Mo Pol Rom la nai Elim Ginofe Faini 15:14 - Godna mo Awai mona go

¹⁴ Afa kana nilite, ka kike ati anwenafeg nengelni suialag nihe eba kwania fig afa nengelni haig haig anwenag ihlafig asa ne nimbefum ogfufehiagi.

Mo Pol Rom la nai Elim Ginofe Faini 15:14 ပူးပေါင်းရင်းမြစ်များ

1 Korin 1:5

Afa Kraisna mom sa ka nem sihigoni asa ne fligim numwehe patalfug. Afa ne Sisas Krais i ahgoba asa ne haig haig suialag gawigim ihlafiahgig asa nengelni mo sihiagim suialafeg afa anwena kwania feg.

1 Korin 12:8

Afa Godna Sungwabug mungu elim wasneig faig asa ehe suialag ongigna mo sihig afa enag mungu Sungwabug ming elim gafa wasneig faig asa ehe suialag anwenag mo sihig.

1 Korin 13:2

Afa atiaba God kam wasneig faigba asa ka Godna mo fla sihiaule el lofeg afa atiaba ka mungwali gawigim anwenafeg afa ka Godna mungwali meaganai onigigim anwenafeg afa atiaba kana olug onigig ihlafegba asa ka mugum esonafe sa hili ika afa ka nai yi elim membenig nihe gohug fwainigba eba ka esug feg.

1 Korin 8:1

Autunam ne kam fane mwakwal godim faig na mom sahini. Afa glanu koka enam sihi. Eba nufunam big suialag anwena ati flig. Afa el anwenagna fig eba hefum fingi fig afa el mingnagim membegonug eba mingnagim fingi fekukug.

1 Korin 8:10

Afa el mas onigig wasneig mo nem nangugum afa esog ne suialag anwenagna feg afa ne ikagim sefu mwakwal godna lala fane neg. Asa ehe nangunam afa ehe gafa ogna gwenaig ese.

1 Korin 8:7

Afa mingnag el enam mas numwehe anwenafig mo. Autunam mingnag el mwakwal godim fingi fi fwiafena asa glau ehe onigig fane el mwakwal godim faig eba enag mwakwal godna. Afa ehengelni onigig mas wasneig mo asa ehe onigig el enag fane ahgagba eba amtakwalig nihe esig.

2 Korin 8:7

Afa mungwali gafugag nengel suialag nihena esig. Afa nengel Godim wasneig olug oniginig afa enag mo nengel suialag sihifig. Afa nengel ati kwania anwenag nafig afa sa nengel fwina sawifig Godna gafugag esigim. Afa nengel kagelim fwina membegonug. Afa kig agogoli faigog nihe nengel esig asa kagel membig nengel enam gafa gwenaig suialag nemug esig.

Efesus 5:9

Afa ombusug nihe eba haig haig suialag nihe i afa afsug nihe i afa nufunam nihe i lampugug.

Filipai 1:11

Afa eba mungwali suialag nihe sama nem gohunfi enaba Sisas Krais la nai blog. Asa ma el enam nangunim sama Godna unehlag fingi fi.

Filipai 1:7

Afa enag kana suialag onigig eba ihlafeg asa ka nem fwina membenig. Afa autunam ka isug gofenaba Godna suialag mo sihiakafena afa ka elim kwangan fena kog sama wasneig olug onigig kehli afa ne kam enag gafugagim kwefug. Afa glauwanga ka kalabus yi gohba ne gwenaig esig.

Kolosi 3:16

Afa sa ne Kraisna mo nimbeafena olug yi fwahibi asa ma enanai yi ihlafiahgeba asa ehe suialag onigig na mingnagim ogfunifie. Afa sa ne Godim suialag onam asa Baibel mwanifi, afa Sisasna mwanifi afa haig mwanifi Godna Sungwabug upugug sa ne enam laitiagi.

1 Tesalonaika 5:11

Asa ne nimbefgelni naim elim wasneig gonum afa nimbefum fakwagani asa ne ilawo gwenaig esofe.

1 Tesalonaika 5:14

Afa nilite, ka membig ne enaig sa esi yiskos elim fegonuginim afa wasneihiagi afa embefule elim wasneihiage afa auwiaug elim sa ne kweagfu afa mungwali elim nengigim eseni.

2 Tesalonaika 1:11

Afa enam ka onigigim asa ka nem wahkig betenegoni afo. Afa God nem kanog fwatig ehem patalfuiagim afa ka Godim sahanig sa ma nem suialag nofkenagagim kwagani. Afa kog ehena wasneig ma nem esinibi asa ne suialag nihem esenim afa sa ma suialag onigig nem gohonifibi asa ne mangwalba esi.

2 Timoti 1:5

Afa ka pese nem oniginag neana olug onigig eba mas mwakwaleg mo. Afa ka anwenafeg neana awag Lois i afa neana afag Yunis i ehenigina olug onigini eba suialafena afa ka onigig eba gwenaig ati neana yi gafa goh.

Filemon 1:21

Afa ka anwenafeg enag mo ka ginofegba afa ne higinam esefe. Afa ka anwenafeg ne gwesim nimbiafna oningig la gafugafiakafe.

Hibru 5:12

Afa ne Sisasim olug onigini ati manageg afa mas ne elim ogfuiag el fig mo. Amo, eba el sa ma nem Godna mo ogfugonigi glawana fenam sa gwesim ikai. Afa ne mas wasneig fane neageg mo afa eba ne maisim tut ne go.

Hibru 6:9

Kana hihe, ka nem hwag wasneig mo osihin afa ka mas nem esoni ati ka anwenafeg God nem lambinam suialafihiagefe.

2 Pita 1:12

Afa ka anwenafeg ati ne nufunam mo higigim kehlig. Asa kog ka nengelni onigigim pese fwakig lasani.

1 Jon 2:21

Ka mas oningi nufunam mo nengel mas anwenafig mo asa ka nengelim ginofenig eba awai. Nengel ati anwenafig asa ka nengelim ginofenig afa nengel anwenafig mwakwal mo mas nufunam mo la goh mo.