Mo Pol Rom la nai Elim Ginofe Faini 16:25 - Godna mo Awai mona go

²⁵ Afa ka suialag mo sihig eba Sisas Kraisna mo asa enag mo la God nengelni olug onigigim sa ma wasneig fenigbi asa big ehena unehlagim fingi fi. Afa enag mo wahkig autunam meagam sefugofena afa ka enag mo ambala sihigba asa ne wasneig afo.

Mo Pol Rom la nai Elim Ginofe Faini 16:25 ပူးပေါင်းရင်းမြစ်များ

Matyu 13:17

Ati ka nem sihini mangwal ati ne higigim afa nangug kaksag suialag el afa mo fli sihiafug el ogna higinim afa nangu asa ehengel mas higinim afa nangui.”

Matyu 13:35

Ehe enaig eseg Godna mo ambala upugug. Autunam mo fli sihiafug el sihini og; Ka lasug mo sihiagim. Afa mangwal sa autunam meagam sefugo bite puguia fwainig fiafenaba asa ka sihife. Sam 78:2

Matyu 20:7

Afa ehe esogona, ‘Mas kam amban gafugag fwahianig mo.’ Afa asona alag sihini, ‘Neangafa ese afu kana aso gafugafi.’

Aposel 20:32

“Afa glau ka nem Godna ninga la alasan afa heafna aflafeg mo sama nem kwagani asa nengel suialaflifig afa enaigba God heafna elim enaig esenig.

Aposel 9:20

Gwenana ehe laskuhlag lala ikafnam asa mo sihiafna og, “Sisasba Godna Leg.”

Mo Pol Rom la nai Elim Ginofe Faini 11:25

Kana nilite masa ne nimbeafgelni onigigim fingi fifi asa ka membeg ne ena mo sa autunam meagam sefu gofena sa ne enam anwenafi. Afa enag mo enaig esog Israel el nai yi mas olug wasneig wahkig gohunfi. Afa afwambanai el ambe saiye ehengelim pahsihianam maia ihlafeiba

Mo Pol Rom la nai Elim Ginofe Faini 14:4

Afa ne haig el asa ne mingnag elni gafugag elim kwefihianugi. Afa heafgelni misog el mungu ehe ehem enaig esonifi heafgelni gafugag eba suialag me awai amtakwalig me. Afa ehe suialag gafugag esibi asa Ainiyag ehem esenibi asa ihlafifi.

Mo Pol Rom la nai Elim Ginofe Faini 16:24

Afa ka membeg bigelni Ainiyag Sisas nengelim sa ma esmunagim fakwaganfe gofi. Eba nufunam nemug.

Mo Pol Rom la nai Elim Ginofe Faini 2:16

Afa suialag mo ka sihig eba enaig esog maia God Sisas Kraisim sihinaiba sa elim kwefihianugegim asa ehe gafa elni olmegam onigigim kwefihianugefe.

1 Korin 1:23

Afa kagel eba Kraisna li katigeg la lahagna mo sihiafu. Afa Ju el enag mom higigim og eba metunig afa afwambanai el enag mom esogog eba mo behig.

1 Korin 2:7

Afa enag mom sa kagel sihiafu eba Godna suialag anwenag autunam meagam sefu gofena. Afa maia God bite i of i gafugafeg fwainig fiahfenaba ehe ati enaig onigig fwahana afa ehe bigim kwaganigim asa big ehe i ahwagigim afa heafna kwania unehlagim lambigim.

1 Korin 4:1

Afa nengel sa ne enaig onigifi kagel Kraisna gafugag el fig. God kagelim wegfu fwatig afa heafna mo el mas anwenafig mo asa enam ambala sihiafugum.

2 Korin 4:3

Afa kagel Godna suialag mo sihiafug. Afa mingnag el enaig esogog enag mo mas ambala feg mo. Afa el asa suwi lagig mina la patalfuia afa ehengelim mungu enag mo mas ambala fenig mo.

2 Korin 4:5

Afa mo ka sihig mango kagelni mo mo eba Sisas Kraisna mo asa ehe Ainiyag feg. Afa kagel Sisasim kwefugum asa kagel nengelni gafugag el fig.

Galesia 2:2

Afa ka ikagba eba God ehe kam esonag. Afa ka enanai yi auguiafenaba ka siosna misog elim mungu sihinugena ka membeg ehengel sa ma anwenafi enag mo sa ka afwambanai elim ka sihinig. Afa ka membeg gafugag ka eseg, sama ehengel mungu onigigna kafi.

