1 Timoti 5:22 - Godna mo Awai mona go

²² Afa nofeka ikagna elim ningana kehlanam asa ne esog ne Ainiyagna gafugag kehlagim. Afa enag el asa amtakwalig la peba eba neana moala ne gafa amtakwalig eseg. Afa nimbeafna nihe sa ne afsug gofum.

1 Timoti 5:22 ပူးပေါင်းရင်းမြစ်များ

Aposel 13:3

Afa sa fane fwai yi gonam betennini asa ninga eheningi nai yi skunim afa sa ningitigini.

Aposel 18:6

Afa Ju el mas ena mom membini mo afa ehengel Polim amtakwalig mo sihinaginiba asa Pol heafna nihinai lofug la nai nufusige buiabufehiagenam afa esona og, “Ka nem nufunam mo sihinigbi afa ne mas fatinig asa God kam mas esonai. Eba ne mungwag nimbeafena susug amtakwalig lambfi. Afa ilawamba eba ka afwambanai elim uku sihinfi.”

Aposel 20:26

Ka mungwali Godna sawieg mo faig mas ka mungu kumwahlag mo. Asa ka nem nufunam osihin amban mungu awaiegba eba mango kana moala mo.

Aposel 6:6

Afa sa kanog fwatieg elni nof la wanambenaba asa kanog fwatieg el ehengelim ninga misog la fakagonim afa sa betennegoni.

Efesus 5:11

Afa sa ne sikulufeg nihem membi feni eba mas haig esenam afa fug lugui. Afa sa ne enag nihe ambala lamblu ombusug yi fwati.

1 Timoti 3:10

Afa ilawana mo sa ne ehengelni gafugag i nihe i fahigenugenam asa ihlafeba sa ma ehengel siosna kwefwag elni gafugag esei.

1 Timoti 3:2

Afa siosna misog el masa haig haig amtakwalig esefe. Ehe sa ma mungu angwafigni fei, afa heafna onigig masa ese fapusofefe, sa ma aflahlanam fei, afa saglagna onigifei, afa afwambanai elim lala gam wankai afa Godna mo mingnagim ogfunigim eba ma sefei.

1 Timoti 3:6

El asa Sisasim glaunu olug oniginig ese enag el siosna misog el go fe. Masa heafna unehlagim fingi fefe eba God ehem susug faife asa Satan enaig esenaba asa God ehem susug faina.

1 Timoti 4:12

Afa ese nem enaig onigififi og neba kwablog el feg amo sa nimbiafna nihe Godna elim suialag mina ogfuni. Afa neana mo sihiagim afa gafugam afa membeg afa olug onigini afa suialag gag sa ma el enam nangunim nem patalfwi.

1 Timoti 4:14

Afa maia siosna misog el nem kehlinibi afa el nem Godna mo faina asa ne Godna Sungwabugni wasneig flana. Afa nofeka enam yiskose.

2 Timoti 1:6

Afa ka enam onigigim autunam ka kiafena ninga neana misog la kehlanaba asa God enag wasneig nem faina. Asa nofeka Godna wasneigim eteti, amo sa ne suwim pese gohwifuiafe.

2 Timoti 2:2

Mungwali mo sa ne higig asa ka kaksag elim sihinugeg, sa ne flanam kigmog elni ninga la fwahani asa ehengel mingnagim gafa ogfu goni.

Hibru 6:2

Afa bu la laitiag mo, afa siosna elim misog la ninga fakag mo, afa melig pigieg el bugiaga feg mo i, afa God elim kwefihiagenam asa mungwag faig gwese gofufe.

2 Jon 1:11

Afa amban enaig elim nugwehiagigbi eba ne ehengelni amtakwalig gafugam kweafunig.

Sumi Yi Puguiag Mo 18:4

Afa ka higigba ming elni mengig heven la pugug. Ehe enaig esog og; Kana el sonana mo fwahigim asa apuke ambe, masa ne mungwal wahe haig haig nihe eseagifie, masa ne mungwal ena susug flifie.