1 Timoti 1:19 - Godna mo Awai mona go

¹⁹ Maia ne Godna suialag mo la hagfiba asa neana olug onigig fwina Sisas nai yi wasnei lugwafim afa enag ninimu sa ne feg eba Godna nof la neana onigig suialag go. Afa mingnag el heafgelni suialag onigig esigim yiskosig asa heafgelni olug onigig eba mas wasneig mo asa tuto apaiyegog.

1 Timoti 1:19 ပူးပေါင်းရင်းမြစ်များ

Matyu 6:27

Amban sa nengelinai fwina onigwage asa heafna nofkikenaba hili fwahafe?

1 Korin 11:19

Ka onigig nengel haig haig onigigna fig asa enam ambala ogfug amban suialag nihe eseg afa amban amtakwalig nihe eseg.

Galesia 5:4

Afa amban nengel enaig onigifinim og ka Mosesna nihe mo patalku asa ka Godna nof la afsug kabag fei. Afa enaig el Kraisim masig fatig afa Godna esmunagim kwaganig mina mas ne enanai yi go mo.

1 Timoti 1:5

Afa ka nem hwa mo sihinagba asa ka membeg el enaig flinim, suialag olug afa suialag onigig afa nufunam olug onigig. Enaigfibi asa mingnag elim fwina membenife.

1 Timoti 3:9

Afa nufunam mo God ehe upuguna enag el sa kehlanam og ka Godna nof la heafna mom patalku.

1 Timoti 6:12

Afa el asa gosis la kikini fakafe sa ne enaig ese Sisasim olug oniginam kikini enaig kafe eba nimbe wahkig nofkenagag flafe. Afa maia ne kaksag elni nof la enaig sihifenaba kaba Godna el asa God nem wegfu fwahag asa ne enag nofkenagag flafe.

1 Timoti 6:21

Afa mingnag el enaig mom sihigim asa Godim olug onigig ena mina ati fwahig. Sa ma God aflahlanam nengelim esug kwagani.

1 Timoti 6:9

Afa amban sa fwina onigig og ka kaksag gawig lambi asa Satan ehem yuhnagba asa haig haig amtakwalig onigig fegba asa ehem wegmosug fe fatig. Afa enaig onigig ublu seaifug afa ehem ati amtakwalig fatig.

2 Timoti 2:18

Afa ehengelni nufunam mo ahfwahagim afa ahsog, “Ati big biteg kife nai buguiagafeg asa big mas pese buguiagafe.” Afa enag mo mingnag elni olug onigigim amtakwale fatinig.

2 Timoti 4:4

Afa ehengel nufunam mo fwahinim afa mwakwal mo el asa sihiagig ena mom ugwe onigifi.

Taitus 1:9

Afa ehe mog mo asa flag sama fwina suiala keahlafei asa ehe mingnag elim kwagani sama nufunam mo anwenafi. Afa amban og ka Godna mo filafefe afa enag saglag el sa ne ikanam enag mog mo sihinage asa ehena amtakwalig mo filafati.

Hibru 3:14

Afa atiaba bigelni olug onigig gwese wasneig gohugba eba sa ma gwese gohun bigim lahai asa big Kraisna hihe nemug fefe.

1 Jon 2:19

Autunam sonaig el bigel mungwali auguia afa ehengel mas bigelni mungu oningig fig mo asa bigim lasanig afuiagohug. Asa ehengel bigelni nilitefefe eba big mungwali auguiafife asa afuiagoiba eba bigim ogfunig mungwali ehengel mango bigelni nilite mo.

Sumi Yi Puguiag Mo 3:10

Afa maia enanam kwania kinig mungwali bite la pugunam elim yuhug faibi. Afa kana mo enaig esog sa numwehe wasnei afofum asa ati ne ena mom patalfug, eba ka nem nangwaghiage gofufe eba mas nem amtakwale saiyi.

Sumi Yi Puguiag Mo 3:3

Sa ne pese onigim mangwal sa ne higigim afa flag sa gwenam patalkunam sa ne olug waikefe. Afa ne enaig esefe ofe el nongi eba ka ukwef el lofug blofe afa mas ne kam anwenafenai sa ka ahnana neanangum blofe.

Sumi Yi Puguiag Mo 3:8

Ka ati anwenafeg mangwal sa ne fiagig. Sa nangu, mengigba ka nem pigi fwahanag afa mas amban kikise. Ati ka anwenafeg ne gweseg maisim weti wasneigbi gu afa ne kana mo kehla gwese ukwia afa mas ne kana unehlagim mas fatinai.