Efesus 1:9

Afa autunam God ati sihi fwahana og sa ma Krais bigim eseni afa autunam enag sawieg meagam gofena afa glawaba bigim ambala upugunig.

Efesus 3:11

Afa autunam God ehe ati bigelni Ainiyag Sisas Kraisna enaig esegim onigiwage fwahana.

Efesus 3:9

Afa ka enaig gafugag esegba asa mungwali el Godna onigigim numwehe anwenafi eba ilawanaba God mungwali gawig esegim afa heafna onigwageg meagam seifo gofena afa glawaba ka elim ogfunig.

Efesus 6:19

Afa sa ne kam gafa beten fini afa maia ka mo osihifiba sa ma God kam mo fainam afa kam kweagfuiba eba ka mas embefe. Afa suialag mo autunam meagam sefugofena eba ka ambala enam sihife.

Kolosi 2:2

Afa ka enaig esegba asa ehengel ma wasneinim afa membug mungu onigig fi afa nufuna mo sa ma mungwali ambala puguiagei. Asa ma ehengel anwenafi Godna meaganai mo eba Krais ehe mog feg.

Kolosi 4:3

Afa sa ne kangelim betenegonibi asa ma God kangelim mina piginibi ka sa ehena mo sihi. Afa Kraisna mo mas ambala fena mo na ka sa ena mo ambala upugu. Afa mingnag el enag mo mas membeni mo asa ena nangum kam kalabusinig.

1 Tesalonaika 3:13

Afa enag minaba God neana olug onigig wasneifenafe afa maia Ainiyag Sisas heafna elim wanoblofiba asa bigelni Api Godna nofla asa ne afug kabag fe.

2 Tesalonaika 2:14

Afa ka nem Godna suialag mo faigogba afa God nem wegfu fwatigba asa ne heafna el fiahsaieg. Afa ehe enaig esegim asa ehe enaig membeg asa ne Ainiyag Sisas Kraisna suialag la saiye afohiefim.

2 Tesalonaika 3:3

Afa eba Ainiyag ati sihi fwahag eba nufunam esefe. Eba nem wasnei hiagenam asa nem kumo lambgufufe afa mas nem Satan ulambi.

2 Timoti 1:9

Afa God ehe bigim amtakwalig la nai lambigim afa esonig kana el nefeg. Afa bigel mango suialag nihe esih mo amo eba ehe bigim enaigba esenig asa eba heafna sawieg la bigim esmunagim kwaganig asa ehe enaig eseg. Afa ilawanam bite gig fwainig fiahfenaba ehe enaig onigigfena og ka Krais Sisasim ningihiaiba sa ma bigim esmunagim kwagani.

2 Timoti 2:8

Hwam sa ne onigi Sisas Krais eba Ju elni misog el Devitna simbeg sa lahagim pese buihiag. Enag mo eba suialag mo ka sihiageg.

Taitus 1:2

Autunam nemug God ati sihi fwahag afa heafna mo mas mwakwalei ehe og ka ma nengelim wahkig nofkenagag faife. Afa enag mo eba bigelni olug onigig mog mo feg.

Hibru 7:25

Ehe wahkig gohba asa Godim sahnag og sa ma God elim kwagani. Afa glaufenam afa ikan autunai la fefe eba ambangel maia heafna unehlag la God nangum ambefiba asa ehengelim lambfife.

1 Pita 1:20

Afa maia God bitem gafugafeg fwainig maisim fiahfenaba afa enanam Kraisim ati kanog fwahana. Afa hwag osuna eba sumi yi osuna asa Krais ambala ati pugugim nengelim kwaganig.

1 Pita 5:10

Afa ne Sisas Kraisim olug oniginibi asa ilawana God nem aflafenigim awamona sa ne heafna suialag gawig la wahkig hawag fife. Afa kinig sa ne flag eba mwakwalig gofe afa sumi yi God ehe nem pese suiala fiahflanam asa nem wasneig na geba asa ne wasneig gofufe.

Sumi Yi Puguiag Mo 10:7

Afa maia enanam elegeg of lanai el fuf ogofiba asa Godna sawieg meagam sefu go afa enag pugunam eseagefe enaba ati Godna gafugag el eba mo fli sihiaule elim naig eso fwahani asa gwenaig esefe.”