Matyu 11:5 - Godna mo Awai mona go

⁵ Ati nofug hafinig el bahiaskofeg afa mung amtakwalna wangene fiahsaieg afa lepra elim wangeneg afa ang tetini ati mo higig afa el melig pigieg buguiagafeg afa gawig fwainig el Godna Suialag Mo higig.

Matyu 11:5 ပူးပေါင်းရင်းမြစ်များ

Matyu 10:8

Sa ne ugwegim, lahag buihagim, gihinam lofug amtakwalig ugwegim, sanel ningitigig. Ka nengelim kigmog esug faig enag elim kwaganig esug faig.

Matyu 11:4

Afa Sisas sihini, “Ati ne nangug afa higig asa Jonim pese afunam sihini.

Matyu 12:13

Afa Sisas elim sihina og, “Ninga susnufiafo.” Maia ninga susnufiafonaba asa ehena ninga suialafena gwenai ming ninga mungwalofug.

Matyu 21:14

Afa enanai yi nofug hafinigna afa mong kukwalini ambe Sisasim nanguni. Afa ehe suialafetifena.

Matyu 5:3

Ambangel asa enaig onigife, kaba suialag el mo God sa kam kweafui, afa enag el sa ma sifakalifi afa sa ma Godna bog megam saiyefoi.

Matyu 9:30

Afa sa ehenigina nofug bahiawagena. Afa Sisas wasneig mo faini og, “Nofeka ahsihi enag gafugag ka esegba.”

Suialag Mo Mak Ginofena 7:37

Enag eso mungwal el enag ena mom higinim eso olug wahegasaina. El enag enaig sihiagini, “Amang amang eseli eseageg enag ena yuhwa newugehe feg? Angug nihiliag mo hegig! Mengig kapenifegmo wagig.” Enaig sihiagahufena.

Suialag Mo Mak Ginofena 9:25

Sisas nangwagenamba elksa yikagna muhwa nuwagenam wahegagena, enaig fenamba enag, Sisas Satanna nihiyinai amtakwaligim enam nunumuafana, “Nemble Satanna nihiyinai mengig nihifenag angugum nihiliag, ka nem osonag, luwalna nihiyinai enag pugumbo! Nofeika piske ka sahom!”

Suialag Mo Luk Ginofena 4:18

Ainiyagna Sungwabug kam blonag, afa wegig fwahagba asa ka ehena suialag mo esug elim fla blunig. Enag ehe kam ningihiagba na koka kalabusinai elim mo sihinibi asa ma enanai yi fwahinim apuke esug afui. Afa koka ikanam nof tetini elim sihigonibi asa ma nofug bahia skofei ehe kam ningihiagba enag ka blo koka elni kinigim flafatini.

Suialag Mo Jon Ginofena 10:25

Afa Sisas wahigi sihina og, “Ka nem ati sihinig afa nengel mas higig mo. Afa kana alagna wasneigni ka kigmog esena afa enag gafugag nengelim ogfunig ka amban maia.

Suialag Mo Jon Ginofena 10:38

Afa ka alagna gafugag ati ka esenag. Afa nengel kana mo higigim oksi ofinifibi, afa kana kigmogim sa ne nangunim oniginim asa enag ne anwenafi Alag ka i hawag afa ka alag i hawag kaningi eba mungu ahfeg.

Suialag Mo Jon Ginofena 2:23

Afa maia Ju elni Pasova buyis ofefenaba Sisas Jerusalem la gafena. Afa el heafna kigmog nanguni asa kaksag el ehem olug oningig.

Suialag Mo Jon Ginofena 3:2

Afa sinaini ehe Sisasim nangwagim blonam sihina og, “Saglag, kagel anwenafig ne tisa God ehe nem ningihiag. Afa el Godna feg fwainigba asa ehe mas enaig kigmog ogfuni asa ne eseg.”

Suialag Mo Jon Ginofena 5:36

Afa Alag gafugag kana ninga la fwahanag asa ka enag gafugafe. Asa enag gafugag kana mo kweafug afa ogfug Alag kam ningihiag. Afa Jonna mo eba enaig eseg afa hwa mo eba fwina suialafeg.

Suialag Mo Jon Ginofena 9:7

Afa enaig esenam esona og, “Bu la sugim ika Siloam bume bu gam.” (afa enag unehlag Siloam eba ningihiag) Asa enag el ikanam bu la sunam nofug baihiana afa ehe pese kembig gam blona.

Aposel 2:22

Ne Israel el numwehe kana mo higini ka nem osihin Sisas Nasaret la nai el, nembe ne anwenafini God ati ehena ninga la wasneigbi nem ogfunig. God ehem enaig esenagba nem og sama anwenafi heafa ehehe ena elbi ningihiagba asa blog.

Jems 2:5

Nilite, ka nem membenewug fenig, enag kana mom numwehe higi. Afa el amang amang hwanig wanai feg, afa enag elimba God ati gisfuhwatig of ma kam hogonam olingini fi. Yuwanam God ninimo kifutuk mo newug osona og, amangal esinim ehim membenewug fenimbi emba ehelim enag wambnam ehe agagwa wasanif.