Hibru 12:28 - Godna mo Awai mona go

²⁸ Afa sa big Godna bog meg mo lambfo enaba mas fufi. Asa nawo enam sifakalinim afa sa ehem embefinim afa ahnai skaufini afa sa heafna unehlagim fingi fibi asa ma ehe sifakalei.

Hibru 12:28 ပူးပေါင်းရင်းမြစ်များ

Matyu 25:34

Afa sa misog el nihiginai elim sihinifi og, ‘Aublo, kana alag asa nengelim suialafihiageg. Au ambenam nimbiafena gau fli eba Godna bog megam. Ilawana mungwali bite puguia fwainig fiahfenaba God ati numwehe fwahana.

Suialag Mo Luk Ginofena 1:33

Eba Jekopna simbianigagna misog el wahkig gofife, ehena misog el gafugag mas awaie nai.”

Mo Pol Rom la nai Elim Ginofe Faini 11:20

Afa enaba nufunam. Afa eba ehengel mas olug onigig mo asa God enaig esenig. Afa ne olug onigigbi asa God ati nem tutufe fwatigba asa ne gwese afohie. Asa nofeka tonbusiagi afa sa ne embefi masa God nem gafa enaig esenifi.

Efesus 1:6

Afa God heafna legim fwina membenam afa enaba ningihagba asa pe blog bigim lahanig. Eba ehe esmunagim bigim kwaganigba asa big Godna unehlagim fingi fi.

Efesus 5:10

Sa ne enam numwehe yisginim anwenafi mangwal nihe sa God nem og ese.

Filipai 4:18

Afa ka nem osihin, afa mangwal sa ne ningihigbi Epafroditus flagim ublug kam faig afa ka glauwaba kam ihlafenagba asa ka kaksag feg. Afa enaig gawig sa ne kam faigbi ofenaiba pris sanda Godim tuhlunigbi asa suialag emblegusug pugugba asa God enam sifakalenag.

Hibru 10:19

Asa nilite sa big anwenafi Sisasna taf sugfogim bigim mina piginigbi asa big mas embefi Godna afsug nemug megam saiyegimba.

Hibru 13:15

Afa Sisasna unehlag la nawo Godna unehlagim wahkig fingi fifum. Afa big enaig Godim faigbi eba ofenaiba pris sis Godim faig. Afa bigelni mo lagig eba ogfug bigel eba Sisasna el fig.

Hibru 13:21

Afa ka membeg ehe sa ma nem suialag gafugagim ihlafenugeba asa ne heafna sawiegim patalfu. Afa Sisas Kraisna unehlag la God heafna membug la bigim esenigbi. Afa Sisas sa ma ehe sisi yi nemug fenam wahkig gwese gofufe eba nufunam.

Hibru 3:6

Afa Krais eba suialag gafugafeg afa ehe Godna Leg asa Godna lala misog el feg. Afa bigel Godna lala figbi eba sa big wasneinim afa ena onigig kehli ufufum ehe bigim suialafihiagefe.

Hibru 4:16

Afa Sisas eba bigelni prisni misog el feg asa big mas Godim ambe muhla fenigim embefig mo. Afa big ati anwenafig God sa bigim esmunagim kwaganife. Afa maia kinig bigim pugunibi asa enanai yi bigim aflafenim afa sa bigim esug kwaganig.

Hibru 5:7

Afa maia Sisas hwa bite la blo pugunam ehe ambwaitina Godim weanahlum sahna. Afa sa ma God ehem lahag mina fwahai. Afa ehe hefum sugupenam Godna membugim patalkunaba asa God ehem higina.

1 Pita 1:17

Afa maia nengel Godim ahsahnifibi asa enaig seflififi Api. Afa God elni haigim fahigeagegim asa mungwali elim mungwa mina kwefihianugeg. Afa sa ne onigi hwa bite mango nimbeafgelni mo eba maia ne nofkenagag gofiba sa ne enaig onigife, masa kam God kwefihianagefe eba kana nihe sa mas suialafeg mo.

1 Pita 2:20

Afa atiaba ne amtakwalig nihe esegba asa nem ena nagum tigifi eba ne esmunagim susug flag eba el nem og eheba suialag el ehe? Amo, el mas enaig esogoi. Afa ne suialag gafugafegba asa ne esmunagim susug flag eba God nem suialafenafe.

1 Pita 2:5

Afa nengel gafa nofkenagag sumul fig afa Godna Sungwabugni wasneig yi ehe ogna nem esenibi asa ne Godna lala fife. Asa nengel afsug pris fig afa Kraisna unehlag la sa ne suialag nihe Godim faig ofenaiba pris sa Godim sis tuhfu faini.

Sumi Yi Puguiag Mo 1:6

afa lambkug heafna bog megam aitig fwahagim afa bigim esenigbi asa big pris figim sa big heafna God Apiim gafugafini. Afa sa Sisas Krais ehe wahkig unehlag kwania flanam asa mungwali nangwagihiage gofufe. Eba esefe.

Sumi Yi Puguiag Mo 15:4

Afa Ainiyag ne mungohe afsug feg afa sa mungwali el nem embefinim sa ma neana unehlagim fingi fi. Afa mungwali el bite nai sa ma neana nihem nanguinim ambe nem lotufini.

Sumi Yi Puguiag Mo 5:10

Afa ne ehengelim esinigbi asa pris figim afa sa bigelni Godim gafugafinig asa ehengel mungwali bite nangwaghiagife.