2 Korin 10:14 - Godna mo Awai mona go

¹⁴ Afa kagel kikefim mas fwina finig fi amo, kagel gwenaig mungwalofug esig asa gafugag ka nengelim esigonig. Afa kagel nengelim Kraisna suialag mo ambe sihi fwainigba kagel mas ihlafig mo kikefum fingi figim. Afa kagel goflanai el fig ka Kraisna mo fligim ka sihi ambeg nengel nai yi ambe apukeg.

2 Korin 10:14 ပူးပေါင်းရင်းမြစ်များ

Suialag Mo Mak Ginofena 1:1

Ohuna momba sifakalig mo lahlag Sisas Krais Godna legna mo. Autinam newug God Gishu Fwahiana el mungom, ona emba ka wa ningihiaf mungwali elim kwaganigim. (Ehena wunehalamba Krais, enag wunehalamba enag enaig eseg, elim kwaganigim God nangum wanbogum.) Enag Israel el enag elim enam nisanafafema.

Aposel 20:24

Afa ka mas onigig kikefumba afa kaba mungu onigig feg Ainiyag Sisas gafugag kam faig ka sa gafugag ukwian auwigi enaba Godna aflafeg suialag mo ka sihiageg.

Mo Pol Rom la nai Elim Ginofe Faini 1:16

Afa ka mas Kraisna suialag mom sihiagim mas ka afwanfeg mo. Afa Godna kigmog enag suialag mo la go. Afa amban el asa enag mom olug onigig asa God ehengelim mungwali lambig. Afa enag mo gof Ju elim puguni afa sumi yi gafa afwambani elim puguni.

Mo Pol Rom la nai Elim Ginofe Faini 16:25

Afa ka suialag mo sihig eba Sisas Kraisna mo asa enag mo la God nengelni olug onigigim sa ma wasneig fenigbi asa big ehena unehlagim fingi fi. Afa enag mo wahkig autunam meagam sefugofena afa ka enag mo ambala sihigba asa ne wasneig afo.

Mo Pol Rom la nai Elim Ginofe Faini 2:16

Afa suialag mo ka sihig eba enaig esog maia God Sisas Kraisim sihinaiba sa elim kwefihianugegim asa ehe gafa elni olmegam onigigim kwefihianugefe.

1 Korin 2:10

Afa God heafna Sungwabugna kagelim enag anwena mom upugunig. Afa Godna Sungwabug mungwali gawigim fahigeageg asa ehe Godna olug megam onigigim numwehe anwenafeg.

1 Korin 3:10

Afa God kam esmunagim kweagfugba asa ka gafugag ese ofenai lala nimblag anwena el feg. Afa ka bite tofugum afa sumul aitiageaka fwahagba afa ming el blo ena sisi yi lala nimbla go. Afa nengel mungu mungug sa ne numwehe oniginim afa nimbla.

1 Korin 4:15

Afa kaksag el ambe sa nengelim kwaganigim Kraisna nihem patalfuiagim afa ehengel mango nengelni alag mo. Afa ka nengelim Godna suialag mo ati sihini asa Sisas Krais nai yi ka ofenai nengelni alag.

2 Korin 2:12

Afa maia ka Troas kembig ika pugunaba asa Ainiyag kam mina pigina asa ka Kraisna suialag mo sihiagena.

2 Korin 4:4

Afa el mas Godim olug oniginag mo asa Satan, hwa bite nai god, ehena onigigim sikulufenag asa ehe mas Godna suialag mona ombusug nangui. Afa enag ombusug suialag mo nai blog eba Kraisna ombusug afa eheba God i mungwalofug ahfeg.

Kolosi 1:5

Afa maia ilawana suialag nufuna mo pugunaba ne higini afa mangwal suialag God sa nem sum yi faife asa ne enam oniginim nenge afo. Afa enaba heven la suialag gohba nem nengen go. Eba naho nengelni olug onigig i afa membug i mog feg.

1 Timoti 1:11

Enag suialag mog mo eba Godna suialag mo nai pugug. Godba suialag ehe sisi ga enag suialag mo kam faig og sa ne sihiage.