Hibru 5:14 - Godna mo Awai mona go

¹⁴ Afa wasneig fane eba saglagna feg. Afa enaig el eba heafgelni onigigim numweh lambfig mangwal sa suialag feg afa mangwal sa amtakwalig feg.

Hibru 5:14 ပူးပေါင်းရင်းမြစ်များ

Matyu 5:48

Afa asa ne fwina suialag afufum nengelni alag hevenla suialag gwenaig feg.”

Mo Pol Rom la nai Elim Ginofe Faini 14:1

Afa mingnag elni olug onigig mas wasneig mo asa ehengel fane foiyi aklafig. Asa ne enaig elim suialafe hiaginim wanambego. Nofeka enaig esegonim asa ehengelni haig weti onigigim fegonugim.

1 Korin 2:6

Afa ambangel olug onigig wasneini fig asa kagel ehengelim Godna suialag anwenag mo sihigonug. Enag anwenag mo eba mango hwa bitenai i afa bitenai misog elna i mo mo. Afa sumi yi ehengel eba awaiefe.

Efesus 1:18

Afa ka sawi yi feg God sa ma nengelni onigigim obusenibi asa ne anwenafi ehe nem unetigigim asa nem mangwal suialag gawig sumi yi flife. Afa mangwalim God sa heafna elim sihi fwahani eba suialag nemug feg.

Efesus 4:13

Asa big mungu olug onigignafife afa Godna legim sa big anwenafig eba mungwalofufeg. Afa big saglag lofinim afa big gwenaig Krais i mungwalof ahfefe.

Filipai 3:15

Afa bigelnai amban sa saglagna olug onigig lofug fegba enaig el sama kana onigig lofug gwenaig esei. Afa ne haig onigig fegba eba God sama nem ogfunai.

1 Tesalonaika 5:21

eba sa ne enam mungwali fahiage afa mangwal asa afsug feg asa ne ena mo kehla.

1 Timoti 4:7

Afa nofeka mwakwal elni mo behigim onigi. Ena mo mango Godna blo mo afa mas nem kweafui. Sa ne fwina gwenaig segofum asa neana nihe Godna minam patalku.

Hibru 6:1

Afa mas big mungu nai yi afohiefi, afa masa ne wetiklug mo Kraisna lambofufe. Sa big saglag el lofinim wasneig mo fli. Afa ena moba enaig eseg asa big amtakwalig nihem lahag minam masig fatinim afa sa big Godim olug onigini.

Jems 3:2

Big wahig mungwalyi ahnaig ahnaig wesigimba big esig fapegof afa esenam aman el mungoga amtakwalig mo e nag ehena mengwo pugua hwanigba emba esegim lahlag el newug feg. Emba esenam ehefena eligim mungwalyi gamba enag numohsafefuku.