Filipai 2:9 - Godna mo Awai mona go

⁹ Asa God ehena unehlagim fingi fukugim afa ehem sisi yi nemug hilifukugug fwahag afa sa mungwali gawig ehem ahnai skaufinife.

Filipai 2:9 ပူးပေါင်းရင်းမြစ်များ

Matyu 11:27

“Kana alag kam mungwali gawig faig. Afa el mas Godna legimba anwenafig mo. Api munguhe ena luwalimba numweheg anwenafeg asa ena luwal apiim numoheg anwenafenag asa amban elim wegifwatigim alagim ogfunig.

Matyu 28:18

Afa Sisas muhla pugunam sihini og, “Mungwali heven la nai i afa bite la nai i God kam kigmog faigba asa ka lambugu.

Suialag Mo Luk Ginofena 10:22

Afa Sisas enaig esona og, “Kikeafna Alag mungwali gawig kana ninga la fwahag afa mas amban kana Alagba anwenafenag mo eba kike mungu fegim afa amban sa ka kikeafna Alagim ogfunig ena mungu he ehem anwenafinig.”

Suialag Mo Jon Ginofena 13:3

Afa Sisas anwenafeg Alag ehem mungwali wasneig ati faig asa mungwali ehem ahnai skaufenig. Afa ehe anwenafeg ehe Godim fwahia blog afa pese ikafe.

Suialag Mo Jon Ginofena 17:11

Afa glawo ka hwa bite fwahanam nem nangwagim blofe afa ehengel sa bite la auguia. O Api, neba afsug nemug afa nimbeafna wasneig unehlag sa ne kam faig ena unehlag la sa ne ehengelim nangwaghiage fegofum sa ma ehengel mungu afofi asa big mungu nemug ahfeg.

Suialag Mo Jon Ginofena 17:12

Afa maia ka ehengelim wangohfnaba ka ehengelim kagfufehiage gofna enag neana wasneigni ne kam fainaba asa ka enaig esena. Mungwali suialagofena mas amban awaiena mo afa el mungu awaiena. Autunam neana mo enaig sihi fefwahana enag el mungu awaiefe afa enaba nufunam pugufe.

Suialag Mo Jon Ginofena 17:5

O Api, afa bite mahim fiahfenaba afa big ahwagfenaba enanam kana unehlag eba kwania fena. Afa glawo ka membeg nimbeafna nof la enag kwania unehlag ne kam pese fai.

Aposel 5:31

God ati wanikigim afa heafna nihigenai ninga la lasu fwahag. Afa God ehem enaig esenagba asa ehe saglag luwal fegim afa ehe elim pese lambig el feg. Eba enaig eseg asa ma Israel el olug waikefibi asa ehe ehengelni amtakwaligim huguflaitinife.

Efesus 1:10

Afa enag sawiegba enaig eseg maia mungwa sufuni osuna feiba asa God mungwali gawig heven lanai afa bite lanai agoguliagenam Krais nai yi fwatiba asa ma Krais misog feni.

Kolosi 1:18

Siosba ehena elig feg afa ehe misog feg afa ehe siosna mog feg. Afa ehe gof la nai el lahagim pese buihiag. Asa ehe mungu, mungwali gosenig.

2 Tesalonaika 1:12

Afa bigelni God nem esmunagim kwaganig afa Ainiyag Sisas Krais ma nem enaig esinigbi asa ne Ainiyag Sisasna unehlagim fingi fibi asa ehe nem mungwag gwenaig esenife.

Hibru 1:4

Asa ehe oflanai elim gosenig. Afa unehlag God ehem faigba eba oflanai elni unehlagim gosenig.

Hibru 1:9

Afa suialag nihe mo ne membeg afa amtakwalig nihe mo ne olug kakagenag. Asa kaba neana God ka neana unehlagim fingi feg afa sa neana sifakaleg kwaniafeg. Afa ne nimbeafna hihem gosenig. Sam 45:6,7

Hibru 12:2

Afa bigelni olug onigigba eba Sisas mog feg afa ehe bigelim esenigbi asa enag onigig kwania fiahgeg. Afa nawo ehem mungu sa big nangwafofum. Afa ehe mas li katigegim fwahana mo amo ehe enaig onigig fena mangwal sa sumi yi pugufe asa enam sifakalena. Afa mas afwanefumba onigina mo maia li katigeg la esofini finibi afa glauwaba eba Godna muhla pega.

Hibru 2:9

Afa eba big Sisasim onigig. Afa mwakwalig ehe oflanai elim skau fenig afa God ogna elim esmunagim kwagan asa Sisas lahag elim pese lambigim. Afa ehe susug flagim lahag asa God ehem fingi feg afa ehena unehlag kwania fenag.

1 Pita 3:22

Afa ehe heven gam ikagim afa Godna nihiginai ningagam ga asa mungwali oflanai el i afa wasneig sanel i afa haig haig wasneig gawig i ehem ahnai skaufinig.

2 Pita 1:17

Afa maia Api God ehem kwania unehlagna afa ombusugni faigba afa kagel enanai yi afofena. Afa Godna kwania ombusug pugunaba afa enanai yi Godna mengig enaig sihifena og, “Enagba kana leg. Ka ehem fwina membenagim. Afa ka ehem sifakalenag.”

3 Jon 1:7

Asa ehengel wagiafugba Godna gafuga la og sama Godna unehalag kwaniafei afa afwambanai el ehengelim mas kwaganig mo.

Sumi Yi Puguiag Mo 1:5

Afa Sisas Krais eba nufunam ambala sihiaule afa ehe goseg lahagim afa buihiag, afa ehe mungwali bite nai misog elim Ainiyag fenig. Ehe bigim fwina membenigim, afa lahagim asa heafna tafna amtakwalig nihe mo la nai bigim tigfe lambigim,

Sumi Yi Puguiag Mo 11:15

Afa elegeg of lanai el maia fuf gogba asa heven la mo fwina lagig apukeg afa og; Bigelni God Ainiyag afa heafna Gisfu Fwahag el i glau gohnanam ehe mungwalim bite naim misog el ahfenig. Ehe gwenaig wahkig sahfe gofufe.

Sumi Yi Puguiag Mo 19:16

Afa heafna lofug la i afa bigisig la i enaig ginofig fwahig og: Saglag elni Ainiyag feg afa misog elni misog feg.

Sumi Yi Puguiag Mo 3:21

Afa amban ne haig haig amtakwaligim filafefatiba sama ka i hawaganam asa ka mungwal nangwagehiag ahfegofufe asa ka haig haig amtakwaligim filafefatig asa ka gwenaig kikeafna Alag i safeg.

Sumi Yi Puguiag Mo 5:12

Afa sa mwanifi fwina fatini og; Ena Sipsip Luwaligim tigifatigbi lahag ehe ati ihlafeg eba ehe kwania kigmog feg, afa mungwali gawig feg, afa mungwali anwenafig, afa wasneig feg, afa mungwali ehem ahnai skaufinigbi asa ehe sisi feba afa sa bigel ehena unehlagim fingi fifie.