2 Timoti 4:1 - Godna mo Awai mona go

¹ Afa autunai la Krais Sisas pese blonam asa nofkenagag el mi afa pigieg el mi mungwali kwefihiagefe. Afa enanam ehe mungwali elni misog el fefe. Afa enam pugufe asa Godna i Sisasna i nofla ka nem enag wasneig mo faig.

2 Timoti 4:1 ပူးပေါင်းရင်းမြစ်များ

Matyu 16:27

Afa Nufunam El eba Godna kigmogna afa oflanai elim wanblofe. Asa enanam ehe mungwali elim haig haigim kwefiahaginam asa faifi.

Suialag Mo Luk Ginofena 19:12

Afa Sisas enaig esona, og, “Saglag el sa ona membia kembig gam ika eba enanai yi sa el ehem misog el fwahife. Afa nengigimba eba pese blonam asa heafna kembigim nangwaghiagefe.

Suialag Mo Luk Ginofena 19:15

“Afa maia misog elim fwahiniba asa pese blona ehe blonam enaig esona, og gafugag elim unegon autunam sa ka kig faini enag koka anwenafe hanansi kig mungu mugog el mungwali kikig.

Suialag Mo Luk Ginofena 23:42

Afa Sisasim enaig sihifena og, “Sisas ne misog el ofefiba sa ne kam onigina!”

Aposel 10:42

Afa ehe kam esonig sa ena suialag mo elim sihigon enag elbi God ehe wefug fwahag elim kwefihiawagigim melig pigieg mi afa nofkena gag mi.

Aposel 17:31

God ati ena osuna fwahag asa elim kwefihiagefe afa ati elim wefug fwahag asa numwehe fwina kwefihianugefe. Ena elbi ati lahagim pese buihiag enamba ogfug God ehe ehem wefug fwahag.”

Mo Pol Rom la nai Elim Ginofe Faini 2:16

Afa suialag mo ka sihig eba enaig esog maia God Sisas Kraisim sihinaiba sa elim kwefihianugegim asa ehe gafa elni olmegam onigigim kwefihianugefe.

Kolosi 3:4

Afa Krais ehe neana nufunam nofkenagagba ehe mog feg. Afa maia ehe ambala puguiba afa sa mungwali el ehem nangufie eba ehe kwania misog el feiba asa big ehe nai yi afohiefufe.

2 Tesalonaika 2:8

Afa enanam Godna angoluwag El Mo Flafwaule eba ambala pugufe. Afa sumi yi Ainiyag Sisas heafna wasneig ni wahe bloiba asa sonag elbi awaiefe. Afa heafna efefug ni sonag elim esenaiba asa awaiefe.

1 Timoti 5:21

Afa ka nem wasneig mo osihina God, Krais Sisas, afa Godna oflanai elni nof la ka hwa mo nem osihina sa ne kana mom suialag kehlafe afa mangwal asa ne eseg sa ne mungwalofug gwenaig mungwali elim eseni nofeka nimbeafna hihe mungu onigig.

2 Timoti 1:10

Afa Krais Sisas bigelni kwefwag el ati blog asa ilawo bigel enam anwenafig. Afa ehe blogum lahagna wasneigim filafatigim afa heafna suialag mo la ehe bigim nufunam nofkenagag ambala upugunig.

2 Timoti 2:14

Sa ne elim hwa mo fasihin fegofum masa ehengel etetifi. Afa Godna nof la sa ne ehengelim enaig wasneig mo faig. Nofeka mo behigim moanagi. Enag mas elim kweagfui amo eba amban el sa higig ehem amtakwale fatig.

2 Timoti 4:18

Afa Ainiyag kam haig haig amtakwalig kinignai flafe asa kam ugwe wanikifenam heafna heven lanai bog meg la seaifufe. Asa big heafna unehlagim wahkig fingi fi fufum. Eba nufunam.

2 Timoti 4:8

Asa kikini gosena prais kam nengenawo eba ka ika flafe. Afa maia Ainiyag mungwali elim suialag kwefihiage ofefiba afa enanam enag prais ka flafe eba God kam og ne sufniag el feg. Ehe mas kam mungu ese nai amo eba mungwali el heafna pese blogum enam membigim asa nenge afla asa enaig elim gafa gwenaig esenifi.

Taitus 2:13

Afa maia big enaig esibi asa big nengia afofufiba asa suialag osu pugufe. Afa enag osuna Sisas wasneig ni afa heafna ombusug na asa blofe. Afa ehe eba bigelni wasneig God feg afa kwaganig el feg.

1 Pita 1:7

Afa enag kinig nengelni olug onigigim yuhni fi nufunam me awai awai me. Afa el golim suwi la tuhlfugba og sa ma nufunam gol pugui. Afa enag golba mas wahkig gofi. Afa nengelni olug onigig golim gosenag afa kinig nengelni olug onigigim yuhnigba asa ma enaba olug onigig wahkig gofufe. Afa maia enanam Sisas Krais ambala puguiba afa sa ehe nem sifakalenim nengelni unehlagim fingi fenfi.

1 Pita 4:5

Afa nengigim God elim kwefihia ofefiba asa ehengel heafgelni mungwali haig haig amtakwalig nihe ambala sihiagifi. Afa God ati numwehiageg nofkenagag el mi afa melig pigieg el mi kwefihiagegim fwahag.

1 Pita 5:4

Afa maia sipsipni nangwaghiawagig elni misog el ambala puguiba asa ne suialag nemug wag flifi ena wag mas amtakwale.

2 Pita 1:11

Afa ehe nem sifakaligna Sisas Kraisna bog megam lablug saiyegog. Afa Sisas eba Ainiyag fegim afa bigelni kwaganig el feg afa heafna bog meg eba wahkig gofufe.

2 Pita 1:17

Afa maia Api God ehem kwania unehlagna afa ombusugni faigba afa kagel enanai yi afofena. Afa Godna kwania ombusug pugunaba afa enanai yi Godna mengig enaig sihifena og, “Enagba kana leg. Ka ehem fwina membenagim. Afa ka ehem sifakalenag.”

1 Jon 2:28

Kana luwal sa ne enaig esi afa maia ehe puguiba bigel mas embefi. Afa maia ehe bloiba bigel mas ehem afwanefini heafna nof la.

Sumi Yi Puguiag Mo 1:7

Afa sa ne nanguibi leangona wahe blofe afa mungwali el i afa Sisasim tigi kahliule el i gafa asa ehem nangufi afa bitenai el mungwali enaig puguiagim oniginim wewatife. Eba nufunam enaig pugufe.