1 Korin 9:20 - Godna mo Awai mona go

²⁰ Afa maia ka Ju el nanam gafugafegba ka Ju elni auguiag lofug feg asa ka membeg Ju el sa ma Godna el apukefi. Afa ka mas nihe mo ahnai skaufena mo afa el nihe mo ahnai skaufig sa ka ehengel nanam gwenaig augufegim asa ka membeg ehengel sa ma Godna el apukefi.

1 Korin 9:20 ပူးပေါင်းရင်းမြစ်များ

Aposel 16:3

Afa Pol ogna Timotim waniki afa mungwali Ju el enanai ati ehe anwenafini Timotina alag eba Grik el asa Pol Timotina nihim kokohianagena. Grik el mas enaig esi afa Pol enaig esenamba, eba mas Ju el Timotim haig esini.

Aposel 18:18

Afa Pol Korin la mwakwaliganam asa Kristenim mo lasanam. Afa sa Akwila mi Prisila mi wanikana bot la wanfokunam asa Siria gam afuna. Pol akofenaba Senkria la samawina eba enaig esenaba eba ogfug ehe ati Godim mo sihi fwahana.

Mo Pol Rom la nai Elim Ginofe Faini 11:14

Eba ka membeg kiafna mungwa usmunai enag gafugagim nangunim asa ambobug fegonig. Afa enaig minaba ehengel sa ma pese Godim yisgibi asa God mingnagim lambi.

Mo Pol Rom la nai Elim Ginofe Faini 3:19

Afa big anwenafig bigel Ju el nihe mona ahnai skau afohie asa big Ju el enaig esofe ka mas amtakwalig esena mo. Asa God Ju el mi afa afwambanai el mi bigim gwenaig kwefihiagefe.

Galesia 2:19

Afa Mosesna nihe mo enaig ogfug kaba amtakwalig el feg. Afa glau ka mas enaigim onigi eba nihe mo kam enaig esenagba asa ka afsug el pugufe amo eba ka Godim olug onigig fenag.

Galesia 4:21

Afa amban nengel nihe mom ne membigim asa ahnai skaufinig sa ka wahigi sihini. Atiaho ne nihe mog mo anwenafig me awai me?

Galesia 4:5

afa bigel nihe mo ahnai skaufini asa ehe bigim pese lambigim asa big Godna luwalig fig.

Galesia 5:18

Afa ne Godna Sungwabugim patalfiafiba eba mas ne nihem mo ahnai skaufenai.