2 Korin 1:19 - Godna mo Awai mona go

¹⁹ Afa Sailas i Timoti i afa ka Sisas Krais Godna Legna mo na ka nem sihigonig. Afa ehe mas sambaga onigig fei asa ehe mas sawifenam afa waikefe pese kwei, amo, heafna mo eba ei mungufeg.

2 Korin 1:19 ပူးပေါင်းရင်းမြစ်များ

Matyu 17:5

Afa Pita sihi gofenaba asa leango ombusug peblonam sagfla skofena. Afa enag leangolaba God sihini og, “Hwaba kana leg mungu ka fwina membenag afa ka ehem sifakalena asa ehena mo higinim.”

Matyu 24:35

Of i bite i mungwali awaiyeba afa kana moamo wahkig gwesegofufe.”

Matyu 27:40

“Sa ne ona ka Godna Kwania lala boflaitinam asa sambaga mungu osuna pese nimblafe. Afa ne Godna legba naiba sa li katigegla fwahanam pe!”

Matyu 27:54

Soldiana misog el afa soldia i Sisasim anwasag fiahfofena. Afa enanam haig haig i afa asag i eseaginaba enam nangunim asa ehengel embefinim afa esogona og, “Nufunam he, sona elbi Godna leg he!”

Matyu 3:17

Afa mengig hevenla lagofna og, “Sona elbi eba kana leg, ka ehem fwina membenag. Ka olug ehem suialafenag.”

Matyu 4:3

Afa Satan blona ehem puguna afa sihina og, “Afa ne Godna leg fegba eba sane funim esoiba sama amba lofei.”

Suialag Mo Mak Ginofena 1:1

Ohuna momba sifakalig mo lahlag Sisas Krais Godna legna mo. Autinam newug God Gishu Fwahiana el mungom, ona emba ka wa ningihiaf mungwali elim kwaganigim. (Ehena wunehalamba Krais, enag wunehalamba enag enaig eseg, elim kwaganigim God nangum wanbogum.) Enag Israel el enag elim enam nisanafafema.

Suialag Mo Luk Ginofena 1:35

Afa oflanai el ehem pese waike sihina og, “Heafa Godna Sungwabug ehe nem blonafe asa Godna wasneig nem ihlafenagba asa ne ena luwalba nengigim wanigafe. Enaba Godna suialag afsug el asa ehem enaig seflififie og Godna Leg.

Suialag Mo Jon Ginofena 1:34

Afa kike ati nangug asa ka nengelim sihinig enag el eba Godna Leg.”

Suialag Mo Jon Ginofena 1:49

Afa Nataniel sineminafenam esona og, “Tisa, neba Godna leg afa ne Israelna misog el.”

Suialag Mo Jon Ginofena 19:7

Afa Ju el enaig esogona og, “Ehe enaig sihifeg kaba Godna leg afa kagelni nihe mo enaig gifig el enaig esogba sa ma lahai.”

Suialag Mo Jon Ginofena 20:28

Afa Tomas ehem sihina og, “Neba kana Ainiyag afa kana God.”

Suialag Mo Jon Ginofena 20:31

Afa ka hwa mo ginofeg asa ne anwenafenim Sisas eba Godna Gisfu Fwahag El ehe Godna leg. Afa ehe enam olug onigini asa heafna unehlag la sa ma ne nufunam nofkenagag flifi.

Suialag Mo Jon Ginofena 3:16

“Afa God mungwali elim fwina membini asa heafna Leg mungu nemug hwa bite la ningihiana. Asa amban el ehem olug oningig sama wahkig nofkenagag fli afa ehe mas awaiye.

Suialag Mo Jon Ginofena 6:69

Afa kagel olug onigig afa anwenafig neba afsug kabag el God nem ningihiag.”

Suialag Mo Jon Ginofena 8:58

Afa Sisas sihina og, “Eba nufunam feg afa Abraham mahim fiahfenaba ka ati gohna.”

Aposel 15:22

Afa kanog fwatieg el i saglag i afa mungwali sios el i mungwa mo sihiaginim asa ehengel nai yi minginag el fwatigbi sa ma Pol mi Barnabas mi Antiok kembig gam wanafui. Asa Judas fena afa ming unehlagba Barsabas afa ming Sailas fena. Eheningiba eba siosna misog el ahfena.

Aposel 16:1

Pol ikan Derbe yi wanpugunam afa ena kembig fwahanam Listra gam ika wanpuguna. Afa enanai yi Timoti Kristen el gafena. Afa heafna afag gafa Kristen afa ehe Ju angwafig afa alagba eba Grik el.

Aposel 18:5

Afa maia Sailas i Timoti i Masedoniam ahfwahanam ahblonaba Pol heafna gafugag mo fwahanam afa wahkig Ainiyagna mom gafugafegofna. Ehe fwina Ju elim wasneig mo sihini og, “Sisas eba Godna Gisfu Fwahag el elim lambfe.”

