Hibru 8:13 - Godna mo Awai mona go

¹³ Afa God enaig esog ka mulug mo sihi fwahag afa enam eba ogfug goflanai mo ehe sihi fwahag eba ati watiauweg. Afa mangwal sa autunaieg enaba esug gohba awaiegim ofe.

Hibru 8:13 ပူးပေါင်းရင်းမြစ်များ

Matyu 24:35

Of i bite i mungwali awaiyeba afa kana moamo wahkig gwesegofufe.”

Suialag Mo Luk Ginofena 22:20

Afa maia ahganaba asa ehe bu kapna flanam gwenaig esena ehengelim mimangenim afa sa enaig esona og, “Hwa buba eba kana taf, ka sugfenam asa ka lahafe. Ena tafba ese fwahag eba Godna mulug mo sihi fwahag.

1 Korin 13:8

Afa membenag nihe eba gwese wahkig gofife afa Godna mo fli sihiaule elni mo eba awaiefe afa haig haig mona lagwagig gafa eba awaiefe afa el sa kwania anwenafig afa ehengelni enag anwenag gafa awaiefe.

2 Korin 3:6

Afa God ehe kagelim esenigbi asa kagel Godna glaunai sihi fwahag mo gafugag esigim ihlafig. Afa enagba mango autunai ginof nihe mo la go mo eba Sungwabug la go. Afa amban el mas autunai ginof nihe mo patalukug mo eba lahag ehem pugunafe afa Godna Sungwabug elim nofkikenagag faifi.

2 Korin 5:17

Asa amban el Krais nai yi gofife eba enag el ati glaunai el feg. Afa autunai nihe ehe nai yi eba ati ikag afa glauwaba ehe nai yi glau nai nihe pugug.

Hibru 1:11

Afa enamba eba awaiefe afa nimbiafba ne wahkig gofufe. Afa enamba ofenaiba lofug watiauegim afa piplehiagofe.

Hibru 12:24

Afa glawa gafa ne Sisas nangum ambeg eba ehe Godna mulug mo sihi fwahagim numwehefugu. Afa ne heafna taf gam ambeba asa ehe heafna tafna nem figifigi fenugegba afa sa amtakwalig awaiyekag. Afa ena tafba Abelna tafim filafegba afa Abelna taf eba el mungwag gwenaig esenai.

Hibru 7:22

Afa enag wasneig sihi fwahag mo enaba ogfug Sisas ehe autunai minam kwefug kugim afa glaunai mina God nangum ikagim Sisas eseg fwahag enag minaba autunaim minam gosenag.

Hibru 8:6

Afa Sisas enag pris gafugag flagba eba sonag elni gafugagim kwegfukag. Afa God ati sihi fwahana asa Sisas God nangum ikag mina tohla fwahag afa eba ena mina mi afa mo mi goflanaim kwegfukag.

Hibru 8:8

Afa God heafna elni amtakwalig nihem nangwagigim asa mas sifakaleni afa sa ehe enaig esog og; Ainiyag enaig esog maia enanam ofefiba ka sa mulug mo Israel el mi afa Juda el mi sihi fwahan.

Hibru 9:15

Afa sa ma Kraisna taf bigelni olug onigigim busfu klaiti asa Godna mulug mo elim sihi fwahanig Krais sa ma enam ninumwehe aflai. Afa sa elim God unenig sa ma mangwal suialag wahkig gohunifi God sihi fwahagim asa ma ehengel enam fli. Afa sa el Mosesna nihem ahnai skaufinim afa amtakwalig eseagini enag Krais lahagim asa elim pese lambigim afa amtakwalig nihe nai pigi klaitigba asa esug afohie.