Filipai 4:10 - Godna mo Awai mona go

¹⁰ Afa ne kam pese oniginigim afa glau ne kam kwegfug asa ka Ainiyagim fwina sifakalenag. Afa ilawana ka nenge gohug afa ka anwenafeg ne mas kam etetinig mo afa nem mina awaienigbi asa ne mas kam kwegfug mo.

Filipai 4:10 ပူးပေါင်းရင်းမြစ်များ

2 Korin 11:9

Afa maia bigel auguiafenaba asa kam mangwal awaienag ka mas nengelim sahni mo kam kwegfu. Afa Masedonia la nai nilite ambe kam kwegfugbi asa ka ihlafeg. Afa autunam ka mas nengelim kinig faini mo afa autunai la gafa ka mas enaig eseni.

2 Korin 6:7

Afa kagel nufunam mo mungu sihig afa Godna wasneig kagel nai yi go. Afa kagelni suialag nihe ofenaiba kagelni ninumu wag asa kagel nihiginai ningana mo ofenibi afa sahgam mo kefim kagfo.

Galesia 6:10

Asa enanam mina pigieg gofiba asa gwenanam sa ne mungwali elim kwagani. Afa Sisasna el eba bigel mungu Alagna ahfeg asa ne enaig elim suialag fwina fegon.

Galesia 6:6

Afa ogfuiag el sa nem Godna mo sihinig sa ne nimbiafna gawig suialag sa ne ehem mungwag fai.

Filipai 1:1

Ka Pol i Timoti i kaningi Sisas Kraisna gafugag el ka ahfeg. Ka nem hwa mo ahfaig. Nengel sa ne Filipai la nai Godna el sa ne afohie. Afa siosna saglag el i afa siosna kwaganig el i sa ne mungwali Sisas Kraisim olug onigini enag ka nem hwa ginofba ahfaig.

Filipai 1:3

Afa maia ka nem oniginig gohba asa ka Godim suialag onagim afa ka enaig esog.

Filipai 2:30

Afa Epafroditus mas hefum onigi. Eba ne membi auguiaba afa ehe blog nengelni kugum flagim asa nengelni gafugagim hwanai yi fiahgeg. Afa enaba Kraisna gafugagim onigigim kam kweafugum asa hefum lahagim meyi ofe.