Galesia 5:17 - Godna mo Awai mona go

¹⁷ Afa big ati anwenafig, Godna Sungwabug i afa eligni sawieg onigig i hefim moanag ahfego. Afa eligni sawieg onigig ona Godna Sungwabugim pigaupi afa Godna Sungwabug gohugim ona eligni sawieg onigigim pigaupi. Afa enaig ahsafego asa mangwal sa ne membeg noka ese eba mas ne esei.

Galesia 5:17 ပူးပေါင်းရင်းမြစ်များ

Matyu 12:30

“Amban kamble i ahgohug fwainigba enag elbi eba kana angoluwag. Amban kam lambigim kwefwag fwainigba eba taitufeule el.

Matyu 16:17

Sisas pese sihini, “Saimon Jonna leg ena mo sane sihigba, mango el nem sihina mo, eba heafa kana alag heven lanai nem upugunag. Asa ne enam sifakalena.

Matyu 16:23

Afa Sisas wahigi Pitam sihina, “Is kam fwaha, Satan! Ne enaig membeg kana mina ogna kagfo. Neana mo mango Godna onigig mo awai, eba elni onigig.”

Matyu 26:41

Sa ne nofkena fiahflafiba afa beteneflaf masa nem yuhunag pugunibi ne mas wasneig afofi. Sungwabug mo sawiefeg afa elig mas kigmog mo.”

Matyu 5:6

El sa suialag nihem membigim patalfug, enaig elbi ofe enaiba sa fane i bu i bini pigig eba sa ma sifkalifi eba God ihla fenugefe.

Suialag Mo Luk Ginofena 22:33

Afa Pita higi enaig sihifena og, “Ainiyag, afa ne kalabusiba akofiba big mungwal ahkafe. Afa nem tigi afatifibi eba sa ma kam gafa tigi fati. Ka mas embefei.”

Suialag Mo Luk Ginofena 22:46

Afa ehe ehengelim enaig esoni og, “Haisegba sa ne non aska? Afa sa bugia gafenam beteni masa neana olug onigig tigefu penfie.”

Suialag Mo Jon Ginofena 3:6

Afa luwal alagafagna mungu usumu la afohieg eba alagafagna membug la eseg asa luwalna eligim nofkenagag faig. Afa el Godna mungu usumu la afohieg eba Godna Sungwabug eseg asa elni sungwabugim nofkenagag faig.

Mo Pol Rom la nai Elim Ginofe Faini 8:13

Afa ne enaba patalkuiba eba nem suwia mina gam huguflaku. Afa ne Godna Sungwabugni eliginai amtakwalig nihem tigefatiagba eba ne nufunam nofkenag gofe.

Galesia 3:21

Atiaho Mosesna nihe mo afa Godna mo sihi fwahag mo i moanag ahfena me? Amo, eba awai. Afa nihe mo gofiteba asa ma el nofkenagag flifi asa ma el nihe mo patalkui asa Godna nof la afsug kabag feg. Amo enaigba awai.

Jems 3:2

Big wahig mungwalyi ahnaig ahnaig wesigimba big esig fapegof afa esenam aman el mungoga amtakwalig mo e nag ehena mengwo pugua hwanigba emba esegim lahlag el newug feg. Emba esenam ehefena eligim mungwalyi gamba enag numohsafefuku.