1 Timoti 2:2 - Godna mo Awai mona go

² Sa ne misog el mi afa mingnag gavmanna el mi Godim sahnaiba sa ma ehengelim suialag onigig faibi asa big aflahlanam augu afa big suialag nihe patalfufi asa big Godim suialag oni.

1 Timoti 2:2 ပူးပေါင်းရင်းမြစ်များ

Suialag Mo Luk Ginofena 1:6

Afa eheningi mas mangwal haig haig safena mo eba heafna Godna nofla suialag ahgofenaba afa eba heafna Godna nihe mom mi afa membug mi mungu ahpatal ahfefkufena.

Suialag Mo Luk Ginofena 2:25

Afa enanai yiba Simeon gafena. Enag Jerusalemlanai elbi eba suialag el fenam Godim lotu fenakafnaba afa ehe maisim nengeakafna el sa God Gisfu Fwahag Elim og sa ma Israel elim esenibi sa ma olug enesieg la augui. Afa Godna Sungwabug Simeon nai yi gofenaba.

Aposel 10:22

Afa ehegel sihini og, “Korniliusba soldiana misog el na kam ningitigi. Eba afsug el Godim ahnai skaufenaule, afa Ju el mungwali ehem mungu suialafe flig. Afa Godna of lanai el pugunam ehem sihinag sa ma nem unenaiba sa ne heafna lala gam blonam asa ma neana mo higi.”

Aposel 24:16

Enaig esegba nasa ka God afa elni nof la wasneiaka.

Mo Pol Rom la nai Elim Ginofe Faini 12:18

Afa mangwal sa ne eseba asa ne mungwali elim suialag wanaugufig sa ne enam esig.

Filipai 4:8

Kana nilite sumiamo ka nem ginof ofen. Afa sa ne mungwali hihe suialag nimbeafgelni onigig la lambi laitiagi eba enaig eseg mangwal sa suialafeg afa mangwal sa nufunam feg afa mangwal sa afsug feg afa mangwal sa Godna nof la ihlafeg afa sama el enam fingi fi afa mangwal mas haig esei afa mas mwakwale asa enaigim ne onigim.

1 Tesalonaika 4:11

Autunam ka nem sihinig sa ne enaig onigig kehlanam sa ne aflahlanam augunam afa nimbeafna gafugag mungu sa ne onigi afa nimbeafna ningana gafugafenam sa ne fane fla.

Hibru 12:14

Afa sa ne ehengeposinim asa ne mingnag elim olug enesieg fegonim afa afsug nihem patalfu. Afa el enaig eseg fwainigba eba ehe mas Ainiyagim nangug mo.