1 Pita 2:24 - Godna mo Awai mona go

²⁴ Afa maia el Kraisim li katigeg la akahlifnibi ehe heafna eligni bigelni amtakwalig mo flani. Afa ehe enaig esegba asa big amtakwalig nihe gwesim fwahinim asa suialag nihe la saiye afofum. Afa ehe susug flagba asa enanam bigim suialafe klaitig.

1 Pita 2:24 ပူးပေါင်းရင်းမြစ်များ

Matyu 27:26

Afa ehe Barabas mo ehengelim fwahanim asa Sisasim soldia na ninga la fwahinim asa wena fliflifenaginim afa sa li yi kukufenagife.

Matyu 5:20

Ka nem nufunam sihinig afa neana nihe farisi elni afa nihe mo anwena elni suialag nihem filafeg fwainigba eba mas ne Godna bog megam seaifoi.”

Matyu 8:17

Godna mo fla sihiule el Aisaia autunam ena mo sihinaba asa enaba ena mo nufunam puguna. Aisaia og; Ehe bigelni haig haig gihim lambinam afa lambkuna. Ais 53:4

Suialag Mo Mak Ginofena 15:15

Pailat enag ona “Kawo elksam enam sawiyi fenim eso ma kam lahlafini.” Enag Pailat Barabasim pitigifatina ma pugugai. Eso Pailat Sisasim ami elim faiyini, ona, “Ma we kigna ma tiginim eso aga kaga tigegwa kukufinim tigeki.”

Suialag Mo Luk Ginofena 4:18

Ainiyagna Sungwabug kam blonag, afa wegig fwahagba asa ka ehena suialag mo esug elim fla blunig. Enag ehe kam ningihiagba na koka kalabusinai elim mo sihinibi asa ma enanai yi fwahinim apuke esug afui. Afa koka ikanam nof tetini elim sihigonibi asa ma nofug bahia skofei ehe kam ningihiagba enag ka blo koka elni kinigim flafatini.

Suialag Mo Jon Ginofena 1:29

Afa ming osuna Sisas Jon nangum blofenaba asa Jon ehem nangonam esona og, “Sa nangu, enag el Godna sipsip luwalig oblo afa ehe bigelni amtakwaligim kufla fatiagim.

Suialag Mo Jon Ginofena 19:1

Afa Pailat amiim esonibi sa ne Sisas kehlinim fliflifefli.

Aposel 10:35

Afa ambangel haig haig el Godim ahnai skaufenigim afa suialag nihe patalfug enaig elim God sawiyi fegim lambig.

Aposel 10:39

Enaigim na ka nangugim maia Ju elni mungwali kembig afa Jerusalem la enaig esenigbi na sa ka ena mo sihig. Afa enaig elim li katigeg la tigi kahli.

Aposel 13:29

Sonag elbi ati Baibel sihi fwahana asa ehem enaig esenag gifi sa gwenaig esini li katigeg la nai numbwaslinim bite meg gam fakini.

Aposel 5:30

Nengel ati Sisasim li yi kokufinagigim afa ehem tigi kahligbi asa lahag, afa God bigelni simbiangana ehe ati pese ihlafogba asa buihiag.

Mo Pol Rom la nai Elim Ginofe Faini 6:11

Asa ne gwenaig onigig fi ne ati lahag asa ne mas amtakwalig nihem ahnai skaufenai. Eba Sisas Krais nai yi ne nofkena goba asa ne Godim esena go.

Mo Pol Rom la nai Elim Ginofe Faini 6:13

Afa nofeka nimbeafna elig mungu fwahaiba sa ma ikai amtakwaligim ahnai skaufenai afa amtakwalig nihe esegim. Amo, ne nimbefum sa Godim mungwal faiye ofenai lahag el pese nofkenagag flag. Afa sa ne nimbeafna mungwali elig Godim ahnai skaufenai asa suialag nihe eseg.

Mo Pol Rom la nai Elim Ginofe Faini 6:16

Ka onigig ati ne enam anwenafig, afa maia ne enaig esog kaba neana esug gafugag el fefe asa ne enag elni mom patalkug. Afa sa ne amban el ne higinam patalkuiba eba ati ne ehena esug gafugag el feg. Atiaba ne amtakwalig nihena esug gafugag el feg eba ne amtakwalig mina ikafe nem lahag pugunafe. Afa atiaba ne Godim higinam patalkug eba ne afsug nofkenagag flafe.

Mo Pol Rom la nai Elim Ginofe Faini 6:2

Amo, mas big enaigba esi. Afa ati big Krais i ahlahag asa big mas amtakwalig nihem ahnai skaufini. Asa nofeka afohienam amtakwalig nihem esiafufum.

Mo Pol Rom la nai Elim Ginofe Faini 6:22

Afa glau God nem amtakwalig nihe nai pigi fwatigba asa ne Godna esug gafugag el fig. Afa enaba ne afsug kabag nofkenagag flig asa ne wahkig nofkenagag mina la afohie.

Mo Pol Rom la nai Elim Ginofe Faini 6:7

Asa amban el sa lahag enaig el mas amtakwalig nihena wasneigim ahnai skaufeg mo.

