Jems 5:8 - Godna mo Awai mona go

⁸ Afa neangamba eso gwenaig nisanawog ehe fei, kwisieg mwahalai augwiag. Gwenaig feg Ainiyag bogum meini feaka, enag emba ese mwahalai kwisieg ol lahlag augwiafum.

Jems 5:8 ပူးပေါင်းရင်းမြစ်များ

Suialag Mo Luk Ginofena 21:19

Afa atiaba ne wasneigbi eba ne nofkikena afohiefufe.”

Suialag Mo Jon Ginofena 21:22

Afa Sisas ehem sihina og, “Ka membeg sonag el sa ma nofkenagag gafiba sa ka pese blofe. Enaba mango neana mo mo. Afa neawo sa ne kam patalblu.”

Mo Pol Rom la nai Elim Ginofe Faini 8:25

Afa big ati anwenafig mangwal big mas flig mo asa big enam nengigim nengeafo.

Galesia 5:22

Afa maia Godna Sungwabug bigelim gofsenigbi asa heafna fug bigel nai yi leg enag fug eba, elim membug, afa sifakalig, afa olug enesieg, afa elim aflahlanam esenag, afa elim suiala onig fenig afa elim suialafenig, afa elim onigigna fenag.

Filipai 4:5

Afa sa ne mungwali elim aflahlana fegon asa Ainiyag ati blogim meyi ofe.

1 Tesalonaika 1:10

Afa ne nengena gofiba asa heafna Leg heven la nai blofe. Afa enag Leg Sisas lahanaba asa God ehem ilafona. Afa autunai la God elim fwina olug kakagenife afa Sisas bigim kwaganig asa bigim mas amtakwale klaiti.

1 Tesalonaika 2:19

Afa ka enag onigifeg asa ka nengelim sifakaleni. Afa maia Ainiyag Sisas oblofiba afa kagel anwenafig ehe kagelni gafugag sifakale nife afa ehe nem nangwagiba asa ne ofenaiba kagelni suialag lifug le.

1 Tesalonaika 3:13

Afa enag minaba God neana olug onigig wasneifenafe afa maia Ainiyag Sisas heafna elim wanoblofiba asa bigelni Api Godna nofla asa ne afug kabag fe.

2 Tesalonaika 3:5

Afa kog Ainiyag sa ma nem mina ogfunigbi asa enam ne numwehe anwenafi eba Godna membug nem gohonifibi asa ne wasneig Krais lofug afohiefim maia nem mangwalba pugunibi.

Jems 5:3

Nimbefngalni golum silvam enag nyana bwambugugenugofe. Ena bwambugug enag emba esenam amang amang amtakwalig esel na eseagehufena enag esinim wambuk apekgof nimbeafngalni eligim enawa nem eseasaif suwi lag lofeasaif. Bete awaiegim ati muhwa ofe, enana wa kanam awaief, afa enag negel enag gwesigim mahiyim mungwal gawig enag na wambugigim mungowa nuwagahu.

Jems 5:9

Nilite, nofeka esinim nimbefum mo bagagig esim ahnaig ahnaig mo amtakwalig, afa mingnag elim sumigim amtakwalig migig wagoni haig haig mo. Enaigba nasibi, emba esinim negelimba munguag wambinim kotgam wanahuf. Jas newug, God, mengig muhwa go.

1 Pita 4:7

Afa mungwali gawig ati awaiegim muhla ofe. Afa sa ne onigiwaginim afa numwehiagifim asa ne beteni.

Sumi Yi Puguiag Mo 22:20

Afa el sa ena mo sihinaba enag ilawo sihig og, “Eba nufunam, eba ka ikagna blofe.” Eba esefe. Sisas Ainiyag au sa blo.