1 Timoti 1:11 - Godna mo Awai mona go

¹¹ Enag suialag mog mo eba Godna suialag mo nai pugug. Godba suialag ehe sisi ga enag suialag mo kam faig og sa ne sihiage.

1 Timoti 1:11 ပူးပေါင်းရင်းမြစ်များ

Suialag Mo Luk Ginofena 2:14

God sisinai nemugna unehlagim fingifi. Asa ma bitenai el Godna membug la olug enesieg la gohkai.

Mo Pol Rom la nai Elim Ginofe Faini 2:16

Afa suialag mo ka sihig eba enaig esog maia God Sisas Kraisim sihinaiba sa elim kwefihianugegim asa ehe gafa elni olmegam onigigim kwefihianugefe.

1 Korin 9:17

Afa kiafna onigig la enag gafugag esegba asa enanam suialag sa ka fla fe afa mango kiafna onigig mo eba God ehe kam enag gafugag fai asa ka eseg.

2 Korin 4:4

Afa el mas Godim olug oniginag mo asa Satan, hwa bite nai god, ehena onigigim sikulufenag asa ehe mas Godna suialag mona ombusug nangui. Afa enag ombusug suialag mo nai blog eba Kraisna ombusug afa eheba God i mungwalofug ahfeg.

2 Korin 4:6

Afa God enaig esog, “Sa ma ombusug ahkauminefei afa sikulufegim filafetig.” Afa ehe bigelni olugim ombusug fenigbi asa bigel Kraisna nofbusugna ombusugum nangugim afa Godna ombusug nemugim anwenafi.

Galesia 2:7

Afa ehengel mas haig esogona mo amo eba ehengel enaig esogona og God ehem enag gafugag faig eba heafna gafugag sa ma afwambanai elim Godna suialag mo sihiakai eba gwenaig God Pitam faigba asa ehe gafa Ju elim sihinugeakana.

Efesus 1:12

Afa kagel Juda nai el ka gof gam Kraisim olug onigigim afa ehem patalfug. Afa God kagelim kanog fwatigba asa kagel enam anwenafi ehe kwania feg asa ka heafna unehlagim fingi fi.

Efesus 1:6

Afa God heafna legim fwina membenam afa enaba ningihagba asa pe blog bigim lahanig. Eba ehe esmunagim bigim kwaganigba asa big Godna unehlagim fingi fi.

Efesus 2:7

Afa God bigim membenigim asa bigim Sisas Kraisna esmunagim kwaganig afa enag eba fwina kwania feagegim asa ehe ogna enam wahkig ogfuiag gofum.

Efesus 3:10

Afa autunamba meagam seifo gofena afa glawaba siosim esenigbi afa sios Godna haig haig suialag onigig i afa anwenag i ambala upukeminefenigbi og sa ma oflanai el wasneig elni afa sanelni misog elni enag Godna onigigim anwenafi.

Kolosi 1:25

Afa God kam esenagba sa ka siosna gafugag el feg. Ehe kam ena gafugag faigba nengelim og sa ma suialag gohe. Ena gafugagba eba enaig eseg sa ka ehena mungwali mo nengelim sihinig.

1 Tesalonaika 2:4

Amo, God ehe kam esonugum afa kam gafugag faig asa ka suialag mo elim sihigonig. Afa kagel mas enaig onigig fig el sa ma kam sifakalegoni, awai, God ehe kagelni onigigimba ati yuhunugum asa ka membig ehem sifakalenig.

1 Timoti 2:7

Asa God kam kanog fwahag na ka afwambanai elni ogfuiag el feg. Afa ka nufunam mo sihig asa ma el Godim olug onigini. Ka mas mwakwale eba ka nem nufunam sihinig.

1 Timoti 6:15

Afa suialag osuna God ehe ati wegfu fwahag asa Sisas ambala puguiba big nangufi. Afa God eba suialag ehe mungwali gawigim nangwaghiageg, afa ehe mungwali misog elni misog feg, afa ehe Ainiyag mungwali ainiyagim kwania fenig.

1 Timoti 6:20

O Timoti, gafugag sa God nem faig sa ne enam suiala fiahfla. Afa mingnag mwakwalule el enaig esog kagelni anwena onigig eba suialag afa enam mo behigim sa flafihiagigim afa amtakwalig mo sihig. Sa ne enaig elni mom membifeni.

2 Timoti 1:11

Afa God kam enaig esenag na ka Godna kanog fwahag el feg afa tisa feg sa ka heafna suialag mo sihiageg.

2 Timoti 1:14

Afa God nufunam mo neana ninga la fwahag asa ne suialafiahfla. Afa Godna Sungwabug bigel nai yi sefu goh afa heafna wasneigni sa ne enam mom numweheafla.

2 Timoti 2:2

Mungwali mo sa ne higig asa ka kaksag elim sihinugeg, sa ne flanam kigmog elni ninga la fwahani asa ehengel mingnagim gafa ogfu goni.

Taitus 1:3

Afa enanam suialag osuna mungwali ati numwehiagini afa heafna mo ambala puguna. God, bigelni kwaganig el feg ehe kam enaig gafugag faig asa ka heafna mo sihiaka.