Matyu 26:56 - Godna mo Awai mona go

⁵⁶ Afa enaig mungwali asa pugugba eba ati Godna mo fli sihiaule el ati ginofi fwahini asa nufunam pugu.” Afa mungwali patalfuiag el Sisasim fwahanim embem afuminefena.

Matyu 26:56 ပူးပေါင်းရင်းမြစ်များ

Matyu 21:42

Sisas ehengelim sihini og, “Ena moba ati Godna bukla goh. Haisegba ne na mas anwenafig mo? Mo enaig ikafeg; Ena sumulba lala nimblawagig el esugum fli fatig eba naho God esenagba asa sumulba gohug. Afa enaba fwina suialafeg maia nangugbi. Sam 118:22

Matyu 26:24

Nufunam Elbi eba lahafe, ati Godna buk la sihi fwahana asa lahafe. Afa amban sa Nufunam Elim, elim mwaunufe eba niasabam. Eba suialag afag mas ehem wanigaite.”

Matyu 26:31

Afa Sisas heafna patalfuiag elim esoni, “Nengel nangufe maia mangwal kam opugunafiba gla sinaini afa nengel kam fwahinim asa ne embem afufe afa Godna buk ati enaig sihifeg og; Ka sipsip nangwaghiage elim tigeiba sama sipsip mo embem afuaminafe! Sek 13:7

Matyu 26:54

Afa ka enaigba eseba eba Godna mo mas nufunam pugui. Godna buk ati enaig sihifena asa enaig kam pugunafe.”

Suialag Mo Jon Ginofena 16:32

Higim, enag osu ati muhla ofe amo eba ati pugug asa ne mungwali kam fwahinim afuiaminefefe nimbiafgelni mungu mungu kembig gam asa ka kefwaimu gofufe. Afa ka mas kefwaimu nemug gofi eba kiafna Alag i ka ahgofufe.

Aposel 1:16

“Ei, nilite autunam Godna sungwabug Devitim esenamba asa Devit mo sihina afa ena moba Godna buk la goh. Judasim sihinig og, sona elbi mauule el asa Sisasim angoluwagni ninga la fwahag asa enag ilawaba pugugba eba Devit ati sihi fwahana.

Aposel 2:23

Afa sona elbi God nengelni ninga la fwahag afa autunam ati oniginam ena moba kikise fwahana enaig esegim. Afa amtakwalig afwambanai el i nengel i ne li katigeg la kokufenagigbi asa lahag.

2 Timoti 4:16

Afa ilawana ka kot la sihiag ofefnaba ka kike mungofena afa mungwali el embem afuna asa kam mas kwefuni mo. Afa ka membeg God nofeka enag amtakwalig ehengelim mungwag eseni.