3 Jon 1:14 - Godna mo Awai mona go

¹⁴ Ka oningig ka mas managei eba ka nem nangufe. Enanam biningi ahwaganam asa mo sihiagafefe.

3 Jon 1:14 ပူးပေါင်းရင်းမြစ်များ

Suialag Mo Jon Ginofena 10:3

Afa el asa mengig la anwasa fego afa kam mengig piginag asa ka sipsipni unehlagim suwigigba afa kana sipsip kana mengigim ati higig asa afwambagam wankag.

Suialag Mo Jon Ginofena 20:19

Afa Sande osupegna patalfuiag el lala laskuhla gofena. Afa ehengel Juni misog elim embefegoni asa mengig kikisinim auguiafna. Afa Sisas ehengel nai yi olyi pugunam enaig esoni og, “Nengelni olug sa ma enesiegna gofi.”

Suialag Mo Jon Ginofena 20:21

Afa Sisas pese sihina og, “Nengelni olug sa ma enesieg gofi. Alag kam ningihiag asa ka gafa nengelim ningitigife.”

Galesia 5:16

Afa ka nem enaig sihifenig. Sa ma nengelim Godna Sungwabug mina ogfunibi sa ne enam patalfu. Afa ne enaig esibi eba ne mas eligni sawiegim patalfui.

Efesus 6:23

Afa God Api i afa Ainiyag Sisas Krais i sa ma mungwali kristen nilitem olug enesieg ahfai afa ehengelni olug onigig i afa membug nihe i sa ma wasnei.

1 Pita 5:14

Afa mingnagim nilitem sa ne kikigehiagi enaba ogfug ne kristen nilitem fwina membegonig. Ne mungwali Kraisna el fi sa ma nem olug enesieg gohoni.

2 Jon 1:12

Kana moba kwaniafeg afa kam oksig ginofegim. Ka oningig ka nem nangwagife. Enanam bigel augunam asa mo sihiagi asa bigel sifakalifi.