Mo Pol Rom la nai Elim Ginofe Faini 3:4 - Godna mo Awai mona go

⁴ Amo, eba awai. Afa mungwali el asa mwakwalig esig afa God mas enaig esei afa mo asa ehe sihig enam nufunam eseg. Afa Godna ginof enaig esog; Afa neana mo ogfug ne nufunam feg. Afa maia el nem sehinibi afa ne nufunam mona filaklaitig. Sam 51:4

Mo Pol Rom la nai Elim Ginofe Faini 3:4 ပူးပေါင်းရင်းမြစ်များ

Matyu 11:19

Afa maia ka Nufunam El blogba afa ka bu i fane i ahagagig asa el esogona, ‘Sa nangu! Ena el bu i fane i ati fwina ahagagini. Ehe kig lambig el i afa ming amtakwalig el i wana.’ Ehengel enaig sihifini. Afa Godna suialag gafugag ogfunig Godna anwena eba nufunam.”

Suialag Mo Luk Ginofena 20:16

Afa eba blonam sonag elim kwagi klaitinam asa aso mo mingnag elim faifi.” Afa maia mungwali el ena mom higinim enaig esogona og, “Masa enaig pugufe.”

Suialag Mo Jon Ginofena 3:33

Afa amban el heafna mo kehlag asa enag ogfunag Godna mo eba nufunam.

Mo Pol Rom la nai Elim Ginofe Faini 11:1

Asa ka nem enaig sahfenig, atiame God heafna Ju elim masig fatig me? Amo, eba awai. Afa kaga Ju el, Abrahamna simbianiga feg, afa Benjaminna ehengenai feg.

Mo Pol Rom la nai Elim Ginofe Faini 11:11

Afa ka nem pese enaig sahini fenig atiaho Ju elbi musiapugug fiahgigim asa ati apaiyeg? Amo, eba awai. Afa Ju el Kraisna mom masig fwatinibi asa God afwambanai elim lambugo. Afa God enaig esegba asa Ju el enaig esogog haigsegba hiau fligba kam mo awaienig.

Mo Pol Rom la nai Elim Ginofe Faini 3:31

Atiaho sa big enaig esogoi Mosesna nihe mo eba esug feg me? Amo eba awai. Olug onigig esegba nihe mo nufunam feg.

Mo Pol Rom la nai Elim Ginofe Faini 6:15

Afa big mas nihe mom ahnaig skaufini eba God bigim esmunagim kwaganig. Haig big fig? Sa big amtakwalig niheba eseafufi me? Amo, big mas enaig esi.

Mo Pol Rom la nai Elim Ginofe Faini 6:2

Amo, mas big enaigba esi. Afa ati big Krais i ahlahag asa big mas amtakwalig nihem ahnai skaufini. Asa nofeka afohienam amtakwalig nihem esiafufum.

Mo Pol Rom la nai Elim Ginofe Faini 7:13

Haigsegba, atiaho enag suialag nihe mo kam tigifatig. Amo, eba awai. Afa amtakwalig nihe enag suialag nihe mo flagim asa enaig eseg. Afa enaba amtakwalig nihem ambala ogfug. Afa nihe mo amtakwalig nihem esenagba asa enag fwina amtakwaliageg.

Mo Pol Rom la nai Elim Ginofe Faini 7:7

Atiaho sa big enaig esogoi nihe mo eba amtakwalig nihe me? Amo, big mas enaig esogoi. Afa nihe mo kam ogfunag amtakwalig nihe eba mango maia. Afa nihe mo esog fwainigba nofeka mingnag elni mangwal gawigim membenim eseagi. Afa eba mas ka enam ambala anwenafi enaba eba amtakwalig nihe feg.

Mo Pol Rom la nai Elim Ginofe Faini 9:14

Haig sa big esogofe? Atiaho God mas suialag kwefihiag el feg mo? Amo, eba awai.

1 Korin 6:15

Afa ne ati anwenafig nengelni elig eba Kraisna elig kofwag fig. Afa atiaho ka sa enaigba esei Kraisna elig kofwag flanam mina angwafigni nihi pahlai? Amo enaig eba awai nemug.

2 Korin 1:18

Afa God elim mas mwakwaleni afa ehe anwenafeg kagelni mo saka nem sihigonig eba mas ka mengena mo eigonam afa onigigna mo kumwahlanam afa awaionam kwei.

Galesia 2:17

Asa kagel Kraisim olug onigig minam patalfugum afa enaba ambala pugug kagel gafa ati amtakwalig esig ofenaiba afwabanai el esig. Afa atiaba sa kagel enaig esogog Krais amtakwaligim kweafug? Amo, ese ka enaig esofe.

Galesia 2:21

Afa God bigim esmunagim kwaganig ka mas enam yiskoseg. Afa atiaba el nihe mo patalkugba asa Godna nof la afsug feg eba enaig eseg Sisas ehe munum lahana mas mog feg mo.

Galesia 6:14

Afa kaba mas kikeafna unehlagim finig fe. Ka Ainiyag Sisas Kraisna unehlag fingi fenag asa ehe li katigeg la lahag. Afa ehena li katigeg kam enaig esenag asa bitenai onigig kana ati lahag afa ka bite nai onigig la ka lahag.

1 Timoti 3:16

Afa big anwenafig nufunam mo God ehe upuguna afa enag fwina kwania feg. Afa enag nufunam mo enaig esog; Ehe hwaig el lofug gohna asa bitenai el heafna mom higinim ehem olug onigini. Afa Godna Sungwabug ogfuna ehe suialag afa oflanai el ehem nanguni afa ehe heven gam kukagim God i hawag.

Taitus 1:2

Autunam nemug God ati sihi fwahag afa heafna mo mas mwakwalei ehe og ka ma nengelim wahkig nofkenagag faife. Afa enag mo eba bigelni olug onigig mog mo feg.

Hibru 6:18

Afa ilawo God mo sihi fwahagim afa sumi yi mo enag mom wasneig fwahag afa enag sambaganigi nihe mas wahigi wahigi ahfei afa God mas bigim sonaig nihem mwakwaleni. Afa sa ambangel big ikagna afu Godnai yi apuke gohug asa mas amtakwalig enaig elim nugwakalihiage afa eba ena nihe ehengelim wasneihiageaba asa nenge afofufe.

1 Jon 5:10

Afa amban el Godna Legim olug oningigba asa enag Godna mo ehena oningig la go. Afa amban el mas Godna mo olug oningi afa ehe enaig oningig enag mo God heafna Legim sihinag mas nufunam feg mo asa ehe og Godba mwakwalule el.

1 Jon 5:20

Afa bigel anwenafig Godna Leg ati blog asa bigim anwenafeg faig. Asa big anwenafig Godba nufunam. Afa Sisas Krais bigelni olug yi ga asa God gafa bigelni olug yi ga. Afa Sisas eba nufunam God feg afa ehe wahkig nofkenagag mog feg.

Sumi Yi Puguiag Mo 3:7

Ena moba maisim sihiagofna Sisas enaig esona sa ne ginofenam Filadelfia lanai siosna of lanai elim fai. Ena elbi afsug fegim afa nufunam feg hwaba ehena mo. Afa enaig eseg Devitna ki gufnaba asa ehe Israelim nangwage hiagegofna, ena elbi heven ki kehlagu asa ehe mungwali nemug nangwage hiagego. Afa ehe mangwaliba pigiba eba mas amban kikise afa ehe mangwaliba kikiseba eba mas amban pigi. Enag el enaig esog.