Mo Pol Rom la nai Elim Ginofe Faini 7:6

Afa mangwal sa bigim kike lambugu glau ehe mas bigim enaig esenig mo. Afa big lahag asa mas nihe mo ahnai skaufeg mo. Asa big mas nihe mom Moses ginofegim patalfug mo asa Godna gafugag esigim. Eba autunai mina afa glaunai minaba big fligim asa Godna Sungwabugim patalfug.

1 Korin 15:3

Afa mangwal mo sa gofseg sa ka flana ena ka nem sihini. Ena moba Krais lahagim bigelni amtakwaligim huguflaitinig eba gwenaig Godna mo enaig esog.

2 Korin 6:17

Afa ming mo God enaig esog; Sa ne ehengel menai fwahanam afa alganam afu afufum. Afa mangwal asa Godna nof la nufwehig nofeka enam ambe muhlafi asa ne enaig ese afohiefiba asa ka nem awamona. Ais 52:11, Ese 20:34,41

Galesia 3:13

Afa bigel mas mungwali nihe mo patalfuna mo asa God enaig esog sa ma ehengel amtakwalig fli. Afa Krais membeg enag kinig bigelni huguflafatig asa ehe enag amtakwalig ehe flanig asa Godna mo enaig esog, “Mungwali el li yi lugufe eba God ehem amtakwalig faife.”

Efesus 5:9

Afa ombusug nihe eba haig haig suialag nihe i afa afsug nihe i afa nufunam nihe i lampugug.

Filipai 1:11

Afa eba mungwali suialag nihe sama nem gohunfi enaba Sisas Krais la nai blog. Asa ma el enam nangunim sama Godna unehlag fingi fi.

Kolosi 2:14

Afa Mosesna nihe moba bigelni amtakwaligim ambala ogfunig afa enag amtakwalig i afa haig haig enag nihe mo i bigim seahiag enag God maia Sisas li katigeg la lahanaba asa God ena niheba li katigeg la waheg fwahagba asa awaieg.

Kolosi 2:20

Afa ati ne Krais i ahlahawagig. Haisegba ne maisim hwa bitenai onigig ufu ofenaiba ne bitenai el ne fig? Haisegba sa ne bitenai nihem ne patalfuia?

Kolosi 3:3

Asa ati ne lahagim afa neana nufunam nofekenagag mas ambala feg mo eba Krais i Godnai yi sefu ahgo.

Hibru 10:10

Afa sa Sisas Krais gwenaig eseg Godna membugim patalkugim mungu nagim lahagba asa gwese goh. Afa enaba bigelni amtakwaligim huguflaitinigbi asa big afsug fiahsaieg.

Hibru 10:5

Afa sa maia Krais hwa bite la blogim muhla ofefiba ehe Godim enaig esonafe og; Afa ne oksig el nem gawig faigim afa sis tuhlu faig mi. Asa ne kana eligim numweheageg fwahag eba enam mungwal lofug gafugagfeg.

Hibru 12:13

Afa sa ne misosuf mina gam gwesim afuiafim asa neana mung amtakwalig nugweg gofi masa amtakwalig mina ena mungim amtakwale fatife.

Hibru 7:26

Afa Sisas eba prisni misog el feg enaig pris eba bigim kwagani feg. Afa ehe afsug nemug feg afa mas ehem sehi afa ehe mas mangwal weti fe. Afa ehe mas amtakwalig elim muhlafeni amo, eba God ehem sisi gam nemug fingi fukug.

Hibru 9:28

Afa eba Krais ati enaig eseg mungu nagim lahagim afa hefum Godim gwese faigim asa amtakwalig nihem kaksag elni flafatinig. Afa ehe sumi yi pese pugunam eba mas elni amtakwaligim flafatini amo, eba awai eba blonam el sa ehem nengena afo enam lambfe.

Jems 5:16

Enaig fenamba, enag esinim ahnaig ahnaig amtakwalig nimbefena enag ambawa mingnag nilitem ambawa sihigonugimbi, eso enag nilete enag mesinim nem sahini. Feimba God esenam negelim enag lahlafehianigef. Aman el Godna fenam yuhwa sufug fegmba, afa Godum sahanaimba, emba ehna sahig enag kifutuk yuhwa feg.

1 Jon 2:29

Nengel ati anwenafig Sisasba Godna nof la suialag el afa amban el suialag nihem patalkug eba Sisas lofug feg enag elbi Godna luwalig apukeg.

1 Jon 3:7

Kana luwal, nofeka mwakwal elni mo higinim. Sa ne anwenafe afa amban el suialag nihem patalkug eba ehe suialag el afa suialafenig asa gwenaig Sisas fena.

Sumi Yi Puguiag Mo 22:2

Afa kembig mina ikag la enanai yi ena buba olyi ikagi. Afa ming magig ikag afa ming magig ikag enanai yiba nokikena faig li afohie. Afa ena libi eba mungu mungu wasi yi 12 pela haig haig fug leafo. Afa figegba elim mungwali bite naim suilafetifeg.