Aposel 12:25 - Godna mo Awai mona go

²⁵ Afa Barnabas i Sol i Jerusalem la gafugag awugafenam afa Jon Makim ahsulflanam Antiok kembig gam asa pese afuna.

Aposel 12:25 ပူးပေါင်းရင်းမြစ်များ

Aposel 12:12

Afa maia ehe enam anwenafenam asa Maria Jon Makna afagna lala gam ikana. Afa kaksag el enanai yi laskuhlanam beteneaflafna.

Aposel 15:35

Afa Pol i Barnabas i afa minginag el fini Antiok kembig auguiafenamba asa Ainiyagna mo ogfufegonfni afa mo sihigonfni.

Aposel 15:37

Afa Barnabas ogna Jon Makim ahwaniki.

Aposel 4:36

Afa gwenaig Josep esena. Livai eba heafna simbianiga afa ehe Saiprus lanai el. Kanog fwatieg el ehem seflini, Barnabas. Ena unehlag mogba eba ‘kwefuag el’.

Kolosi 4:10

Afa Aristarkas ka i kalabus yi mungwal ahgo. Ehe enaig esog og, “Ka mas nem etetini.” Afa Mak eba Barnabasna mangaug ehe gwenaig esog. (Afa ati nem moba faig atiamba Makba bloiba asa ne wanig afunam nugwefli.)

2 Timoti 4:11

Afa Luk mungu ka i hawag. Afa sa ne Makim sugflanam sa ne ahblo asa ehe kam gafugam kweagfui.

Filemon 1:24

Afa mingnag el Mak, Aristarkas, Demas, afa Luk asa ka mungo gafuga la afo ehengel gafa gwenaig esogog.

1 Pita 5:13

Afa Babilon la nai sios el nengelim enaig esogog ka mas nem etetigoni. Afa God ehengelim gafa kanog fwatig. Afa Mak ofenaiba kana luwal ehe nem gwenaig esonig.