Mo Jut Ginofena 1:16 - Godna mo Awai mona go

¹⁶ Afa enag el ehe mas sifakale asa memtog mona hefum lagig afa mangwal amtakwalig asa pugug eba mingnagim kufenigim. Ehe heafna amtakwalig onigig patalkugim asa hefum fingi feg afa ehe embeg mo sihiageg asa ehena membeg sa goh sama enaig la pugui.

Mo Jut Ginofena 1:16 ပူးပေါင်းရင်းမြစ်များ

Suialag Mo Luk Ginofena 15:2

Afa Farisi el i nihemo anwenag el i olug kakageaginim og, “Mangigim Sisasba ehengelimbi hihe fenigim afa faneba wan one.”

Suialag Mo Luk Ginofena 19:7

Afa mungwali el nangwagnim heafgelni olug yi enaig esogona, og, “Ei, sonaba amtakwalig elni lala ika ga.”

Suialag Mo Luk Ginofena 5:30

Afa Farisi el i afa nihemo anwena el i enag fwinam lagnim Sisasna patalfuiag elim sihinigoni og, “Mangigim ne kig lambiule el mi afa amtakwalig el miba wanahgag?”

Suialag Mo Jon Ginofena 6:41

Afa Sisas esona og, “Kaba heven la nai aba.” Asa Ju el enag mo higinim afa hefum memtog mona sihiagini.

Suialag Mo Jon Ginofena 6:61

Sisas ehe ati anwenafena mingnag el ehem asa patalfuna hefum memtog mona lagwagini asa ehengelim enaig esoni og, “Atiaho hwa mo nengelim kinig faig?

1 Korin 10:10

Nofeka memtog mona lagim asa mingnag ati enaig esiniba asa oflanai amtakwale tifeule el ehengelim kwaklaitina.

Galesia 5:16

Afa ka nem enaig sihifenig. Sa ma nengelim Godna Sungwabug mina ogfunibi sa ne enam patalfu. Afa ne enaig esibi eba ne mas eligni sawiegim patalfui.

Galesia 5:24

Afa el sa Krais Sisasna feg eba ati heafgelni amtakwalig elig sawiegim li katigeg la gufla kahlagba asa enagba awaieg.

Filipai 2:14

Afa gafugag sa ne feagigbi nofekawu lagwaginim afa sa nimbefum monagi.

1 Tesalonaika 4:5

Afa afwambanai el Godim mas anwenafinig mo asa aga taitu onigig la afuia sa ne nofeka enaig esi.

1 Timoti 6:5

afa elim mas suialag wangafei. Afa ehengelni onigig amtakwalig asa nufunam mo mas ehengelni goh mo. Afa ehengel enaig esogog, “Ka Godna mo la ka fiba ka kaksag gawig lambig gofife.”

2 Timoti 4:3

Afa enaig pugufe asa el nufunam mom higigim yiskosifi. Afa ehengel membig haig haig mwakwal mo higigim asa ehengel kaksag ogfuiag elim awamogonugim og ma ambe ena mwakwal mo sihiagibi ka sa higim.

1 Pita 1:14

Afa sa ne Godim higina ofenaiba suialag luwal. Afa nimbeafna sawieg nengel nai yi go maia nem anwena gohug fwainig fenagba nofeka enam patalfu.

1 Pita 2:11

Kana hihe, maia big hwa bite la auguiaba sa big onigigim hwa bite eba mango bigelni mo. Asa hwa bite nai amtakwalig onigig elig ona ese, asa nofeka enam patalfu. Asa enag onigig nengelni sungwabugim ahuflago.

1 Pita 4:2

Asa ehe hwa bite la gohba asa mas bite nai onigig ehem kehla gufi afa ehe Godna sawiegim patalkug.

2 Pita 2:10

Afa ehengel susug flife. El sa heafna eligni amtakwalig sawiegim patalfug afa Godim masig fatinig afa enaig el eba fwina susug flife. Afa enaig mwakwal ogfuiag el eba tonbusug el fig afa hefum mungu onigig feg. Afa ehengel amtakwalig wasneig oflanai el sisi yi go mas embefinig mo asa ehengelim gafa amtakwalig mo sihigonig.

2 Pita 2:18

Afa ehengel fwina lagigim asa hefum fingi fi afa beheg mona sihig. Afa el sa nufunam mo mas patalfug mo afa mingnag el ogna ehengelim lasaniafunam asa nufuna mo patalfu. Afa maia ehengel lasaniafu afa mwakwal ogfuiag el ehengelim yuhnigim afa sihigonug sa nimbeafna eligni sawiegim patalfu.

2 Pita 3:3

Ilawana mo enam ne anwenafinim, maia osu awaiegim ofefiba afa mingnag el amtakwalig apukenam heafgelni onigigim patalfug asa nem amtakwalig mo gosis mona sihigonufe.

Mo Jut Ginofena 1:15

afa ehe mungwali elim kwefihiagefe. Afa maia enaig eseba afa amban asa Godim molamp ognag afa haig haig amtakwalig nihe eseg asa God mungwag susug faife.”

Mo Jut Ginofena 1:18

Ehengel nengelim enaig esogonife afa maia osu awaiegim muhla ofefiba afa amtakwalig el nem enaig esogonifie og neana onigig wetiti fig asa neana suialag mo mas patalkui afa heafna amtakwalig onigigim patalfug.