Kolosi 2:10 - Godna mo Awai mona go

¹⁰ Afa sa ne Krais i ahgofim asa God nufunam nofkenagag nem faibi asa nem ihlafenugeg. Afa ehe misog feg afa sa mungwali wasneig sanelni misog el ehem ahnai skaufenig.

Kolosi 2:10 ပူးပေါင်းရင်းမြစ်များ

Matyu 28:18

Afa Sisas muhla pugunam sihini og, “Mungwali heven la nai i afa bite la nai i God kam kigmog faigba asa ka lambugu.

Suialag Mo Jon Ginofena 1:16

Afa heafna nihe eba bigim wahkig esmunagim kwaganig gohugim asa bigim suialag lafieg afa ehe bigim gwenaig esenigofife.

1 Korin 15:24

Afa enanam awaieg osuna maia puguiba asa mungwali gawig awaiefe. Eba enanam mungwali sanelni misog mi afa wasneig sanel mi afa ehengelni mungwali kigmogim eba Krais enam mungwali amtakwalig klaitife afa mangwal sa ehem ahnai skaufinig eba enam lambinam God bigelni Alagna ninga la fwatife.

Efesus 3:10

Afa autunamba meagam seifo gofena afa glawaba siosim esenigbi afa sios Godna haig haig suialag onigig i afa anwenag i ambala upukeminefenigbi og sa ma oflanai el wasneig elni afa sanelni misog elni enag Godna onigigim anwenafi.

Efesus 3:19

Afa ka membeg sa ne Godna membugum anwenafi afa mas big enam mungwali numwehe anwenafig mo. Asa ma God nem heafna nihem memtog la pugunugei.

Kolosi 2:15

Afa Krais li katigeg la lugugim asa ehe mungwali sanelni misog el mi afa ehengelni wasneig mi filafe klaitigba afa ehe flafatinigim asa ehengel el ambala afwanef fiahsaieg.

Kolosi 3:11

Afa bigel mungwali mulug el figim asa big gwenaig mungwalofug Godna nofla afohie. Nofeka enaig onigifi og kaba Ju el gosig fig amo afwabanai el og ka gosig fig. Afa mangofi afa ambangel el sa lofug kokohiawagig afa ambangel el sa mas lofug kokohiawagig mo enaig elbi eba Godna nof la mungwalofug fig. Afa membi nai el algana mona i afa nihe i fig afa esug gafugag el fig afa esug ahwagifkig el fig enaig elbi gwenaig mungwalofug fig. Afa sa Krais ehe bigelim mungwali gosenigim afa bigelni onigig la sefu go.

Hibru 5:9

Afa eba ehe afsug el nemug feg asa el ehem patalfugba eba ehe wahkig gag mina feg.

1 Pita 3:22

Afa ehe heven gam ikagim afa Godna nihiginai ningagam ga asa mungwali oflanai el i afa wasneig sanel i afa haig haig wasneig gawig i ehem ahnai skaufinig.