Aposel 19:10 - Godna mo Awai mona go

¹⁰ Gwenaig esegohum ikan sambaga yia fena. Asa Ju el i Grik el i enanai yi Esia provins la gofena enag Ainiyagna mo higini.

Aposel 19:10 ပူးပေါင်းရင်းမြစ်များ

Aposel 13:12

Afa misog el enam nangunam afa Ainiyagna mo ehem olug fingi fenamba asa olug onigig Ainiyagim faina.

Aposel 16:6

Pol fena afa minginag apaiyena asa Frigia Galesiana bite gam afuna. Afa Godna Sungwabug ehegelim kweni og masa Esia na provins Godna mo sihife.

Aposel 18:11

Asa Pol enanai yi mungwa yia fena afa haf fena enaig la ganam Godna mom ogfu fenugena.

Aposel 18:4

Mungwali Esug Auguia Osuna Pol Ju elni laskuhlag lala ika sefufenam sihinigeafna afa ehe ogna Ju el mi Grik el mi kukusihianige og ma Ainiyagim onigi.

Aposel 19:20

Enaig esifinimbi asa Ainiyagna mo wasneinam asa pugu mungwali kembig ikaminefena.

Aposel 19:22

Afa sa Pol Timoti mi Erastus mi Masedonia gam ningitigina. Eheningi Polim ahkweg fwafena. Afa Pol mo Esia Provins la maisi gafena.

Aposel 19:8

Afa sambaga mungu was yi Pol Ju elni laskuhlag lala fakafegofena mo sihiagim afa ehe soaginim afa fwina sihinigeafna mas embefena mo ehe ogfuni Godna bog meg nufunam feg.

Aposel 2:9

Asa bigel Partiana kembig la nai afa Midia nai afa Elam la nai afa bigel mingnag distrik Mesopotemia la auguia enag feg afa distrik Judia nai afa Provins Kapadosia la nai afa Provins Pontus la nai afa Esia nai afa.

Aposel 20:18

Afa maia ambe apukenamba afa esoni og, “Ilawana ka Esia provins la pugunam nem nangwagnam afa blo ilawofeg enamba ati ne anwenafig asa ka haig haig eseagena.

Aposel 20:31

Asa enam numwehifibi afa nofeka eteti sambaga mungu yia osuna sinaini wahkig ka nem nobna waihe sihinifini.

Aposel 6:9

Afa minginag el bugiagafenam Stivenim mo fafaiye flini. Enag elbi mungu Ju elni lotu la nai. Enag lotu seflig ‘esug elni’. Afa enag el eba Sairini nai afa Aleksandria nai afa provins Silisia nai afa Esia nai. Enag ambe minafenam asa Stiven i mo flafehiagini.

Mo Pol Rom la nai Elim Ginofe Faini 1:16

Afa ka mas Kraisna suialag mom sihiagim mas ka afwanfeg mo. Afa Godna kigmog enag suialag mo la go. Afa amban el asa enag mom olug onigig asa God ehengelim mungwali lambig. Afa enag mo gof Ju elim puguni afa sumi yi gafa afwambani elim puguni.

Mo Pol Rom la nai Elim Ginofe Faini 10:12

Asa Ju el i afa afwambanai el i mas algana fig mo. Afa Ainiyag eba mungu mungwali fenig afa ambangel ehem unenigbi asa ehengelim fwina suialafiahgeg.

Mo Pol Rom la nai Elim Ginofe Faini 10:18

Afa ka enaig sahna atiame ehengel ena mo higi fwainig? Amo, eba ati higig afa Godna buk la esog; Afa mo sihiag elni mengig mungwali bite gam ikaminefeg afa ehengelni mo ikag bite muhiag la puguia minefeg. Sam 19:4

Galesia 3:28

Afa Ju el afa afwambanai el mas algana feg mo. Afa esug gafugag el afa esug afohiag el afa saglag afa angwafig gafa algana feg mo. Afa bigel mungwali Sisas nai yi afohie.

Kolosi 3:11

Afa bigel mungwali mulug el figim asa big gwenaig mungwalofug Godna nofla afohie. Nofeka enaig onigifi og kaba Ju el gosig fig amo afwabanai el og ka gosig fig. Afa mangofi afa ambangel el sa lofug kokohiawagig afa ambangel el sa mas lofug kokohiawagig mo enaig elbi eba Godna nof la mungwalofug fig. Afa membi nai el algana mona i afa nihe i fig afa esug gafugag el fig afa esug ahwagifkig el fig enaig elbi gwenaig mungwalofug fig. Afa sa Krais ehe bigelim mungwali gosenigim afa bigelni onigig la sefu go.

2 Timoti 1:15

Afa ne anwenafeg mungwali Esia provins la nai el kam mas fatinig. Afa Figelus i afa Hermogenes i ehenigi gafa gwenaig sahfeg.

1 Pita 1:1

Afa ka Pita Sisas Kraisna kanog fwahag el. Afa nengel Ju el Sisasim olug onigig na ka nem hwa mo faig. Afa el nem fegonigigbi asa ne nimbeafna kembigim fwahigim mingnag kembig gam ikaminefeg. Afa glau nengel provins Pontus afa Galesia afa Kapadosia afa Esia afa Bitinia enanai yi gohka.

Sumi Yi Puguiag Mo 1:11

Enaig esona og, “Mangwal sa ne mungwali fahigegba asa ne buk la ginofenam elegeg la gohug siosim fai. Ena siosba Efesus, Smerna, Pergamum, Taiataira, Sardis, Filadelfia, afa Laodisia.”

Sumi Yi Puguiag Mo 1:4

Kaba Jon ka hwa ginof nem elegeg la gohug Esia nai provins sios elim faig. Sama God nem esmunagim kwaganig faibi sama olug enesieg nem gohunifi. Sonaig God bigim fafaife eba ehe autunai fegim afa glaunai feg afa autunai la gafa gwese gofufe, afa elegeg la gohug sungwabug heafna pegag sime la afohie.