtigi”.

Suialag Mo Jon Ginofena 8:34

Afa Sisas sihini og, “Eba nufunam feg amban el amtakwalig nihe eseg asa amtakwalig nihe ehem kikenagim afa enam ahnai skaug fenag.

Mo Pol Rom la nai Elim Ginofe Faini 11:2

Afa autunam God enaig esona ehengel kana el fig afa ehe mas masig fatinig mo. Sa ne pese onigim Godna ginof mo enaig eseg Elaija Israel elim sehtiginam asa Godim enaig sihifena og,

Mo Pol Rom la nai Elim Ginofe Faini 12:1

O nilite, God bigim aflafenig asa ka nem mengigna sihinig sa ne nimbefum mungwali Godim fai ofenaiba el sa mungwali sis Godim tuhlu fafaife. Afa maia maisim ne nofkena gofiba asa ne amtakwalig fwahanam afa nimbefum mungwali Godim fai afa ena mina gamba God sifakaleg. Afa enaba nufunam mina ne Godim fingi fig.

Mo Pol Rom la nai Elim Ginofe Faini 6:17

Afa autunam ne amtakwalig nihena esug gafuag el fini. Afa nimbeafna mungwali onigigna nufunam mo nem faigogba afa ne fligim patalfug. Asa big enam Godim suialag oni.

1 Korin 3:16

Afa ka onigig ne ati anwenafig nengel eba Godna kwania lala asa Godna Sungwabug nengel nai yi go.

1 Korin 5:6

Eba mas suialag feg mo nimbefim fingi figbi. Afa ne enaig mo anwenafig sisna tigag eba weti afa maia pukogba sa bug suialagim mungwali amtakwale fatig.

1 Korin 6:2

Eba Kraisna el bitenai elni nihemba kwefihianugifi. Atiaho ne enam etetig? Afa neba sumi yi bitenai elim kwefihianugifi afa haigsegba ne glau mas nengel nai yi weti kinigim kwefihiagig mo.

1 Korin 6:3

Eba sa big oflanai elim gafa kwefihianugifi. Atiaho ne enam etetig? Afa sumi yi big enaig esofifibi asa ne ati weti bitenai kinigim mo kwefihiagifim.

1 Korin 6:9

Ati ne anwenafig amtakwalig el mas Godna bog megam seaifui. Masa ne mwakwal mo kehlafe. Afa enaig el sa aga taitu fig afa mwakwal godim fingi fig afa angwafig alagag la nai afa saglag angwafigni aga taitufiahgig afa saglag awauwuna fig,

1 Korin 9:13

Afa ne ati anwenafig Godna kwania lala gafugag el heafna fane ena lala nai flag. Afa el enaig gafugafeg sis simesko la tuhlugum asa Godim faig ehe hefum enana koflag flag.

1 Korin 9:24

Afa kaksag el sa kikini kwefwa goseagig afa enanai eba mungu el goseg asa ehe ikag kikini gofseg elni gawigba flag. Afa sa ne gafa kikini gwenaig ikafe ofenai el membeg gofseg gawig ika flagim.

2 Pita 2:19

Afa ehengel enaig esogog sa ne kagelni nihe patalfuibi eba asa mangwal mas nem kike lambugufi. Afa ehengel eba esug gafugag el fig asa amtakwalig nihe ehengelim kikelambugu. Afa mangwal elim filafatig asa enag el eba ehena esug gafugag el fig.