Hibru 12:1 - Godna mo Awai mona go

¹ Afa sonaig autunai Godna el bigelim wagigo faka gonigim afa sa bigim nangwagafo. Afa bigel ofenaiba seslefofeagofi asa big amtakwaligim fwahinim afa mungwali gawig sa bigim ogna wegmus fe enam big fwahi. Afa sa big wasnei God sa bigim mina faigbi enam sa big patalfu.

Hibru 12:1 ပူးပေါင်းရင်းမြစ်များ

Matyu 10:22

Afa ne kana el ofefiba asa mungwali el nem olug kakagegonfi. Afa amban kana mom asa fwina kehlag ukuiafiba eba God i ugweg hawagafefe.

Matyu 24:13

Afa ambangel wasneig afwaihian ikan maia kinig awaieba asa ehe suialag gofufe.

Suialag Mo Mak Ginofena 10:50

Lofug foholanam agafena, enag lofug hugufatinam yikagna bwihianam, Sisas nangum yikana.

Suialag Mo Luk Ginofena 12:15

Afa Sisas enaig sihifeni og, “Numwehifibi masa ne haig haig gawigim, enaba ne enaig nubinifefe, afa mas nem enaig gawig nof kikenag fai.”

Suialag Mo Luk Ginofena 16:28

Afa kana niliteaba afala pugufeg Lasarus sa ma ika wasneig mo faibi asa ma amtakwalig nihem fwahinim olug waikefi masa ambe hwa kembig la susug flife.’

Suialag Mo Luk Ginofena 21:34

Afa Sisas enaig sihifeni og, “Nengel sa ne numwehifim. Nofene buyisifi afa uflogna bu ahgagifi afa fwinam onigwageafufum. Masa enag osuna ikagna nem pugunifie. Afa ne mas numwehiagig mo.

Suialag Mo Jon Ginofena 3:32

Afa mangwal ehe ati nangug afa higig asa sihinig. Afa el heafna mo higigim asa mas fli.

Suialag Mo Jon Ginofena 4:39

Afa angwafig kembig la naim sihini og, “Haig haig asa ka eseg enag el ehe kana mo ambala sihig” afa kaksag Samaria la nai el ehena mo higinim asa Sisasim olug oningini.

Suialag Mo Jon Ginofena 4:44

Afa Sisas hefum enaig esona og, “Godna mo fli sihiule el heafna kembig la nai mas ehem suialafe fli mo.”

Mo Pol Rom la nai Elim Ginofe Faini 12:12

Afa sa ne numwehe anwenafi God nem suiala finifi asa enam sifkalini, afa maia nem kinig pugunibi asa ne wasneinim afohiefiba afa nengeafofum, afa Godim sahna fofum.

Mo Pol Rom la nai Elim Ginofe Faini 2:7

Afa mingnag el membeg God ehem fingi finigim afa suialag unehlag i afa nufunam nofkenagag i fli asa ehe suialag nihem wahkig eseafu. Afa God enaig elim wahkig nofkenagag faifi.

2 Korin 7:1

Afa kana suialag hihe God bigim asa hwag mo sihi fwahanig afa sa big enaig esi amtakwalig nihe klaiti. Afa mangwal bigelni eligim afa sungwabugim nufwehinag nofeka enam blo muhla fe. Afa sa big Godim embefinim asa big bibefim Godim mungwali fai.

Galesia 2:2

Afa ka ikagba eba God ehe kam esonag. Afa ka enanai yi auguiafenaba ka siosna misog elim mungu sihinugena ka membeg ehengel sa ma anwenafi enag mo sa ka afwambanai elim ka sihinig. Afa ka membeg gafugag ka eseg, sama ehengel mungu onigigna kafi.

Galesia 5:7

Afa autunam ne ati suialag ikafe. Afa amban maia nem nufunam mo patalkuiagimba kwenag.

Efesus 4:25

Afa big mungwali Kraisna elig fig asa nofeka mwakwal mo sihiagi afa sa ne mungwali nimbeafgelni hihem nufunam mo sihigonugifim.

Filipai 1:30

Afa autunam sa ka kinig i bagag ahfegofnaba ne nanguni afa glauwanga ne higig gwenaig gwese go. Sa big mungwali enag gafugafinim asa big kinig gafa fli.

2 Timoti 2:4

Ne anwenafeg amina niheba enaig eseg. Amiba ogohba eba mas ming gafugafe asa ehe membeg heafna misog el ehem suialag onai.

2 Timoti 4:7

Afa gafugag asa God kam faig ka wasneigim mungwali eba enam auguiageg asa ofenaiba el kikini ika gof pugug. Afa kana suialag olug onigig mas ka fwahana mo.

Hibru 6:15

Asa Abraham enam oniginam afa nenge kafena asa God ena mo sihi fwahag Abraham ati flana.

1 Pita 2:1

Afa sa ne mungwali amtakwalig nihem masigim fati. Afa nofeka mwakwal mo sihi afa sambaga mengigna fi afa ambobugiagi fiahgi afa elim sehii.

1 Pita 4:2

Asa ehe hwa bite la gohba asa mas bite nai onigig ehem kehla gufi afa ehe Godna sawiegim patalkug.

1 Pita 5:1

Afa koka nem siosna misog elim mo sihinuge. Ka gafa siosna misog el feg. Afa maia Krais susug flagba asa kikeafna nofna ka nangug. Afa maia Kraisna kwania unehlag ambala puguiba asa ka gafa suialag heafna flafe. Nasa ka nem enaig sihifenig.

1 Pita 5:12

Afa hwa weti ginofba Sailas kam kwegfug ginofeg. Afa ka anwenafeg ehe bigelni suialag nilite. Kog ka nem wasneinuge na ka enaig esog hwa ginof eba Godna suialag kwefwag ogfug. Sa ne hwa mo kehlanam wasneig gofum.

2 Pita 1:6

Asa ne eligni onigigim numwehefkuba afa enaba anwenag i waheg. Asa ne kinig yi wasneig gohug afa enaba eligni onigigim numwehefkug i waheg. Asa ne God nai yi fwina onigig lugwag afa enaba kinig yi wasneig gohug i waheg.

Sumi Yi Puguiag Mo 1:9

Ka Jon nengelni nilite, ka Sisasim patalkugum afa ka enag kinig flag asa ati ne nengel gafa enaig flig. Enaig big esigbi eba ati big wasneigim saiyeg Godna bog megam nenge afo. Afa ka Godna mo sihigba ena nufunam moba Sisas ogfug asa ka enag kinig flagim afa kam Patmos ailan gam ningihig.

Sumi Yi Puguiag Mo 13:10

Afa God ati ambangelim wefug fwatigba sa ehengelim kalabus yi afui asa gwenaig esifi. Afa ambangelim sa el pinana kwagi klaitigfifi eba sa ma gwenaig esi. Afa sa ma Godna el olug onigig fwina wasnei afohiefiba nengiafufi.

Sumi Yi Puguiag Mo 22:16

Kaba Sisas ka kikeafna of lanai elim ningihiagba ehe ati sios elim ena moba faig. Kaba Devitna biteana luwal fegim afa ka ambagna bufiyi ombusugni feg.”

Sumi Yi Puguiag Mo 3:10

Afa maia enanam kwania kinig mungwali bite la pugunam elim yuhug faibi. Afa kana mo enaig esog sa numwehe wasnei afofum asa ati ne ena mom patalfug, eba ka nem nangwaghiage gofufe eba mas nem amtakwale saiyi.