Mo Pol Rom la nai Elim Ginofe Faini 3:25 - Godna mo Awai mona go

²⁵ Afa God heafna Legim ambala faig asa ehe lahagim afa Alagna olugim tigai pifakag. Afa amban el Sisasim olug oniginag asa ehena taf enaig elni amtakwaligim busufla fatigba asa God mas ehengelim olug kakagenig mo. Afa enag ogfug God eba suialag kwefihiageg el feg. Afa autunam God aflahlanam fena asa elni amtakwaligim mas haig eseni.

Mo Pol Rom la nai Elim Ginofe Faini 3:25 ပူးပေါင်းရင်းမြစ်များ

Suialag Mo Jon Ginofena 6:47

Ka nem nufunam sihinig amban el kam olug oningig asa enag el wahkig nofkenagag flag.

Aposel 14:16

Autunam ehe afwambanai elim fwatina asa heafgelni sawiegim patagiafufna.

Aposel 15:18

Enamba Ainiyagna mo ati autunam sihi fwahana afa el enam ati anwenafig asa enaig pugufe.” Amo 9:11,12

Aposel 17:30

Autunam bigel mas numwehi anwenafini mo asa God mas bigim wasneig kwefihiageni mo. Afa ilawo ehe mungwali bite nai elim wasneig mo faig og sa ma olug waikefinim amtakwalig nihe fwahi.

Aposel 2:23

Afa sona elbi God nengelni ninga la fwahag afa autunam ati oniginam ena moba kikise fwahana enaig esegim. Afa amtakwalig afwambanai el i nengel i ne li katigeg la kokufenagigbi asa lahag.

Aposel 3:18

Afa autunam God mo fla sihiafule el nai yi megig la sihi fwahana og, eba heafna Gisfu fwahag el susug flafe. Nasa ilawaba ne enaig esefligbi. Asa enag esegba Godna mom ati nufunam pugug.

Aposel 4:28

Afa ehegel laskuhlagim enaig seagofibi eba ati autunam ne sihi fwahana sa pugufe. Asa gwenaig esig nimbiafna sawieg mi afa wasneig mi patalfug.

Mo Pol Rom la nai Elim Ginofe Faini 2:4

Afa God nem suialag esenag afa nem nengigim fenago asa mas nem ikagna susug mungwag fai masa ne enam esegim oksife. Sa ne anwenafe God enaig nem esenagba asa ne olug waikefe.

Mo Pol Rom la nai Elim Ginofe Faini 3:26

Afa glauwaba ehe elni amtakwaligim mungwag susug faig asa ogfug ehe suialag kwefihiageg el feg. Afa ehe amtakwaligim mungwag faig afa el Sisasim olug onigigim enaig esenig asa ehengel Godna nof la afsug kabag el fig.

Mo Pol Rom la nai Elim Ginofe Faini 5:1

Afa bigel Godim olug oniginigbi asa big Godna nof la afsug kabag el fig. Afa bigelni Ainiyag Sisas Krais bigim esenigbi asa big God i mungwa ahfeg.

Mo Pol Rom la nai Elim Ginofe Faini 5:11

Eba ena mungwa mo amo big Godim sifakalig esenigbi asa bigelni Ainiyag Sisas Krais lahagba asa big God i pese ugweag ahfeg.

Mo Pol Rom la nai Elim Ginofe Faini 5:18

Eba enaig eseg mungu amtakwalig nihe pugugba asa God mungwali elim sumi yi mungwag faifi. Afa gwenaig eseg mungu suialag nihe pugugba asa God heafna elim enaig esonig ne mas haig esig mo afa ehengel nofkenagag flig.

Mo Pol Rom la nai Elim Ginofe Faini 5:9

Afa ehena lahag enaig esegba asa big Godna nof la afsug kabag el fig. Afa sa big enam numwehe anwenafi afa ehe nai yi God mas bigim olug kakagenam susug fai.

1 Korin 5:7

Tigag eba amtakwalig nihe feg asa ne enam kofla fati eba sa ne suialag gohe asa ofenai bu miaklanai fwainig. Afa Krais bigim lahanig asa ne suialag afohie. Kraisna lahag ofenaiba Ju el pasova buyisna maunum sipsipim tigig.

2 Korin 5:21

Afa Krais mas mangwal amtakwalig esena mo. Afa God membeg bigelim kwaganig asa bigelni amtakwaligim ehe Krais nai yi fwahana asa ehe nai yi big Godna afsug kabag el fig.

Efesus 1:7

Afa Krais bigim lahanigim asa heafna tafna bigim peseg lambigim afa bigna amtakwalig nihem hugflaitinig. Afa Godna kweafuag eba fwina kwania feg.

