Efesus 5:25 - Godna mo Awai mona go

²⁵ Afa nengel saglag sa ne nimbeafna angwag nai yi onigig lugwafim ofenaiba Krais sios nai yi onigig lugwanim asa siosim lahanig.

Efesus 5:25 ပူးပေါင်းရင်းမြစ်များ

Matyu 20:28

Asa ma Nufunam El gwenaig esei, mango blog el ehem kwefug mo, amo eba awai. Eba ehe ming elim kwaganigim afa heafna nofkena gag faig asa kaksag elim pese lambigim pigi fwatig.”

Suialag Mo Jon Ginofena 6:51

Eba kike enag heven la nai aba. Afa el enag aba neba asa ehenai yi wahkig nofkenagag gofife. Enag aba eba kana elig. Afa ka kiafna elig bite nai elim faig asa bite nai el sama nofkenagag fli.”

Aposel 20:28

Afa Godna Sungwabug nem siosna misog el kanog fwatig asa nimbefum mi afa mungwali sios el mi numwehifim asa el sipsipim nangwaghiagfafefe asa enaig fi. Enamba ati Ainiyag heafna tafna enag elim mungwali lambig.

Galesia 1:4

Afa sa Krais bigelni Api Godna sawiegim patalku afa bigelim lahanigim asa bigim amtakwalig mina nai lambig asa glanu bite nai amtakwalig onigig mas bigim kehlai.

Galesia 2:20

Afa ka Krais i mungwal li katigeg la ahlahag. Asa enag mulug nofkenagag ka nai yi go eba mango kana wasneig mo eba Kraisna wasneig ka nai yi go. Afa eligni glaunu sa ka ese go eba ka Godna legim olug oniginagim asa ka eseg. Afa ehe kam membenagim asa heafna nofkenagag kam faig.

Efesus 5:2

Krais bigim membenigim asa bigim lahanig. Afa enag lahag ofenaiba pris sanda Godim tuhlunigbi asa suialag emblegusug pugugba asa God enam sifakalenag. Asa nengel gafa gwenaig membug nihe la afohiefim.

Efesus 5:24

Afa sios el sa Kraisim ahnai skaufini asa angwafig gafa nimbeafna saglagim mungwali ahnai skaufena.

Efesus 5:28

Afa sa saglag heafgelni eligim afafkig fiahflag asa ne nimbeafgelni angwafigim gwenaig esegon. Afa saglag heafna angwagim fwina membenag eba hefum gafa gwenaig eseg.

Efesus 5:33

Afa enag mo nengelim gafa sihinig sa ma mungwali saglag heafgelni angwafigim fwina membegoni asa hefum membig. Afa sa mungwali angwafig heafgelni alagagim ahnai skaufegonig.

Kolosi 3:19

Afa saglag sa ne nimbeafna angwafigim fwina membena afa nofeka ehem fenage.

1 Timoti 2:6

Afa heafna nofkenagag fwahanam asa lahana asa elim pese lambig. Afa enag osuna God sihi fwahag Sisas ati blona afa enag ogfug God membeg mungwali elim pese lambi.

1 Pita 3:7

Afa nengel saglag nembeafna angwafig i sa ne suialag hawag ahfe. Sa ne enaig onigifi angwafig mas wasneig mo asa ne bwata fegon. Afa God ehengelim gafa esmunagim kwaganig afa nufunam nofkenagag faife. Afa ne enaig esigbi eba mas mangwal nengelni betenim kagfoni.

Sumi Yi Puguiag Mo 1:5

Afa Sisas Krais eba nufunam ambala sihiaule afa ehe goseg lahagim afa buihiag, afa ehe mungwali bite nai misog elim Ainiyag fenig. Ehe bigim fwina membenigim, afa lahagim asa heafna tafna amtakwalig nihe mo la nai bigim tigfe lambigim,

Sumi Yi Puguiag Mo 5:9

Afa ehengel mulug mwanifi enaig fatifini og; Eba ne pepa flanam ihlafefe ugwanin hugfo aitife, haisegba eba ati nem tigigbi ne lahagim afa taf sugfogim enana elim mungwali mungwa usumuna, afa haig haig mona, afa haig haig lofugna, afa haig haig kembig afa sa lambigim God nangum lambig lamblug pugug.