Matyu 22:21 - Godna mo Awai mona go

²¹ Afa esogona, “Sisar, Romna misog el.” Asa Sisas sihini og, “Sisarnaba asa Sisarim fai afa Godnaba asa Godim fai.”

Matyu 22:21 ပူးပေါင်းရင်းမြစ်များ

Matyu 22:20

Afa Sisas sahini og, “Amban na nofbosug i unehlag i asa nanai yi go?”

Matyu 22:37

Afa Sisas ehem enaig sihifena, “Sa ne Godim nimbiafena Ainiyag fwina membena. Sa ne nimbiafena olug ni, sungwabug ni, afa onigi na fwina Godim membena.

Matyu 4:10

Afa Sisas sihina og, “Satan, esimika Godna mo enaig esog, ‘Godim ahnai skaufenam afa sa heafna unehlagim mungu fingife.’”

Suialag Mo Mak Ginofena 12:17

Enaig fenamba, enag Sisas osoni, “Amang Romoa nangwagohog elnimba, emba eso enam faiyi; afa amang Godnamba eso Godum faiyi.” El enag ena mom higinim olug wahegasaina.

Suialag Mo Luk Ginofena 20:25

Afa esogona, “Sisar Romna misog el.” Asa Sisas sihini og, “Afa Sisarnaba asa Sisarim fai afa Godnaba asa Godim fai.”

Suialag Mo Luk Ginofena 23:2

Afa sa ehengel Sisasim sehini og, “Sonag elbi og na bigelni kantrim filafefati. Ehe elim ogfunig og masa kig Romna misog elim faifi. Afa ehe enaig esog og kaba Kraist kike misog el feg.”

Aposel 4:19

Afa sa Pita i Jon i wahigi ahsihini og, “Neafa nimbe kwefihiagi mango maia Godna nof la suialafeg, ka nengelni mo ahpatalku me awai Godna mo ahpatalku me.

Aposel 5:29

Pita i afa mingnag kanog fwatieg el i wahigi esogona og, “Kagel sa ka Godna mom mungu patalfu masa nengelni mo kagelim kwenig feg asa ka mas Godna mom patalfui!

Mo Pol Rom la nai Elim Ginofe Faini 13:7

Afa mangwal gavmanim faigim safeg eba sa ne fai. Afa haig haig takis sa ne fatinigim afa enaig elimba sa ne angug higinam afa suialag onam afa sa ehem esena.