1 Pita 3:10 - Godna mo Awai mona go

¹⁰ Afa Godna mo enaig esog; Afa amban el membeg ogna suialag augufe afa heafgelni nofkenagim sifakali. Eba ehe sa ma amtakwalig mo mi afa mwakwal mo mi fwahi.

1 Pita 3:10 ပူးပေါင်းရင်းမြစ်များ

Matyu 19:17

Afa ehem sihina, “Haisegba ne kam sahanag og, ‘Mango suialagba?’ God mungu eba ehe suialag. Ne membeg wahkig nofkena flagimba sa ne Godna nihe mo patalku.”

Suialag Mo Mak Ginofena 8:35

Afa aman mingnagwo enaig olningugeimba, ehefum ogum, ‘Ka kwisig Sisasim pahluguagim amang amang kinig ehefena aga kaga tigegna ka kwisig,’ aman enaig olningugeimba emba enena lofug enag wahaf eso ehefena sungwagwo tawetik nalig faf. Godna nihiyi wahegwa gwesena hegegwa agafuf. Mingnag elwo amangal enaig olningugeigmba, kam olninginim, kana mo lahlagim sihinim, kana gafungag esel esig enam enag wahagmba.

Suialag Mo Jon Ginofena 1:47

Afa Nataniel buihia ikafnaba. Afa Sisas Natanielim nangunam maia blofenaba afa esona og, “Hwa elim sa nangu ehe Israelna nihe suialag patalku feg afa heafna mo i nihe i eba nufunam feg.”

Suialag Mo Jon Ginofena 12:25

Afa amban el hefim fwina onigkafife enag el eba awaiye fe. Afa amban el mas bitenaim fwina membeg mo afa heafna nofkenagag oksig asa enag el wahkig nofkenagagim numwehiageg.

Jems 1:26

Aman enaig ol nofefemba, “Kamba Godim pahlukuag el ka feg,” emba enaig elbi eseg mas eheafena megigim numehiageg mo, eheafena minag esegim Godim pahlukuag eseg Godna moaba esim eskum fatig, mas nufunam Godna mom pahlukui, emba esegim ehafena olugum enag ehe moakwalenag.

1 Pita 2:1

Afa sa ne mungwali amtakwalig nihem masigim fati. Afa nofeka mwakwal mo sihi afa sambaga mengigna fi afa ambobugiagi fiahgi afa elim sehii.

1 Pita 2:22

Afa ehe mas mango weti fena mo afa ehe mas mwakwal mo sihina mo. Ais 53:9

Sumi Yi Puguiag Mo 14:5

Afa ehengel mas mwakwal mo sihini mo, eba awai, mas ehengel haig fig mo.