1 Pita 2:8 - Godna mo Awai mona go

⁸ Afa ming Godna mo enaig esog; Afa enag sumul eba kaksag elim mwelkel fetife gofiba asa el ena sumul mogug yi apaiyegofe. Ais 8:14 Eba ehe Godna mom fingi fatigbi nasa ehengelim mwelkel fetife go. Eba autunam God ati anwenafe fwahana eba enaig esifi.

1 Pita 2:8 ပူးပေါင်းရင်းမြစ်များ

Suialag Mo Luk Ginofena 2:34

Afa Simeon og God nem suialafenifie afa sa Mariam sihina og, “Sa hig, sana luwalba God Gisfu fwahag asa kaksag Israel elim kwaganife afa eba kaksag elim mingnagim mo amtakwalig aitife. Afa maia enaig el Godna onigigim ogfuiba asa kaksag el ehem moalampinagife.

Mo Pol Rom la nai Elim Ginofe Faini 9:22

Afa mangwal God eseg eba gwenaig. Afa ehe ona tonbusug elim olug kakagim asa heafna kigmog ogfun. Afa enag elim ehe sa olug kakagenigim afa ehe ehengelim ati numwehenuge fwahag amtakwale klaitiag fligim asa God ogma enag elim olug waikefenam asa ehe maisim asa mas ikagna eseg mo.

1 Korin 1:23

Afa kagel eba Kraisna li katigeg la lahagna mo sihiafu. Afa Ju el enag mom higigim og eba metunig afa afwambanai el enag mom esogog eba mo behig.

2 Korin 2:16

Afa el amtakwalig mina la afug bigelni gafugag ofenaiba melig nifug asa elim amtakwalig klaitig. Afa el Godna mina la afug enag nifug eba elim nofkikenag faig. Afa el mas enag gafugagim heafna wasneigni esei.

Galesia 5:11

O nilite, afa ka enaig sihifeteba sa ne nimbeafgelni elig kokwahiagi, haisegba enag patalfuiag el kam kinig fai? Afa ma ka enaig sihifeteba eba nufunam asa enag el mas kam ninimu flini mo maia ka enaig sihiba Krais li katigeg la lahana.

1 Tesalonaika 5:9

Afa God bigim kanognigim asa pese bigim amtakwalig klaitife enaig eba awai. Amo, ehe bigim kanognigim asa Ainiyag Sisas Kraisna bigim pese lambife.

1 Pita 2:6

Afa Godna mo enaig esog og; Sa higim, autunam ati ka suialag sumul kanog fwahana eba mingnagim gosenig afa fwina suialag lala sumul feg eba ka Saion kembig fakag. Afa ambangel ehem olug oniginibi eba mas afwanfi. Ais 28:16

1 Pita 2:7

Afa ambangel sa ne olug onigig enag sumul eba nengelim suialag nemug fenig afa ambangel mingnag mas olug onigig mo enaba ming mo enaig esog; Afa lala nimblag el sumulim fahigenagigim og eba amtakwalig sumul asa esugum fatig. Afa sona sumul eba ehe gosegim afa fwina suialag lala sumul lofug feg. Sam 118:22

Mo Jut Ginofena 1:4

Afa mingnag amtakwalig el ambegim asa bigel nai yi meagam saiye afoiye. Autunam God ati sihig fwahana ehe enag elim amtakwalig mungwag faifie. Enag el mo flagim asa nufunam sihi afa mwakwalna sihi fafefe asa ehengel og kana amtakwalig nihe eba suialag. Afa ehe og afa eba Sisas Krais mangwal mungwa mo eba mingnag ainiyag ati feg.