Aposel 2:30 - Godna mo Awai mona go

³⁰ Afa Devit eba Godna mo fla sihiule el feg ehe ati anwenafeg God nufuna mo sihig og, nengigim ka neana mungu luwalim esenaba asa ehe nimbe lofug misog el gofe.

Aposel 2:30 ပူးပေါင်းရင်းမြစ်များ

Matyu 22:43

Afa Sisas sahini og, “Haiseg nasa Godna Sungwabug Devitim olug onigi la fainaba asa Devit ehena unehlagim seaflana, Ainiyag. Devit enaig esona og;

Matyu 27:35

Asa li katigegla kukufenaginim afa katna gosisini asa amban nana Sisasna lofug flai.

Suialag Mo Mak Ginofena 12:36

Godna sungwag Devitim ogofunagenamba, enag Devit autinam enaig osona, ‘God Ainiyag enag kana Ainiyag sihina, Nemble kana nihigim ningagim agai. Nihigim augwiagmba enaig eseg aman esel sisiyifeg enag fawof. Enengimba amangal esel nem ona kawo amtakwalefim enag elim enag ka neana mong singag wasanif.’ Sam 110:1 Devit Godna mo enaig osoni.

Suialag Mo Luk Ginofena 24:44

Afa enaig sihifeni og, “Enaba autunam ati ka nem sihi fwahani kana mom mungwali yi Moses na, Godna mo fla sihiaule el i, Song buk la i ati ginofi fwahini enaba eba sa kam nufunam fenag.”

Aposel 1:16

“Ei, nilite autunam Godna sungwabug Devitim esenamba asa Devit mo sihina afa ena moba Godna buk la goh. Judasim sihinig og, sona elbi mauule el asa Sisasim angoluwagni ninga la fwahag asa enag ilawaba pugugba eba Devit ati sihi fwahana.

Mo Pol Rom la nai Elim Ginofe Faini 1:3

Afa enag mo heafna Legna mo afa enag Leg eba bigelni Ainiyag Sisas Krais. Afa ehe hwaig elni luwal lofug afa ehe Devitna simbianiga fena.

Mo Pol Rom la nai Elim Ginofe Faini 15:12

Afa Aisaia gafa gwenaig esog; Afa mungu el Jesi gohba hengenai blofe afa ehe afwambanai elni misog el fefe. Asa ehengel ati anwenafig ehe ehengelim suialafenife asa ehengel enam nengeafu. Ais 11:10

2 Timoti 2:8

Hwam sa ne onigi Sisas Krais eba Ju elni misog el Devitna simbeg sa lahagim pese buihiag. Enag mo eba suialag mo ka sihiageg.

Hibru 1:1

Autunam God bigelni Ju elni simbianigam mo faigim Godna mo fli sihiafule elni mengig la sihi fwahafena. Afa haig haig was mi afa haig haig mina mi God sihi fwahagim

Hibru 3:7

Afa eba Sisas Mosesim gosenag asa ne Godna Sungwabugni mo higig ehe enaig esog; Afa atiaba ne Godna mo glau ohigfibi,

Hibru 4:7

Asa God ming osuna gisfu fwahagba enaba sefligbi eba ‘glauwo’. Afa ati managegba asa Devitna mo la God enaig esona afa enag mo ka ati ginof fwahag eba enaig esog; Afa atiaba ne Godna mo glau ohigfibi, nofekawo angug pupuhiagi. Sam 95:7-8

Hibru 6:17

Afa God Abrahamim mo sihi fwahanag el sa enaigim flifi. Afa God membeg ehengel sa ma sonaigim numwehe anwenafi nasa mas mo wahigi wahigifiahge eba awai awai nemug asa ehe enag mo sihi fwahagim wasneinag.

Hibru 7:21

Afa maia God wasneig mo sihi fwahaiba sa Sisas pris fefe. Eba God ehem enaig esona og; Ka enaig mo wasneig sihife fwahag asa mas sonaig mom wahigi wahigi fei afa kog, “Neba pris wahkig gofufe.” Sam 110:4

2 Pita 1:21

Afa el mas enaig mo upuguni mo. Amo, Godna Sungwabug elim ihlafenigim afa mangwal God sa sihig asa ena mom ehengel sihig.

Sumi Yi Puguiag Mo 17:14

Afa Sipsip Luwalig fei afa ehengel apaiyegog asa hefum hagig afa sa Sipsip Luwalig afa heafna el apaiyeg enag ehengelim filafe fatig. Afa ehe mungwali saglag elni Ainiyag feg afa misog elni misog feg afa ambangel sa ehe kanog fwatig afa sa ehengel ehem fwina patalfug enag ehengel fagim filafig.”

Sumi Yi Puguiag Mo 19:16

Afa heafna lofug la i afa bigisig la i enaig ginofig fwahig og: Saglag elni Ainiyag feg afa misog elni misog feg.