Aposel 8:36

Afa mina la ahkan ika bula pugunam afa ena misog el sihina og, “Buba hogi. Mango kam bu la pegimba kagfugu.”

Aposel 9:20

Gwenana ehe laskuhlag lala ikafnam asa mo sihiafna og, “Sisasba Godna Leg.”

2 Korin 1:1

Ka Pol God heafna sawieg la kaba Sisas Kraisna kanog fwahag el. Na ka Godna Korin la nai sios el mi afa mungwali Akaia provins la nai kristen el mi hwa moba ginofe faig. Afa bigelni nilite Timoti gafa ka hawagba ka ginofeg.

1 Tesalonaika 1:1

Afa ka Pol hwa ginof nem Tesalonaikanai sios elim ginofenig. Afa Timoti i Sailas i gafa ka mungwal auguiaba asa ka hwa moba nem ginofenig. Afa God bigelni Api nai yi afa Ainiyag Sisas Krais nai yi el ne feg. Asa ma olug enesieg fenam afa God esmunagim nem kwaganife.

2 Tesalonaika 1:1

Afa ka Pol ka hwa ginof nem Tesalonaika nai siosim ginofenig. Afa Timoti i Sailas i gafa ka mungwal auguiaba asa ka hwa moba nem ginofenig. Afa God bigelni Api nai yi afa Ainiyag Sisas Krais nai yi el ne fig.

1 Timoti 3:16

Afa big anwenafig nufunam mo God ehe upuguna afa enag fwina kwania feg. Afa enag nufunam mo enaig esog; Ehe hwaig el lofug gohna asa bitenai el heafna mom higinim ehem olug onigini. Afa Godna Sungwabug ogfuna ehe suialag afa oflanai el ehem nanguni afa ehe heven gam kukagim God i hawag.

Hibru 1:11

Afa enamba eba awaiefe afa nimbiafba ne wahkig gofufe. Afa enamba ofenaiba lofug watiauegim afa piplehiagofe.

Hibru 13:8

Afa Sisas Krais eba gwenaig gwese gofufe. Afa autunam feg, glau feg afa autunai la fefe ehe mas wahigi wahigi feagei.

1 Pita 5:12

Afa hwa weti ginofba Sailas kam kwegfug ginofeg. Afa ka anwenafeg ehe bigelni suialag nilite. Kog ka nem wasneinuge na ka enaig esog hwa ginof eba Godna suialag kwefwag ogfug. Sa ne hwa mo kehlanam wasneig gofum.

2 Pita 1:17

Afa maia Api God ehem kwania unehlagna afa ombusugni faigba afa kagel enanai yi afofena. Afa Godna kwania ombusug pugunaba afa enanai yi Godna mengig enaig sihifena og, “Enagba kana leg. Ka ehem fwina membenagim. Afa ka ehem sifakalenag.”

1 Jon 1:3

Kagel ati higig afa nangug afa nengelim sihigonug asa bigel mungu oningig fli. Sama Alag i heafna Leg i Sisas Krais olug usumuiag la bigim ahwangofi.

1 Jon 5:20

Afa bigel anwenafig Godna Leg ati blog asa bigim anwenafeg faig. Asa big anwenafig Godba nufunam. Afa Sisas Krais bigelni olug yi ga asa God gafa bigelni olug yi ga. Afa Sisas eba nufunam God feg afa ehe wahkig nofkenagag mog feg.

2 Jon 1:9

Afa amban el ne Kraisna mo ne fwahanam afa ming mo ne flaiba eba ne mas God i ahwagfi. Afa amban el hwa moba patalkuia fiba eba Alag i Leg i ehem ahwanigiafife.

Sumi Yi Puguiag Mo 1:11

Enaig esona og, “Mangwal sa ne mungwali fahigegba asa ne buk la ginofenam elegeg la gohug siosim fai. Ena siosba Efesus, Smerna, Pergamum, Taiataira, Sardis, Filadelfia, afa Laodisia.”

Sumi Yi Puguiag Mo 1:17

Afa maia ehem nangugba afa ehena kig mong la kam pegim lahag lofeg. Afa sa kam heafna nihiginai ningana tuhugim afa esog, “Nofeka embefe, eba kikehe gof fegim afa ka sumi feg.

Sumi Yi Puguiag Mo 1:8

Afa God Ainiyag ehe mungwali kigmogna feg esog, “Kaba kike ka goseg afa kike ka sum feg.” Eba ehe autunai fegim afa glaunai fegim afa autunai la gwese gofufe.

Sumi Yi Puguiag Mo 2:18

Ena moba maisim sihiagofna Sisas enaig esona sa ne ginofenam Taiataira lanai siosna of lanai elim fai. Hwaba Godna legna mo. Heafna nofugba suwi mileg lofug kukoitifego afa ehena mong fifagba eba mulug kapa lofug. Afa ehe enaig esog.