Mo Pol Rom la nai Elim Ginofe Faini 1:21 - Godna mo Awai mona go

²¹ Afa ehengel anwenafig ehe eba God afa ehengel mas enaig esogog mo neba nufunam God asa ehem fingi fini mo afa ehengel mas ehem suialag oniginig. Amo, ehegelni onigig eba mas ihlafeg mo afa ehengelni onigig behig eba sikulufeg.

Mo Pol Rom la nai Elim Ginofe Faini 1:21 ပူးပေါင်းရင်းမြစ်များ

Suialag Mo Jon Ginofena 3:19

Afa enag mina God elim kwefihiageg afa ombusug ati blog asa mungwali elim ambala ogfunig ehengelni auguiagim. Afa el ehe ombusugim mas membinag mo afa heafgelni nihe amtakwalig patalfug asa ehengel og ka sa sikulufeg la afohiefim.

Aposel 26:18

Asa ne ika ehengelim mina piginibi asa ma sikigiegim fwahinim sa ma ombusugim ambe afa ma Satanna wasneig mo fwahinim afa sa ma Godna wasneig mo fli. Sa ma kam olug oniginiba ka sa ehengelni amtakwalig mo fla fatinim sa ma afunam mungwali Godna afsug kabag el nai yi wahegohi.’

Mo Pol Rom la nai Elim Ginofe Faini 1:19

Afa mangwal mungwali eba Godim ogfug eba el enam ambala nangug. Afa God ehe enam ehengelim numwehe ambala ogfunig.

Mo Pol Rom la nai Elim Ginofe Faini 1:28

Afa ehengel Godim nufunam anwenafenag onigig oksig asa God enaig mungwag esenigbi asa ehengelim fwatigba sa ehengel heafgelni totohiag onigigim patalafug asa mangwal amtakwalig mas esi eba enam esig.

Mo Pol Rom la nai Elim Ginofe Faini 11:10

Asa ma ehengelni nofug kulufeskofegba asa ehengel mas nangui afa kinigni wahkig kahligim fifsafeagiaska. Sam 69:22,23

Mo Pol Rom la nai Elim Ginofe Faini 15:9

afa ming gafa enaig eseg ehe afwambanai elim kwaganigba sa ma ehengel Godna aflafegim anwenafinim asa Godna unehlagim fingi fi. Afa Godna ginof la mungu Ju el enaig esog; Asa ka afwambanai elni olyi neana unehlagim fingi fefe afa ka neana unehlagim mwanifini fingi fukufe. Sam 18:49

2 Timoti 3:2

Afa el enaig esifi hefum membug figim afa kig fligim fwina onigig. Afa ehengel heafna unehlagim fingi finim afa fwina tonbusiagifi afa molamp mo sihiagefufi, afa afahumonigim filafe gonifi, afa mas nem suialag onai, afa Godim mas fatinifi.

1 Pita 1:18

Afa autunam ne nimbeafgelni simbianigana nihe mo la ne gofena afa enag nihe nem mas kwagana mo afa sa nem God enanai lambig. Afa ehe mango bitenai wagna silva afa golna esei mo amo enaig eba sumi yi amtakwalig saihfe.

1 Pita 2:9

Afa nengel eba God ati nem kanog fwatig afa God ehe misog el feg afa nengel heafna pris fig afa ne afsug kabag el figim afa Godna el fig. Afa ehe nengelim enaig esinigbi asa ne heafna suialag gafugagim ambala sihiagi. Afa ehe nengelim awamonugbi asa ne sikulufeg la nai fwahinim heafna suialag ombusug nemug gam ambegog.

Sumi Yi Puguiag Mo 14:7

Ehe fwina enaig sihifeg og, “Enanam God mungwali elim kwefihianugefe afa sa ehem embefinim asa ehena unehlagim mungu fingi fi. Eba ehe mungohe heven i, bite i, kwania bu i, afa fun bu i enag ehe mungwali fwatiageg sa ne ehena unehlagim fingi fi.”

Sumi Yi Puguiag Mo 15:4

Afa Ainiyag ne mungohe afsug feg afa sa mungwali el nem embefinim sa ma neana unehlagim fingi fi. Afa mungwali el bite nai sa ma neana nihem nanguinim ambe nem lotufini.