Matyu 4:25 - Godna mo Awai mona go

²⁵ Afa kaksag Galilinai afa Dekapolisinai Jerusalem lanai afa Judianai afa Jordan bu magigi nai el enag mungwali Sisasim patalfuia gohna.

Matyu 4:25 ပူးပေါင်းရင်းမြစ်များ

Matyu 12:15

Afa Sisas ena mom higinam asa nanai fwaha ikana. Afa nub el sum patal afuna asa Sisas mungwali gih elim wangene fetifena.

Matyu 19:2

Afa kaksag el ehem patalfuna. Enanai yi mingnag gih elim suiala fetifena.

Matyu 4:15

Sebulun i Naptali i nengelni bite gifni bu wagieg mina ikagla gwesim Jordan gohfba eba Galili kaksag afwambanai el auguia.

Matyu 5:1

Sisas el kaksagim nangwagnam afa sa mug gam fukukana. Mug la fuko gafenaba afa heafna patalfuiag el ehem nigi afuna.

Matyu 8:1

Sisas mug gum fwaha pekana afa kaksag el sum patalfuna.

Suialag Mo Mak Ginofena 5:20

El enag eso yikanam ena mo sihiagena Dekapolis muhwa kimbig enag ningagagim pugufeogona 10 ena provinswa. Enag mungwal 10 kimbig enag mungwa wuhegalamba Dekapolis. Enanayi sihinugena amang eseli Sisas ehim esenagena enam. Mungwal el enag eso higinim olug wahegasaina.

Suialag Mo Mak Ginofena 6:2

Sabat osunam enag yikana nuwagig lalagam. Godna mom elim sihinigim. Enagsa el ehena mom higini, enag olug wahegeasainam enag enaig osogona. “Elmbi elimba ahanagna mo fak? Enaig nalig olningugug elimba ahnaig olningugug? Enag enaig esegim, nalig ahnaig ahnaig gafungafag. Mas big autinamba enaigmba nangunimo. Ahanagna tifutuk enaigmba pugunug?

Suialag Mo Mak Ginofena 7:31

Sisas bwihianam piskenam Tairim wahianam yikana Saidonwa olugyi puguna. Gwesim hilikanam olugyi puguna ningagagim pugufewogug 10 kimbig enag enaig sefafig Dekapolis yikanam puguna wahegimeg buwa Galiliyi.

Suialag Mo Luk Ginofena 6:17

Afa Sisas mugim wanfwahanam bite tafagam pe wankana. Afa enanai yiba kaksag el laskuhlana distrik Judia kembig lanai afa Jerusalem lanai afa gwenanai bu blug yi nai kembig Tair i afa Saidon i enag ambe gohkafna.

Suialag Mo Luk Ginofena 6:19

Afa mungwali el enaig esini ogna Sisasna eligim ningana tuhufibi asa ma ehena wasneig pugunam mungwali gihim plau fatini.