Efesus 2:13

Afa autunamba ne membi yi nemug fini afa glawaba Kraisna tafna nem lamblugba asa ne Krais Sisasna feasaiegim afa ne Godim muhla finig.

1 Timoti 1:15

Afa Krais Sisas hwa bite la ati blona asa amtakwalig elim heafgelni amtakwalig nihe nai lambina. Afa kaba amtakwalig elim gosenig. Afa hwa moba nufunam sa big mungwali enam higinim fli.

Hibru 10:4

Afa bulmakauni taf afa memena taf eba mas elni amtakwaligim eba haise flafatin mo.

Hibru 11:14

Afa el sa enaigba esogoiba eba ogfug ehe heafna ming kembigim yisigig.

Hibru 11:17

Afa God Abrahamim enaig sihife fwahana og, “Aisak fenam enanai yi neana simbianiga pugukaminefefe.” Afa sa God Abrahamim yuhna og sa ma Aisakim sis lofug tige Godim fai. Afa Abraham Godim olug oniginam asa ehe ninumwehagena heafna luwal mungu Godim faigim.

Hibru 11:7

Afa God Noam sihina og bu pugufe afa Noa mas enaigim nanguna mo eba ena mom mungu oniginam afa ehe Godna sawiegim patalkuna sa sip gafugafena asa ehe mungu suialag wanpuguna. Ehe enaigba esenaba eba bitenai elim ogfunig ne amtakwalig el. Afa Noa Godim olug oniginaba asa God ehem enaig esona og, “Ne afsug el feg.”

Hibru 9:28

Afa eba Krais ati enaig eseg mungu nagim lahagim afa hefum Godim gwese faigim asa amtakwalig nihem kaksag elni flafatinig. Afa ehe sumi yi pese pugunam eba mas elni amtakwaligim flafatini amo, eba awai eba blonam el sa ehem nengena afo enam lambfe.

Hibru 9:5

Afa ena boks sisi yiba sambaganigi oflanai elni sungwagim ginofi fwatigig. Ena sungwagba enaig eseg sonag oflanai el eba Godna nofbosugam wahkig fagofegofna. Afa sa ena boks sisi yiba sambaganigina anglag kokufiageg ahgo. Afa enanai yiba eba God heafna olug kakageg fwahagim. Afa sonaigba eba ahnana ka enag mungwali mog moba upuguiah mo.

1 Jon 1:10

Afa God enaig esog nengel mungwali el ati haig haig amtakwalig esig. Afa bigel esogofe kagelbi mas haig haig esig mo asa enag mo enaig esog Godna mo eba mwakwaleg afa heafna mo mas bigelni oningig la feg mo.

1 Jon 2:2

Sisasna lahag eba mina pigig fwahag sama God bigelni amtakwaligim huguflafati asa God mas bigim ninimuni. Ena mina mango bigelim mungu mo eba mungwali el hwa bite la feg.

1 Jon 4:10

Afa bigel Godim membinig eba mangwal bigel upugugwa mo. Afa membenig mog eba hwaig God bigelim fwina membenigim asa heafna Legim hwa bite la ningihiagba afa sa bigelni amtakwaligim huguflafatinig.

Sumi Yi Puguiag Mo 1:5

Afa Sisas Krais eba nufunam ambala sihiaule afa ehe goseg lahagim afa buihiag, afa ehe mungwali bite nai misog elim Ainiyag fenig. Ehe bigim fwina membenigim, afa lahagim asa heafna tafna amtakwalig nihe mo la nai bigim tigfe lambigim,

Sumi Yi Puguiag Mo 13:8

Afa mungwali bitenai el sa sisna unehlagim fingi fig afa Godna el sa mas enaig esini mo. Afa autunam God maisim bite fakag fwainig fiafenaba enanam ehe ati ehengelni unehlagim nofkikenag gag buk la sko fwahani. Ena bukba Sipsip Luwaligna buk ati ehem tigifatig.

Sumi Yi Puguiag Mo 20:15

Afa ambangelni unehlag mas nofkikena gag buk la goh mo enaba suwi lagig bume kwania la lambi aitifie.

Sumi Yi Puguiag Mo 5:9

Afa ehengel mulug mwanifi enaig fatifini og; Eba ne pepa flanam ihlafefe ugwanin hugfo aitife, haisegba eba ati nem tigigbi ne lahagim afa taf sugfogim enana elim mungwali mungwa usumuna, afa haig haig mona, afa haig haig lofugna, afa haig haig kembig afa sa lambigim God nangum lambig lamblug pugug.