Mo Pol Rom la nai Elim Ginofe Faini 10:16 - Godna mo Awai mona go

¹⁶ Afa mingnag el eba ena suialag mom oksini. Afa Aisaia ehe enaig esog, “Ainiyag, el mas kagelni mo flagonig mo.”

Mo Pol Rom la nai Elim Ginofe Faini 10:16 ပူးပေါင်းရင်းမြစ်များ

Matyu 13:14

Aisaia mo fli sihiafug el sihinaba ena elbi ena mom nufunam esini; Ena elbi higafufenaba afa mas anwenafini mo. Afa nanguafufenaba mas numwehe nanguini mo.

Suialag Mo Jon Ginofena 10:26

Afa nengel enam mas olug onigini mo. Afa ena enaig esigbi asa nengel mango kana sipsip mo.

Aposel 28:24

Afa minganag Pol maia sihinaba ena mo flinim afa minganag mo ena mom mas membini mo.

Mo Pol Rom la nai Elim Ginofe Faini 1:5

Afa heafna unehlag la God kagelim suialag fenig asa kagel kanog fwatig el fig. Asa kagel mungwali afwambanai elim Godna mina ogfugonig asa ma ehengel Godim olug oniginim afa Sisasim patalfui.

Mo Pol Rom la nai Elim Ginofe Faini 11:17

Afa Israel el ofenaiba aso nai oliv li fig afa afwambanai el ofenaiba sangwali nai oliv li. Afa sa God aso nai oliv li kagag tutogim asa sangwali nai oliv li kagag lambkugum enana sigag la tutufe fwatiba asa ehengel ehena suialag bug flig.

Mo Pol Rom la nai Elim Ginofe Faini 16:26

Afa God wahkig gohug glau ehe enaig esog el sa ma Godna mo fli sihiaule elni ginof anwenafi asa mungwali bite nai el enag mo oniginim afa Godim patalfui.

Mo Pol Rom la nai Elim Ginofe Faini 2:8

Afa mingnag el hefum onigigim afa nufunam mo oksigim asa amtakwalig nihem patalfug. Afa God heafna olug kakageg enaig elim faig.

Mo Pol Rom la nai Elim Ginofe Faini 3:3

Afa mingnag Ju el Godna mom patalfuiag fwainigba asa atiaho God gafa gwenaig faesefe asa heafna mom mas patalkui?

Mo Pol Rom la nai Elim Ginofe Faini 6:17

Afa autunam ne amtakwalig nihena esug gafuag el fini. Afa nimbeafna mungwali onigigna nufunam mo nem faigogba afa ne fligim patalfug. Asa big enam Godim suialag oni.

Galesia 3:1

O Galesia nai el ne onigig etetig el. Afa amban nengelim esenigbi asa neana onigig gasaflafig sa ne etetig. Afa ka ati nem ambala sihinig Sisasna li katigeg la lahagna mo eba mungwalofug enaig eseg ne nimbeafna nofna enam nangug.

Galesia 5:7

Afa autunam ne ati suialag ikafe. Afa amban maia nem nufunam mo patalkuiagimba kwenag.

2 Tesalonaika 1:8

Afa el oksigim sa mas Godna fig mo afa mas Ainiyag Sisasna suialag mom higig mo afa sa God ehengelim amtakwalig mungwag faifie.

Hibru 11:8

Afa God Abrahamim enaig sihifena og susum ika afa bite ati ka nem sihi fwahanag asa ne flafe. Afa Abraham Godim olug oniginam afa heafna kembigim fwahanam asa Godna sawiegim patalkuna afa mas ehe anwenafena mo asim sa ikafe.

Hibru 4:2

Asa big numwehe Godna suialag mo higim afa eba autunam Israel el ena mo higinim mas numwehe onigini mo nasa ena mo mas ehem kwagana mo.

Hibru 5:9

Afa eba ehe afsug el nemug feg asa el ehem patalfugba eba ehe wahkig gag mina feg.

1 Pita 1:22

Afa ne nufuna mo higigim patalfugba asa ne afsug fig afa ne Kristen nilitem membegonug. Afa enag membug onigig sa ma nengelni olug yi gofi.

1 Pita 2:8

Afa ming Godna mo enaig esog; Afa enag sumul eba kaksag elim mwelkel fetife gofiba asa el ena sumul mogug yi apaiyegofe. Ais 8:14 Eba ehe Godna mom fingi fatigbi nasa ehengelim mwelkel fetife go. Eba autunam God ati anwenafe fwahana eba enaig esifi.

1 Pita 3:1

Afa nengel angwafig sa ne nimbeafna alagagim ahnai skaufegon. Afa ehe Godna mo higigim oksigba asa ma ehe nengelni nihem nangunim asa ma onigig waikefi. Afa enamba nengelni mo sihiagim goseg.